Дар арафаи ҷашни Истиқлоли давлатӣ дар Хоруғ бинои истиқоматии 12-қабата ба истифода дода мешавад

Июль 4, 2023 15:30

ХОРУҒ, 04.07.2023 /АМИТ «Ховар»/. Бахшида ба 32-солагии Ҷашни Истиқлоли давлатии Ҷумҳурии Тоҷикистон корҳои сохтмонӣ дар ду бинои истиқоматии сероҳаи марказии шаҳри Хоруғ идома дошта, қарор аст, ки яке аз ин биноҳо иборат аз 12 ошёна дар даҳаи аввали моҳи сентябри соли равон мавриди баҳрабардорӣ қарор гирад.

Тавре мухбири минтақавии АМИТ «Ховар» Файз Мирасан хабар медиҳад, бинокорон айни ҳол дар чанд самт фаъолияташонро ба роҳ монда, як кисмашон ба бунёди роҳравҳои атрофи бинои навбунёд машғули кор мебошанд. Гурӯҳи дигар дар дохили бино ба васл намудани зардеворҳо ва дигар таҷхизоти зарурии дохилӣ банд ҳастанд.

Қомат афрохтани чандин биноҳои баландошёна дар маркази шаҳри Хоруғ ва ноҳияҳои вилоят аз ободонию бунёдкорӣ шаҳодат медиҳад ва заминаи хуб барои боз ҳам боло бурдани шароити зиндагӣ ва рӯзгори иҷтимоии сокинони шаҳр мебошад.

Корҳои бунёдӣ дар бинои 12- ошёна аз ҷониби ширкати сохтмонии маҳаллӣ мавсум ба «Бунёд» ҷараён дошта, сохтмони он аз соли 2017 оғоз гардида, дар баробари таҳхонаи васею барҳаво, бунёди дувоздаҳ ошёна ба анҷом расонида шуд.

Дар маҷмӯъ, дар ин ду бино 88 ҳуҷраи истиқоматӣ, аз ҷумла 66 хонаи ду ҳуҷрагӣ ва 22 хонаи як ҳуҷрадор сохта шудаанд. Фармоишгари ин иншоот Дирексияи сохтмони иншооти ҳукуматии Дастгоҳи иҷроияи Президенти Ҷумҳурии Тоҷикистон ба ҳисоб рафта, лоиҳаро Пажуҳишгоҳи лоиҳакашии «Саниосп» таҳрезӣ намуда, корҳои сохтмонӣ мутобиқи лоиҳа ба роҳ монда шудааст.

Дар назар аст, ки дар атрофи бино таваққуфгоҳ барои нақлиёт ва майдончаи варзишию дилхушӣ барои кӯдакону наврасон низ бунёд меёбад. Тамоми масолеҳи сохтмониро саривақт аз шаҳри Душанбе интиқол медиҳанд ва бинокорон талош мекунанд, ки дар муддати муайянгардида бинои мазкурро бо сифати баланд ба дасти соҳибонашон супоранд.

Бинои ҳамшафат, ки аз 14 ошёна иборат аст ва боз як бинои дигари истиқоматии 12 ошёнадор, ки дар паҳлуи Донишгоҳи давлатии шаҳри Хоруғ ҷойгир аст, то ҷашни 35-солагии Истиқлоли давлатии Ҷумҳурии Тоҷикистон ба истифода дода мешаванд.

АКС: АМИТ «Ховар»

Июль 4, 2023 15:30

Хабарҳои дигари ин бахш

35-СОЛАГИИ ИСТИҚЛОЛИЯТИ ДАВЛАТӢ. Дар шаҳри Хоруғ Маркази стоматологӣ кушода шуд
Дар Хуҷанд якчанд иншооти хизматрасонӣ ба истифода дода шуд
Сарвари давлат Эмомалӣ Раҳмон дар шаҳри Хуҷанд корхонаи «Сайри Суғд»-ро ифтитоҳ намуданд
Пешвои миллат Эмомалӣ Раҳмон дар шаҳри Хуҷанд Маркази нейро-кардию эндоҷарроҳии «Луқмони Ҳаким»-ро мавриди истифода қарор доданд
Дар деҳоти Исфисори ноҳияи Бобоҷон Ғафуров варзишгоҳи бузург бо 7000 ҷойи нишаст ба истифода дода шуд
Дар шаҳри Истаравшан Маркази саломатӣ ба истифода дода шуд
Президенти Тоҷикистон Эмомалӣ Раҳмон дар ноҳияи Бобоҷон Ғафуров Муассисаи давлатии мактаби махсуси варзишӣ оид ба футболро ифтитоҳ намуданд
Сарвари давлат Эмомалӣ Раҳмон дар ноҳияи Бобоҷон Ғафуров корхонаи истеҳсоли пойафзоли ҶДММ «Фароғатбону»-ро ба истифода доданд
Пешвои миллат Эмомалӣ Раҳмон дар ноҳияи Бобоҷон Ғафуров корхонаи парандапарварии ҶДММ «Назар»-ро ифтитоҳ намуданд
Президенти Тоҷикистон Эмомалӣ Раҳмон дар ноҳияи Бобоҷон Ғафуров ба фаъолияти корхонаи истеҳсоли пардаҳои полиэтилении ҶДММ «Технологияи полимерӣ» оғоз бахшиданд
Сарвари давлат Эмомалӣ Раҳмон дар шаҳри Бӯстон корхонаи истеҳсоли пойафзолро ифтитоҳ намуданд
Пешвои миллат Эмомалӣ Раҳмон дар шаҳри Бӯстон Маркази ташхису табобатии «Луқмони Ҳаким»-ро мавриди истифода қарор доданд