«RUSSIAN JUDO TОUR». Варзишгари Тоҷикистон Абубакр Шеров медали тилло ба даст овард
ДУШАНБЕ, 26.06.2023 /АМИТ «Ховар»/. Аъзои дастаи мунтахаби ҷудои Тоҷикистон Абубакр Шеров дар мусобиқа байналмилалии ҷудо «Russian judo tоur — Челябинск-2023» медали тилло ба даст овард. Дар ин хусус АМИТ «Ховар» бо истинод ба Федератсияи ҷудои Тоҷикистон хабар медиҳад.
Ӯ дар вазни -73кг то расидан ба финал Даниил Тошев (Москва), Шамил Умаев (Тюмен), Магжан Алжанов (Қазоқистон), Буян-Херел Санаа (Тюмен) ва Шамил Зулфиқоровро (Тюмен) мағлуб намуд.
Дар финал Абубакр Шеров Дмитрий Корпухин аз Свердловскро шикаст дода, ҷои аввалро сазовор гардид.
Дар вазни -66кг Суҳроб Боқиев пас аз ду пирӯзӣ бар Михаил Нелюбин (Челябинск) ва Алдияр Ерешов (Қазоқистон), дар чорякфинал аз Иван Черних (Санкт-Петербург) ва дар қувваозмоии тасаллобахш аз варзишгари Арманистон Егиазар Карапетиан мағлуб шуд.
Варзишгари дигари Тоҷикистон Ҳақдод Гулов дар даври аввал аз Ким Айрапетян (Свердловск) шикаст хӯрд.
Дар мусобиқа 517 варзишгар аз Русия, инчунин Қазоқистон, Тоҷикистон, Муғулистон, Чин, Арманистон, Покистон, Узбекистон, Озарбойҷон, Қирғизистон, Амороти Муттаҳидаи Араб, Беларус, Сербия, Юнон, Исроил, Лихтейнштейн, Молдова, Ҷазираҳои Комор ва Судан иштирок намуданд.
Ғолибону ҷоизадорон дар баробари медал бо ҷоизапулӣ қадрдонӣ мешаванд. Фонди умумии ҷоизаҳо 7,3 миллион рубли русиро ташкил медиҳад.
АКС: Федератсияи ҷудои Тоҷикистон
Дар Олмон бахшида ба 35-солагии Истиқлоли давлатии Тоҷикистон мусобиқаи муштараки футбол доир шуд
Мусобиқаи байналмилалӣ оид ба теннис барои дарёфти «Ҷоми Президенти Ҷумҳурии Тоҷикистон» оғоз гардид
Дар шаҳри Ҳисор бо иштироки муовини Сарвазири Тоҷикистон ду иншооти варзишӣ ба истифода дода шуд
Дастаи мунтахаби ҷавонони Тоҷикистон (U-20) ба марҳилаи ниҳоии Ҷоми Осиё-2027 роҳ ёфт
Дар Тоҷикистон нахустин толори варзишии шамшербозии «Шеру Шамшер» ифтитоҳ шуд
ҶОМИ ОСИЁ-2027. Дастаи мунтахаби Тоҷикистон (U-20) дар бозии даври дуюми марҳилаи интихобӣ тими Афғонистонро мағлуб кард
ҶОМИ ОСИЁ-2027. Имрӯз дастаи мунтахаби ҷавонони Тоҷикистон бо дастаи Афғонистон бозӣ мекунад
Дастаи мунтахаби Тоҷикистон оид ба футбол моҳҳои сентябр ва октябр дар сафар се бозии дӯстона баргузор мекунад
35-СОЛАГИИ ИСТИҚЛОЛИ ДАВЛАТӢ. Дар шаҳри Турсунзода зиёда аз 31 иншооти варзишӣ ба истифода дода шуд
ФУТБОЛ. 31 август марҳилаи интихобии Ҷоми Осиё-2027 байни мунтахабҳои ҷавонони то 20-сола оғоз мешавад
Сармураббии нави дастаи мунтахаби наврасони Тоҷикистон (U-17) оид ба футбол таъйин гардид
Дастаи мунтахаби ҷавонони Тоҷикистон (U-20) оид ба футбол бозии дуюми санҷиширо бо дастаи Лубнон мусовӣ анҷом дод
