Мариус Визер: «Масъалаи дар оянда баргузор намудани Чемпионати ҷаҳон оид ба ҷудо дар Тоҷикистон баррасӣ гардид»
ДУШАНБЕ, 01.06.2023 /АМИТ «Ховар»/. «Барои ман имконияти вохӯрӣ бо Президенти Ҷумҳурии Тоҷикистон муҳтарам Эмомалӣ Раҳмон мояи хушнудӣ ва шарафмандии бузург буд», — гуфт пас аз вохӯрӣ бо Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Президенти Федератсияи байналмилалии ҷудо Мариус Визер.
«Ҷумҳурии Тоҷикистон аҳолии хеле ҷавон ва аз ҷониби дигар насли навраси бузург дорад, ки ин барои ояндаи мамлакат бисёр арзиши бебаҳо дорад», — таъкид намуд Мариус Визер.
Ба гуфти ӯ, «имрӯз инноватсия ва технологияи нав барои рушди ҷомеа нақши бузург бозида истодаанд. Ҷомеаи ҷавони Ҷумҳурии Тоҷикистон барои шумо тавассути ин технология ва инноватсияҳо ояндаи бузургеро метавонад таъмин намояд».
«Ман аз натиҷаи мулоқот бо Президенти Ҷумҳурии Тоҷикистон муҳтарам Эмомалӣ Раҳмон бисёр таассуроти хуб бардоштам. Ҳукумати Ҷумҳурии Тоҷикистон барои тарбия ва таълими ҷавонон тавассути варзиш корҳои наҷиберо ба анҷом расонида истодааст. Аз ҷониби дигар, мо оид ба Гран-прии Душанбе муколамаи хеле хуб доштем. Инчунин дар мулоқот масъалаи дар оянда дар Тоҷикистон баргузор намудани Чемпионати ҷаҳон оид ба ҷудо баррасӣ гардид. Агар чунин имконият пайдо шавад, ин ба муаррифии Ҷумҳурии Тоҷикистон ва ҷалби сармоягузориҳо мусоидат мекунад. Дар доираи он форумҳои иқтисодӣ ва чорабиниҳои фарҳангӣ ва ҳунарҳои мардумӣ ташкил мекунем, ки дар пешбурди фарҳанг ва арзишҳои Тоҷикистон метавонад нақши бузург гузорад».
Президенти Федератсияи байналмилалии ҷудо Мариус Визер ба Ҳукумати Ҷумҳурии Тоҷикистон ва Федератсияи ҷудои Тоҷикистон барои дар сатҳи баланд ташкил намудани аввалин Гран-прии Душанбе-2023 изҳори сипос намуд. Ба гуфти ӯ, «Федератсияи байналмилалии ҷудо солҳои охир кумакҳои назаррас пешниҳод намуда истодааст. Имрӯз як барномаи ҷудо дар мактабҳо амалӣ намуда истодаем. Дар доираи он ба Ҷумҳурии Тоҷикистон маводи зарурӣ ва маблағҳо пешниҳод шуд, ки он инчунин иштироки варзишгарони Тоҷикистонро дар мусобиқаҳои байналмилалӣ дастгирӣ намуда истодаем. Ин кумак ва ҳамкориро бо раёсати нави Федератсияи ҷудои Тоҷикистон дар оянда низ тақвият хоҳем дод».
Мариус Визер таъкид намуд, ки «ҷудо на танҳо варзиши олимпӣ ва инчунин имконият барои роҳи нави таълими ҷавонон аст. Ин намуди варзиш ба сулҳ, ваҳдат ва ҳамбастагӣ дар тамоми ҷаҳон мусоидат мекунад».
Дастаи мунтахаби Тоҷикистон оид ба футбол дар бозии дӯстона тими миллии Ҳиндустонро мағлуб кард
Варзишгар аз Тоҷикистон Абдулмаҷид Кудиев дар Узбекистон медали тиллоро сазовор шуд
ФУТБОЛ. Дастаи олимпии Тоҷикистон (U-23) бо ҳамсолони худ аз Чин бозиҳои дӯстона баргузор мекунад
Ғолибони Чемпионати Осиё оид ба бокс қадрдонӣ карда шуданд
Ҳайати дастаи мунтахаби Тоҷикистон оид ба футбол барои бозиҳои дӯстона бо тими мунтахаби Ҳиндустон муайян гардид
ФУТБОЛ. Дастаи мунтахаби Тоҷикистон бо тими мунтахаби Ҳиндустон бозиҳои дӯстона анҷом медиҳад
Дар Ёвон гулгашти фарҳангию фароғатӣ бо муҷассамаи «Рамзи футбол» ба истифода дода шуд
Дар деҳаи ба номи Иброҳим Бозорови шаҳри Турсунзода бахшида ба Рӯзи ҷаҳонии футбол майдони варзишии «Ҳумо Арена» ифтитоҳ ёфт
Бахшида ба Рӯзи ҷаҳонии футбол Фестивали бошукуҳи футбол баргузор гардид
Дар Душанбе Варзишгоҳи миллӣ ба истифода дода мешавад
Хислатҳои неки роҳбарии Рустами Эмомалӣ -ҳадафмандӣ, таваҷҷуҳ ба таҷрибаҳои беназир, эҳтиром ба одамон ва муоширати сатҳи баланд
Эмомалӣ Раҳмон: «Футбол имрӯз на танҳо як намуди варзиш, балки омили муҳими таҳкими дӯстӣ, ҳамдигарфаҳмӣ ва ҳамбастагии халқҳо гардидааст»
