«ТОҶИКИСТОН ЯГОНА – БАДАХШОН НИГИНИ ОН». Таҳти ин унвон дар Хоруғ Конференсияи илмӣ — амалӣ баргузор гардид
ДУШАНБЕ, 23.06.2023. /АМИТ «Ховар»/. Имрӯз, 23 июн бахшида ба 26-умин солгарди Рӯзи Ваҳдати миллӣ дар Театри мусиқию мазҳакавии ба номи Меҳрубон Назарови шаҳри Хоруғ Конференсияи илмӣ –амалӣ таҳти унвони «Тоҷикистон ягона – Бадахшон нигини он» баргузор гардид. Дар ин хусус ба АМИТ «Ховар» дар Мақомоти иҷроияи ҳокимияти давлатии Вилояти Мухтори Кӯҳистони Бадахшон хабар доданд.
Дар кори он муовини Сарвазири Ҷумҳурии Тоҷикистон Матлубахон Сатториён, роҳбарияту намояндагони вазорату идораҳо, аҳли зиё, собиқадорон ва сокинони фаъоли вилоят иштирок намуданд.
Дар оғози конфронс бо ёдоварӣ аз воқеаҳои солҳои 90–уми асри гузашта иброз гардид, ки дар он рӯзҳои вазнину тақдирсоз маҳз корнамоиву шуҷоати фарзанди фарзонаи миллат -Асосгузору сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон буд, ки сулҳу субот дар ҷумҳурӣ пойдор гардида, миллат боз ҳам сарҷаъм шу два ба сўи зиндагии шоиста қадамҳои устувор гузошт.
Муовини Сарвазири Ҷумҳурии Тоҷикистон Матлубахон Сатториён доир ба аҳамияти таърихии Ваҳдати миллӣ, нақши сулҳи тоҷикон дар арсаи байналмилалӣ, саҳм ва ҷойгоҳи Тоҷикистон дар ҷаҳони имрӯза, рушду пешрафт ва нумуи он дар даврони соҳибистиқлолии мамлакат ибрози назар намуд.
Гуфта шуд, ки дар заминаи сиёсати бунёдкоронаи Пешвои муаззами миллат муҳтарам Эмомалӣ Раҳмон Тоҷикистон ба таври бесобиқа рушд намуда, дар ин росто Бадахшон ҳамчун ҷузъи ҷудонашавандаи он симои худро куллан дигаргун намуд.
Дар ҷараёни ҳамоиш доир ба мавзуи мавриди назар иштирокдорон сухан гуфта, тасдиқ карданд, ки мардуми сарбаланди Бадахшон имрўз ба обод сохтани сарзамин ва тарбияи насли наврас дар рўхияи ватанпарастӣ, худшиносӣ ва омўзиши илму дониш машғул буда, шукри оромии Ватанро менамоянд.
АКС: Мақомоти иҷроияи ҳокимияти давлатии Вилояти Мухтори Кӯҳистони Бадахшон
«РИВОЯТИ ЭМОМАЛӢ РАҲМОН». Яъқуб Ясно, нависанда ва пажуҳишгар: «Агар шумо шахсияти сиёсии дигареро дар замони муосир мешиносед, ки бештар аз муҳтарам Эмомалӣ Раҳмон дар эҳё ва рушди фарҳанги ориёӣ самимона заҳмат кашидааст, намуна ва мисол биоваред!»
«ОТАШИ ҶАШНИ САДА ОТАШИ МЕҲРИ ВАТАН АСТ». Дар Душанбе ҷашни Сада ва намоиши тухмии зироати кишоварзӣ баргузор шуд
ҲАРОРАТИ ГЛОБАЛИИ ҲАВО БА 1,5 ДАРАҶА РАСИДААСТ. Ин ба уҳдадории давлатҳо дар доираи Созишномаи Париж мухолифат мекунад
Президенти Тоҷикистон: «Кишоварзони мамлакат бояд ба масъалаи парваришу захираи тухмиҳои беҳтарин ва ниҳолҳои серҳосил таваҷҷуҳи махсус зоҳир намоянд»
Эмомалӣ Раҳмон: «Се ҷашни миллии мо – Наврӯз, Сада ва Меҳргон аз ҷониби мардуми фарҳангпарвари ҷаҳон пазируфта шудаанд»
«ОЛАМИ ГУЛДӮЗИИ ТОҶИКОН». Ин китоб мероси пурарзиши тоҷиконро ба ҷаҳониён муаррифӣ менамояд
Вобаста ба омодагӣ ба баргузории Конфронси байналмилалии сатҳи баланд оид ба Cоли байналмилалии ҳифзи пиряхҳо ҳамоиш доир шуд
ТАШАББУСИ ТОҶИКИСТОН. Созмони Милали Муттаҳид ба таҷлили Соли байналмилалии ҳифзи пиряхҳо оғоз намуд
Дар Созмони Милали Муттаҳид Соли байналмилалии ҳифзи пиряхҳо оғоз гардид
Масъуд Пизишкиён: «Дар Тоҷикистон эҳсоси ғурбат намекунам»
Эмомалӣ Раҳмон Масъуд Пизишкиёнро ба ҷашни Наврӯз даъват намуданд
НАЗАРИ КОРШИНОС. Робитаҳои Ҷумҳурии Тоҷикистон бо Ҷумҳурии Исломии Эрон бар пояи пайвандҳои таърихӣ асос ёфтаанд
