Дар ноҳияи Ёвон навсозии иншооти варзишӣ ва сохтмони муассисаҳои томактабӣ вусъат меёбад

Октябрь 24, 2026 12:00

ДУШАНБЕ, 24.10.2026 /АМИТ «Ховар»/. Дар ноҳияи Ёвон масъалаҳои марбут ба раванди навсозии варзишгоҳи марказии ноҳия, беҳтар намудани шароити машқу тамрин ва фароҳам овардани имкониятҳои мусоид барои баргузории мусобиқаҳои варзишӣ дар маркази таваҷҷуҳи роҳбарияти ноҳия қарор дорад.

Бо ин мақсад раиси ноҳияи Ёвон Вализода Икромиддин бо ҳолати имрӯзаи  варзишгоҳи марказии ноҳия шинос  шуда, барои навсозии ин иншооти муҳими варзишӣ андешидани тадбирҳои саривақтиро муҳим арзёбӣ намуд. Таъкид карда шуд, ки дар ҷаҳони муосир  варзишгоҳҳои замонавӣ дар рушди соҳаи варзиш, дарёфти истеъдодҳои наврасу ҷавон, тарбияи ҷисмонии насли наврас ва тарғиби тарзи ҳаёти солим нақши муҳим доранд ва  таҷдиду навсозии инфрасохтори варзишӣ яке аз самтҳои муҳими сиёсати роҳбарияти давлату Ҳукумати Ҷумҳурии Тоҷикистон ба ҳисоб меравад.

Таъмиру таҷдид ва навсозии варзишгоҳи марказии ноҳия низ имкон фароҳам меоварад, ки ҳаракати варзишӣ густариш ёфта,  наврасону ҷавонон бештар ба тарзи ҳаёти солим ру овараданд ва   ба машқу тамрин машғул шавандд. Дар баробари ин варзишгоҳ баъди  таъмиру навсозӣ метавонад ба макони асосии баргузории чорабиниҳои гуногуни варзишӣ ва фарҳангию фароғатии  сокинону меҳмонони ноҳия табдил дода шавад.

Дар баробари навсозӣ ва таъмиру таҷдиди иншооти варзишӣ дар ноҳияи Ёвон ҳамчунин сохтмони муассисаҳои томактабӣ вусъат пайдо намудааст.

Таъкид кардан ба маврид аст, ки бо мақсади таъмини иҷрои бандҳои «Барномаи давлатии рушди таҳсилоти томактабӣ дар Ҷумҳурии Тоҷикистон барои солҳои 2026-2030» дар назди муассисаҳои таҳсилоти миёнаи умумии ноҳияи Ёвон бунёди 10 иншооти томактабӣ ба нақша гирифта шудааст.

Татбиқи ин иқдом ба фароҳам овардани шароити мусоиди таълиму тарбияи кӯдакон, баланд бардоштани сатҳи фарогирии онҳо ба таҳсилоти томактабӣ ва заминагузорӣ ба рушди минбаъдаи соҳаи маориф мусоидат мекунад.

Ёдовар мешавем, ки 27 феврали соли 2026 дар маҷлиси Ҳукумати Ҷумҳурии Тоҷикистон «Барномаи рушди таълиму тарбияи томактабӣ дар Ҷумҳурии Тоҷикистон барои солҳои 2026-2030» тасдиқ гардид. То охири татбиқи барнома 800 муассисаи нави ин соҳа бунёд ёфта, фарогирии кӯдакони аз 3 то 6-сола ба таҳсилоти томактабӣ дар мамлакат бояд ба зиёда аз 50 фоиз расонида шавад.

Барнома бо мақсади идома бахшидан ба раванди босуръати сохтмони муассисаҳои таҳсилоти томактабӣ, фароҳам овардани муҳити мусоиди таълиму тарбияи кӯдакон, васеъ намудани дастрасии босифат ба ин зинаи таълиму тарбияи насли наврас ва такмили сатҳи тахассусии кадрҳои соҳа таҳия гардидааст.

АКС: АМИТ «Ховар»

 

Октябрь 24, 2026 12:00

Хабарҳои дигари ин бахш

Озмуни «Фурӯғи субҳи доноӣ китоб аст» мактаби дониш, ҷаҳонбинӣ ва худшиносӣ мебошад
Ба донишҷӯёни Донишгоҳи техникӣ касбҳои соҳаи хоҷагии обро тарғиб намуданд
Дар Академияи идоракунии давлатӣ китоби «Нақши Эмомалӣ Раҳмон дар таҳким ва арҷгузорӣ ба мақоми занон дар ҷомеа» рӯнамоӣ гардид
Донишгоҳи давлатии омӯзгорӣ ба раддабандии байналмилалии таҳқиқоти илмии байнифаннӣ барои соли 2027 ворид шуд
РӮЗИ ПРЕЗИДЕНТ — РАМЗИ ДАВЛАТДОРИИ НАВИН ВА ДАСТОВАРДҲОИ ТОҶИКИСТОНИ СОҲИБИСТИҚЛОЛ. Андешаҳо дар ин маврид
Дар Ёвон бинои иловагии муассисаи таълимӣ ва маркази инкишофи кӯдак ба истифода дода шуд
Дар ноҳияи Варзоб ду муассисаи нави таълимӣ барои 1485 хонанда ба истифода дода мешавад
Донишҷӯёни Донишгоҳи техникии Тоҷикистон дар Озмуни байналмилалии Cezeri Fest 2026 соҳиби ҷойи якум шуданд
ТАҲСИЛ КАРДАН ДЕРӢ НАДОРАД. Зиёда аз 8 ҳазор хонанда дар мактаби ғоибона ба таҳсил фаро гирифта шуданд
Дар Донишгоҳи байналмилалии забонҳои хориҷии Тоҷикистон Маркази имтиҳонии «linguaskill» ба фаъолият оғоз намуд
ИҶЛОСИЯИ XVI ШУРОИ ОЛӢ ВА ТАШАККУЛИ НИЗОМИ НАВИ ИДОРАКУНИИ ДАВЛАТ. Андешаҳо дар ин маврид
Донишкадаи Конфутсийи назди Донишгоҳи миллии Тоҷикистон бо сертификати «Беҳтарин маркази забономӯзӣ» сарфароз гардонида шуд