ДУШАНБЕ, 04.06.2023 /АМИТ «Ховар»/. Имрӯз, 4 июн рӯзи ниҳоии мусобиқаи Гран-прии Душанбе 2023 оид ба ҷудо, ки дар доираи Сайри ҷаҳонии ҷудои Федератсияи байналмилалии ҷудо баргузор мешавад, доир мегардад. Дар ин хусус мухбири АМИТ «Ховар» хабар медиҳад.

Дар рӯзи сеюм ҷудочиён дар вазнҳои то 90 кг, 100 кг ва беш аз 100 кг байни мардон ва дар вазнҳои то 78 кг ва беш аз 78 кг байни занон рақобат хоҳанд кард.

Имрӯз 12 варзишгари тоҷик болои гилеми гӯштингирӣ мебарояд.

-90 кг:

– Комроншоҳи Устопириён дар даври аввал озод буда, дар даври дуюм бо ғолиби ҷуфти Вугар Талибов (Озарбойҷон) ва Егор Варапаев (варзишгари фардии бетараф) вомехӯрад.

— Ҷаҳонгир Маҷидов – Даниэл Бершадский (Исроил), дар даври дуюм

– Ҳақназар Назаров – Зуфарбек Уролов (Узбекистон)

— Акмал Муродов – Маттиас Мартин (Олмон), дар даври дуюм

-100 кг:

— Абубакри Акобир – Златко Кумрич (Хорватия), дар даври дуюм

— Исроил Раҳимов — Матвей Каниковский (варзишгари фардии бетараф), дар даври дуюм

— Эмомризо Анварзода — Даниэл Мукете (варзишгари фардии бетараф)

— Раҳматулло Мирзоев — Муҳаммадқодир Мансуров (Узбекистон)

+100 кг:

— Темур Раҳимов дар даври аввал озод буда, дар даври дуюм бо ғолиби ҷуфти Валерий Эндовитский (варзишгари фардии бетараф) ва Исломбек Равшанқулов (Узбекистон) рақобат менамояд.

— Мансур Раҳмон — Магомедомар Магомедомаров (АМА)

– Иброҳим Элмуродов – Яш Виҷайран (Ҳиндустон)

— Шакармамад Мирмамадов — Ҷамол Гамзатхонов (Озарбойҷон), дар даври дуюм

Ғолибону ҷоизадорони Гран-прии Душанбе-2023 дар баробари медалҳо бо ҷоизаҳои пулӣ сарфароз гардонида мешаванд. Ғолибони ҳар як вазн 3000 евро, барандагони нуқра 2000 евро ва биринҷӣ 1000 евро ба даст хоҳанд овард.

Ба ғайр аз ин Гран-прии Душанбе-2023 мусобиқаи интихобӣ ба Бозиҳои олимпии Париж-2024 буда, ба рейтинги варзишгарон хол илова мекунад. Барои ҷойи 1 — 700 хол, ҷои 2 — 490, ҷои 3 — 350, 5 — 252 ва ғайра.

АКС: АМИТ  «Ховар»