Бар асари сӯхтори табиӣ дар ҷазираи Родоси Юнон қариб 19 ҳазор нафар кӯчонида шуданд
ДУШАНБЕ, 24.07.2023 /АМИТ «Ховар»/. Дар ҷазираи сайёҳии Родос дар ҷанубу шарқи Юнон бар асари сӯхторҳои зиёди ҷангал тайи чанд рӯзи охир тақрибан 19 000 нафар ба ҷои амн кӯчонида шуданд.Тавре АМИТ «Ховар» бо истинод ба «Синхуа» иттилоъ медиҳад, дар ин хусус рӯзи якшанбе агентии иттилоотии Афина хабар додааст.
Чорабиниҳои тахлиявӣ шоми шанбе оғоз ёфта, тақрибан 3 ҳазор нафар тавассути баҳр ва боқимонда- тақрибан 16 ҳазор нафар тавассути нақлиёти заминӣ интиқол дода шуданд. Тибқи иттилои агентӣ, ин бузургтарин амалиёти тахлияи одамон дар таърихи кишвар мебошад.
Аз нимаи дуюми 18 июл дар тамоми Родос сӯхторҳои табиӣ сар заданд. Дар натиҷаи ҳавои гарм ва хушк, инчунин шамоли шадид якчанд манбаъи хомӯшшуда рӯзи шанбе дубора оташ гирифтанд, ки баъди ин мақомот ба кӯчонидани одамон аз минтақаҳои хатарнок шуруъ карданд.
Тавре ки агентии иттилоотии Афина хабар медиҳад, ҳоло дар бартарафнамоии сӯхторҳо дар Родос 266 нафар оташнишонон, 49 техникаи зидди сӯхтор, 10 ҳавопаймо ва 5 чархбол истифода мешаванд. Хорватия ва Туркия дар робита ба сӯхторҳо кумак фиристодаанд.
Азиза ИКРОМ,
АМИТ «Ховар»
АКС: «Синхуа»
Дар Бохтар оид ба даъвати баҳории ҷавонон ба хизмати ҳарбӣ ҳамоиш баргузор гардид
Имрӯз дар водиҳои Тоҷикистон ҳаво то 27 дараҷа гарм мешавад
Зудтару дақиқтар: дар Тоҷикистон сифати хизматрасониҳои мобилиро беҳтар мекунанд
Имрӯз дар шаҳри Душанбе ҳаво то 27 дараҷа гарм мешавад
Имрӯз дар Тоҷикистон ҳаво абрнок шуда, борон меборад
«ТОҶИКИСТОН — ВАТАНИ АЗИЗИ МАН». Моҳи апрел даври якуми озмуни ҷумҳуриявӣ оғоз меёбад
КИШТИ БАҲОРӢ. Маъсар зироати пурқимати равғандеҳ маҳсуб мешавад
ГУЛБАСТ — МАТОЕ БО САНЪАТИ НОДИР. Он воқеан ҳам либоси зебо ва миллӣ аст
«Ҳар як давлат, сарфи назар аз сатҳи рушди иқтисодӣ бояд дар ҳифзи криосфера саҳми фаъол гузорад», — бардошт аз конфронс дар Душанбе
21 МАРТ — РӮЗИ БАЙНАЛМИЛАЛИИ ҲИФЗИ ПИРЯҲО. Пиряхҳои Тоҷикистон манбаи бузурги оби дарёҳои Осиёи Марказӣ ба шумор мераванд
Имрӯз дар Тоҷикистон ҳавои тағйирёбанда пешгӯӣ мешавад
«ҲАМАҶО АНҶУМАНИ НАВРӮЗ АСТ». Аз 21 то 25 март дар шаҳру ноҳияҳои Хатлон барномаҳои идона доир мегарданд
