СУПЕРЛИГАИ ТОҶИКИСТОН-2023. «Соро компания» ва «Истиқлол» дар садри ҷадвал қарор доранд

ДУШАНБЕ, 28.06.2023 /АМИТ «Ховар»/. Пас аз се даври бозиҳо, дар ҷадвали Суперлигаи Тоҷикистон-2023 оид ба футзал дастаҳои «Соро компания» ва «Истиқлол»-и Душанбе бо чаҳор имтиёзӣ пешсаф мебошанд. Дар ин хусус ба АМИТ «Ховар» дар Федератсияи футболи Тоҷикистон хабар доданд.

«Соро компания» дар даври сеюм бар «Истаравшан» бо ҳисоби 8:3 пирӯз шуд.

Довталаби дигари медали тиллои мусобиқа – «Истиқлол»-и Душанбе ба дарвозаи «Самандар»-и Турсунзода ҳашт голи беҷавоб зад.

Дар бозии дигари Суперлига «Амонатбонк» бо ҳисоби 8:1 бар дастаи «Пойтахт» пирӯз шуд.

Бозиҳои даври чаҳоруми Суперлигаи Тоҷикистон оид ба футзал 29 ва 30 июн баргузор мешаванд.

Дар даври 4-ум вомехӯранд:

29 июн (панҷшанбе)

17:00 – «Самандар» – «Соро компания». Турсунзода, маҷмааи варзишии «Самандар»

18:00 – «Пойтахт» – «Истиқлол». Душанбе, Маҷмааи варзишии Кумитаи андози Ҷумҳурии Тоҷикистон

30 июн (ҷумъа)

18:00 – «Амонатбонк» – «Истаравшан». Душанбе, Маҷмааи варзишии Кумитаи андози Ҷумҳурии Тоҷикистон

АКС: Федератсияи футболи Тоҷикистон