ҶОМИ МИЛЛАТҲОИ АРАБ-2023. Дастаи мунтахаби футзали Тоҷикистон бозии сеюми худро дар ин мусобиқа баргузор намуд

Июнь 12, 2023 17:00

ДУШАНБЕ, 12.06.2023 /АМИТ «Ховар»/. Дастаи мунтахаби Тоҷикистон оид ба футзал таҳти роҳбарии Пайрав Воҳидов бозии ниҳоии худро дар Ҷоми миллатҳои Араб-2023 дар Арабистони Саудӣ анҷом дод. Дар ин хусус АМИТ «Ховар»  бо истинод ба Федератсияи футболи Тоҷикистон хабар медиҳад.

Бозии даври сеюмро дастаи мунтахаби Тоҷикистон бо Алҷазоир бо ҳисоби мусовӣ – 2:2 анҷом дод. Дар ҳайати дастаи мунтахаби Тоҷикистон Идрис Ёров ва Муҳаммаҷон Шарифов  голҳоро ба нишон расониданд.

Дар бозии дигари гурӯҳ дастаи мунтахаби Либия бар Арабистони Саудӣ  бо ҳисоби 5:3 пирӯз шуд.

Қобили тазаккур аст, ки дар натиҷаи марҳилаи гурӯҳӣ дастаи мунтахаби Либия бо шаш имтиёз дар гурӯҳи «А» мақоми аввалро касб намуд. Алҷазоир бо 5 имтиёз дар зинаи дуюм ҷой гирифт. Арабистони Саудӣ бо чор имтиёз мавқеи сеюм ва дастаи мунтахаби Тоҷикистон бо як имтиёз мавқеи охиринро ишғол намуд.

Ҳамин тариқ, Ҷоми миллатҳои Араб-2023 барои дастаи мунтахаби  футзали Тоҷикистон хотима ёфт.

Ҷоми миллатҳои Араб-2023 оид ба футзал

Гурӯҳи «А». 

Даври 1

Либия — ТОҶИКИСТОН — 2:1

Голи Тоҷикистон: Файзалӣ Сардоров.

Арабистони Саудӣ — Алҷазоир — 4:4

Даври 2

8 июн (панҷшанбе)

ТОҶИКИСТОН – Арабистони Саудӣ-  0:8

Даври 3

10 июн (шанбе)

ТОҶИКИСТОН  – Алҷазоир – 2:2

Голҳои Тоҷикистон: Идрис Ёров, Муҳаммадҷон Шарипов.

Арабистони Саудӣ – Либия – 3:5

АКС: Федератсияи футболи Тоҷикистон

Июнь 12, 2023 17:00

Хабарҳои дигари ин бахш

ҶОМИ ОСИЁ-2025. Имрӯз дастаи наврасони Тоҷикистон (U-17) дар даври аввал бо мунтахаби Уммон бозӣ мекунад
Барои дарёфти «Ҷоми Раиси шаҳри Душанбе» Мусобиқаи байналмилалии гӯштингирӣ баргузор мегардад
ҶОМИ ОСИЁ-2025. Дастаи мунтахаби наврасони Тоҷикистон (U-17) дар Ҷидда тамринҳои навбатӣ баргузор намуд
Дар Чемпионати Осиё оид ба ҷудо Тоҷикистонро 13 варзишгар муаррифӣ менамояд
Ғолибони шоҳҷоизаҳои Мусобиқаи гӯштини миллӣ дар ноҳияи Темурмалик муайян шуданд
Душанбе мизбони Форуми Шурои олимпии Осиё ва ҳамбастагии олимпӣ мегардад
Дар Душанбе Ҷоми ҷаҳон оид ба велосипедронии кӯҳӣ баргузор мегардад
Абдулло Давлатов бозиҳои қисми ниҳоии Ҷоми Осиё-2025-ро доварӣ менамояд
Дастаи мунтахаби наврасони Тоҷикистон (U-17) панҷ бозии санҷишӣ анҷом дод
ЧЕМПИОНАТИ ТОҶИКИСТОН. Бозиҳои даври сеюми дастаҳои Лигаи олӣ оид ба футбол оғоз мегарданд
Рақибони дастаи мунтахаби занонаи Тоҷикистон оид ба футбол дар марҳилаи интихобии Ҷоми Осиё-2026 муайян шуданд
Ғолибони Мусобиқаи байналмилалии гӯштингирӣ дар шаҳри Истаравшан муайян шуданд