Супориши Президенти Ҷумҳурии Тоҷикистон Эмомалӣ Раҳмон ҷиҳати бартарафсозии оқибатҳои офати табиӣ дар ноҳияи Роштқалъа
ДУШАНБЕ, 28.06.2023 /АМИТ «Ховар»/. 27 июни соли 2023 дар натиҷаи якбора гарм шудани ҳаво, обшавии босуръати пиряхҳо, баландшавии оби дарёи Шоҳдара ва омадани сел дар деҳаи Миденведи деҳоти Барвози ноҳияи Роштқалъаи Вилояти Мухтори Кӯҳистони Бадахшон офати табиӣ рух дод.
Офати табиӣ ба чандин хонаи истиқоматии аҳолӣ, роҳу пулҳо, иншооти иҷтимоӣ ва заминҳои кишоварзӣ зарар расонид.
Субҳи имрӯз бо супориши Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон комиссияи ҳукуматӣ оид ба бартарафсозии оқибатҳои офати табиӣ таъсис дода шуд.
Пешвои миллат ба Сарвазири мамлакат, комиссияи ҳукуматӣ, Кумитаи ҳолатҳои фавқулода ва мудофиаи гражданӣ, дигар вазорату идораҳо ва сохтору мақомоти дахлдор дастур доданд, ки барои бартарафсозии оқибатҳои офати табиии рухдода тамоми тадбирҳои зарурӣ ва фавриро амалӣ намоянд.
Дастур дода шуд, ки барои таъмини бехатарии аъзои 210 оилаи дар назди соҳили Шоҳдара ҷойгиршуда, аз ҷумла ба ҷойҳои бехавф кӯчонидан, бо маводи ғизоӣ ва дигар шароити зарурии зиндагӣ таъмин кардани онҳо, инчунин, барқарор намудани хонаҳои осебдида чораҳои бетаъхир андешида шаванд.
Пешвои миллат Эмомалӣ Раҳмон дар тантанаи идона ба ифтихори 33-солагии Истиқлоли давлатии Ҷумҳурии Тоҷикистон дар шаҳри Хуҷанд иштирок намуданд
Сарвари давлат Эмомалӣ Раҳмон дар шаҳри Хуҷанд ба ятимони кул туҳфаҳо тақдим намуданд
Президенти мамлакат Эмомалӣ Раҳмон дар шаҳри Хуҷанд бинои нави Шуъбаи тиббии Раёсати Вазорати корҳои дохилӣ дар вилояти Суғдро ба истифода доданд
Пешвои миллат Эмомалӣ Раҳмон дар шаҳри Хуҷанд бо фаъолияти ҶДММ «Ориён Ҷей Текстайл» шинос шуданд ва барои бунёди марҳилаи дуюми корхона санги асос гузоштанд
Сарвари давлат Эмомалӣ Раҳмон дар шаҳри Хуҷанд коргоҳи нави истеҳсоли гӯшти мурғ ва ҳасиби ҶДММ «Сайҳун»-ро ифтитоҳ намуданд
Президенти мамлакат Эмомалӣ Раҳмон дар шаҳри Хуҷанд маркази савдо ва хизматрасонии «Амид»-ро мавриди истифода қарор доданд
Пешвои миллат Эмомалӣ Раҳмон дар шаҳри Хуҷанд ба фаъолияти ҶДММ Корхонаи инноватсионии «Само»-ро оғоз бахшиданд
Сарвари давлат Эмомалӣ Раҳмон дар шаҳри Хуҷанд корхонаҳои дӯзандагии ҶДММ «Ситораи тоҷ» ва ҶДММ «Лидер»-ро ифтитоҳ намуданд
Табрикот ба номи Президенти Ҷумҳурии Тоҷикистон ба муносибати ҷашни Рӯзи истиқлоли давлатии Ҷумҳурии Тоҷикистон
Паёми шодбошии Президенти Ҷумҳурии Тоҷикистон, Пешвои миллат Эмомалӣ Раҳмон ба муносибати 33-солагии истиқлоли давлатии Тоҷикистон
Суханронии Пешвои миллат Эмомалӣ Раҳмон дар мулоқот бо роҳбарон ва фаъолони вилояти Суғд дар ноҳияи Ашт
