Дар вилояти Суғд беш аз 15 ҳазор иншоот бунёд гардидааст

Октябрь 24, 2026 17:00

ДУШАНБЕ, 24.10.2026 /АМИТ «Ховар»/. Соли 2026 дар шаҳру ноҳияҳои вилояти Суғд нақшаи корҳои созандагию бунёдкорӣ ва ободонӣ ба анҷом расонида шуда, беш аз 15 ҳазору 400 иншооти гуногун бунёду навсозӣ ва мавриди истифода қарор дода шуданд. Дар ин хусус АМИТ «Ховар» бо истинод ба хадамоти матбуоти Раиси вилояти Суғд иттилоъ медиҳад.

Рушди минтақавӣ ба 37 миллиард сомонӣ баробар шуда, суръати афзоиш 108 фоиз таъмин гардид. Ҳиссаи вилоят дар нишондиҳандаи кӯтоҳмуддати рушди иқтисодии ҷумҳурӣ 27,2 фоизро ташкил намуд. Дар 9 моҳи соли 2026 дар вилоят ба маблағи 31,1 миллиард сомонӣ маҳсулоти саноатӣ истеҳсол карда шуда, суръати афзоиш 108 фоиз таъмин карда шуд.

Инчунин дар давраи ҳисоботӣ 1351 корхонаи саноатӣ, аз ҷумла 38 корхонаи хизматрасонии саноатӣ ва 1313 корхонаи истеҳсолӣ фаъолият кардааст. Намудҳои маҳсулоти истеҳсолшаванда дар корхонаву коргоҳҳои саноатӣ ба 271 номгӯй расонида шуд.

Дар вилояти Суғд дар моҳҳои январ–сентябри соли равон ба 3954,4 миллион сомонӣ маблағгузорӣ карда шуд, ки нисбат ба ҳамин давраи соли 2025   144,3 фоиз зиёд мебошад. Дар ин давра ҳаҷми корҳои сохтмонию васлгарӣ ба 3577,4 миллион сомонӣ расида, беш аз 427 ҳазор метри мураббаъ манзили истиқоматӣ, аз ҷумла  иқтидори иловагии таълимӣ барои хонандагону кӯдакон ба истифода дода шуд.

Дар ин давра аз ҳисоби ҳама сарчашмаҳо 427 388 метри мураббаъ манзил ба истифода дода шудааст. Дар муассисаҳои таҳсилоти миёнаи умумӣ иқтидори иловагӣ барои 4198 ҷойи нишаст муҳайё карда шуда, дар муассисаҳои таҳсилоти томактабӣ иқтидори иловагӣ барои 568 ҷой ба истифода дода шуд.

АКС аз манбаъҳои боз

 

Октябрь 24, 2026 17:00

Хабарҳои дигари ин бахш

Дар деҳаи Истиқлоли ноҳияи Деваштич майдончаи варзишӣ ба истифода дода шуд
Дар минтақаи Рашт 30 оилаи ниёзманд соҳиби манзили истиқоматӣ шуда, ду корхонаи саноатӣ фаъол гардид
Дар Ёвон бинои иловагии муассисаи таълимӣ ва маркази инкишофи кӯдак ба истифода дода шуд
Дар ноҳияи Варзоб ду муассисаи нави таълимӣ барои 1485 хонанда ба истифода дода мешавад
Дар Минтақаи озоди иқтисодии «Суғд» муассисаҳои таълимӣ ва иншооти саноатӣ бунёд мегарданд
Ба сохтмони бинои нави Коллеҷи омори шаҳри Ваҳдат санги асос гузошта шуд
Президенти Ҷумҳурии Тоҷикистон Эмомалӣ Раҳмон Беморхонаи байналмилалии Душанберо мавриди истифода қарор доданд
Сарвари давлат Эмомалӣ Раҳмон дар шаҳри Душанбе ҶДММ «Зари Душанбе»-ро ифтитоҳ намуданд
Пешвои миллат Эмомалӣ Раҳмон бинои шуъбаи Бозрасии давлатии автомобилии раёсати ВКД дар шаҳри Душанберо ифтитоҳ намуданд
Дар ноҳияи Бобоҷон Ғафуров сохтмони иншооти соҳаи маориф ва саноат идома дорад
Дар шаҳри Ҳисор Мактаби бачагонаи санъат ва майдончаи варзишӣ ба истифода дода шуданд
ИСТИҚЛОЛИ ДАВЛАТИИ ТОҶИКИСТОН-ЗАМИНАИ ҲИФЗУ ГУСТАРИШИ АРЗИШҲОИ МИЛЛӢ. Дар ҳошияи фармони Президенти Тоҷикистон «Дар бораи ҷашн гирифтани 40-солагии Истиқлоли давлатии Ҷумҳурии Тоҷикистон»