Масатсугу Асакава: «Давоми даҳ соли оянда ҳамкории Бонки Осиёии рушд бо Ҷумҳурии Тоҷикистон боз ҳам равнақ ва тақвият хоҳад ёфт»
ДУШАНБЕ, 12.06.2023 /АМИТ «Ховар»/. «Давоми даҳ соли оянда муносибатҳои Бонки Осиёии рушд бо Ҷумҳурии Тоҷикистон боз ҳам равнақ ва тақвият хоҳад ёфт», — гуфт имрӯз пас аз мулоқот бо Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Президенти Бонки Осиёии рушд Масатсугу Асакава. Дар ин хусус мухбири АМИТ «Ховар» хабар медиҳад.
Ба таъкиди Масатсугу Асакава, дар мулоқот масъалаҳои ҳамкории байни Ҷумҳурии Тоҷикистон ва Бонки Осиёии рушд баррасӣ гардид. Имсол Тоҷикистон ва Бонки Осиёии рушд 25-солагии муностибатҳои шарикиро таҷлил менамоянд.
«Дар рӯзномаи мулоқоти мо масъалаи тағйирёбии иқлим низ, ки барои Бонки Осиёии рушд самти афзалятнок маҳсуб мешавад, баррасӣ шуд. Бонк дар сатҳи ҷаҳонӣ аз соли 2019 то 2023 100 миллиард доллари амрикоӣ барои ҳалли мушкилоти тағйирёбии иқлим ҷудо менамояд. Аз ин маблағ ба Тоҷикистон низ барои паст намудани сатҳи офатҳои табиӣ, таъмин намудани инфрасохтори мамлакат барои тобоварӣ ба офатҳои табиӣ кумак хоҳем намуд», — тазаккур дод Президенти Бонки Осиёии рушд.
Масатсугу Асакава изҳор дошт, ки Бонки Осиёии рушд ҳамкориро бо бахши хусусии Тоҷикистон, ки то имрӯз дар таҷрибаи фаъолияти Бонк набуд, ба роҳ мемонад. Ҷумҳурии Тоҷикистон мамлакати ҷавон аз нуқтаи назари аҳолӣ буда, мебояд аз ин захираи бойи инсонӣ истифода ва ба рушди он сармоягузорӣ намоем.
Ёдовар мешавем, ки Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар мулоқот бо Президенти Бонки Осиёии рушд Масатсугу Асакава аз сатҳи ҳамкории Тоҷикистону Бонки Осиёии рушд давоми 25 соли шарикӣ, аз ҷумла аз ҷониби ин ниҳоди молиявӣ ба маблағи зиёда аз 2,5 миллиард доллари америкоӣ маблағгузорӣ шудани 180 лоиҳа дар соҳаҳои мухталифи ҷумҳурии мо изҳори қаноатмандӣ намуданд.
АКС: Хадамоти матбуоти Президенти Ҷумҳурии Тоҷикистон / АМИТ «Ховар»
Истиқлол ва рушди саноат: аз сарвати табиӣ то неруи созанда
Эмомалӣ Раҳмон: «То охири сол дар кишвар таъсиси боз 500 корхонаю коргоҳи саноатӣ пешбинӣ шудааст»
Дар ноҳияи Ҷайҳун ба сохтмони хати технологии коркарди нафт санги асос гузошта шуд
Кормандони соҳаи геология ва кӯҳкорӣ 35-солагии Истиқлоли давлатиро ботантана таҷлил намуданд
Навбати дуюми зеристгоҳи барқии «Навобод» ба истифода дода шуд
Дар Тоҷикистон платформаи рақамии ватании ZARZO барои ҳисоб ва идоракунии лоиҳаҳои кишоварзӣ таҳия мегардад
Дар Душанбе Фестивали зеҳни сунъӣ ва технологияҳои рақамӣ -«AI ALLEY» баргузор гардид
Дар Тоҷикистон содироти маҳсулот дар сатҳи устувори рушд ва афзоиш қарор гирифт
Дар Душанбе оид ба рушди алоқа, инноватсия ва технологияҳои рақамӣ ҳамоиши тантанавӣ баргузор шуд
Дар даврони соҳибистиқлолии Тоҷикистон боғу токзори нав 2,3 баробар зиёд гардид
