Мадина Қурбонзода ва Абубакр Шеров соҳиби шоҳҷоизаҳои Мусобиқаи гӯштини миллӣ (гӯштингирӣ) дар ноҳияи Данғара шуданд
ДУШАНБЕ, 25.03.2026 /АМИТ «Ховар»/. Ба истиқболи Ҷашни байналмилалии Наврӯз 23 март дар деҳаи Навободи Ҷамоати деҳоти Исмат Шарипови ноҳияи Данғараи вилояти Хатлон Мусобиқаи гӯштини миллӣ (гӯштингирӣ) бо ҳузури беш аз 15 ҳазор мухлисону ҳаводорони варзиш баргузор гардид.
Дар мусобиқаи гӯштини миллӣ гӯштингирон — паҳлавонони шинохта аз ҷумҳуриҳои Тоҷикистон, Узбекистон ва Федератсияи Русия иштирок намуданд. Дар мусобиқа садҳо туҳфаҳои арзандаи идона ва даҳҳо гову шутуру асп ғолибонро интизор буданд.
Инчунин барои се паҳлавони муваффақи майдон- ғолибон мукофоти олӣ- мошини сабукрави арзишманд гузошта шуд. Барандаи Ҷом ба номи Усмонқул Табаралиев низ соҳиби Шоҳҷоиза шуд.
Мусобиқаи гӯштини миллӣ дар деҳаи Булёни ноҳияи Данғара дар сатҳи баланд баргузор гардида, дар он беҳтарин паҳлавонон давоми беш аз 7 соат рақобат намуданд.
Дар ин мусобиқа паҳлавонони тоҷик Шарифҷон Назриев, Хуршед Маҷидов, Шодман Ризоев, Ғазалшои Давлатшоҳ, Мансур Раҳмонов, Ҷаҳонгир Маҷидов, Дадахон Қурбоналиев, Субҳиддин Халилзода, Ҳақназар Назаров, Абубакр Шеров, Ҳайдари Саидкабирзода, Муллораҷаб Халифаев, Мирзоҷамил Рамазонов, Зафар Олимшоев, Абдуллои Ориф, Баҳром Суфиев, Муҳаммадисо Раҷабов, Ёсин Бобокалонов, Лоиқ Қутбиддинов, Музаммир Каримзода, Наврӯз Каримзод ва Идибеки Амиршо бар ҳарифонашон ғолиб омада, ҷоизаҳои олиро сазовор гардиданд.
Зимни мусобиқа аз ҷониби ташкилкунандагон барои ғолибон туҳфаҳои гуногун, аз ҷумла 3 мошин ҳамчун Шоҳҷоиза гузошта шуд, ки дутояшро Мадина Қурбонзода ва Абубакр Шеров соҳиб гардиданд. Як Шоҳҷоизаи дигар байни Шарифҷон Назриев ва Шодмон Ризоев гузошта шуд. Онҳо давоми як соат бо ҳам рақобат карданд, вале ғолиб муайян карда нашуд ва ин Шоҳҷоиза аз ҷониби масъулини мусобиқа ба хона-интернати ноҳияи Данғара тақдим карда шуд.
Мусобиқаи гӯштини миллӣ, ки бо мақсади эҳё ва рушди анъанаҳои миллии варзишӣ ва таърихи гӯштингирӣ баргузор шуд, ба рӯйдоди муҳими фарҳангӣ табдил ёфт.
Меҳрони ҚУРБОН,
шореҳи варзиши АМИТ «Ховар»
АКС: АМИТ «Ховар»
«KING’S CUP 2026». Дастаи мунтахаби Тоҷикистон дар даври нимниҳоӣ бо тими миллии Умон бозӣ мекунад
Дар Душанбе таҳти унвони «Зебоӣ, доноӣ ва тавоноӣ аз варзиш аст» машқи пагоҳирӯзӣ баргузор гардид
«Истиқлол» барои роҳхат ёфтан ба плей-оффи Лигаи даъватии КФО-2026/27 бо дастаи «Ҳомс Ал-Фида»-и Сурия бозӣ мекунад
Дастаи мунтахаби наврасони Тоҷикистон (U-17) бо дастаи Қатар бозиҳои дӯстона анҷом медиҳад
ФУТБОЛ. Дастаи мунтахаби наврасони Тоҷикистон (U-15) дар Ҷоми ҷаҳон-2026 иштирок менамояд
Шоҳрух Назаров якумин медали нуқраи Тоҷикистонро дар таърихи Бозиҳои параосиёии тобистона соҳиб шуд
«Истиқлол» дар бозиҳои даври дуюми марҳилаи гурӯҳии Лигаи даъватии КФО-2026/27 бар ҳарифаш ғолиб омад
Дар шаҳри Хуҷанд Академияи бокс бунёд карда мешавад
Ғолибони Мусобиқаи ҷумҳуриявӣ оид ба гӯштини ҷудо барои дарёфти Ҷоми Президенти Ҷумҳурии Тоҷикистон дар шаҳри Кӯлоб муайян шуданд
Дастаи футболи «Хуҷанд» бори шашум барандаи Ҷоми Тоҷикистон гардид
КФО-2026/27. Имрӯз «Истиқлол» ва «Регар-ТадАЗ» бозиҳои аввали худро дар марҳилаи гурӯҳӣ анҷом медиҳанд
Дар Тоҷикистон Форуми байналмилалии ҷавонони давлатҳои аъзои Созмони ҳамкории Шанхай баргузор шуд
