Дар Душанбе намоиш-фурӯши маҳсулоти кишоварзӣ, ҳунарҳои мардумӣ ва таомҳои миллии ноҳияи Мастчоҳ доир шуд
ДУШАНБЕ, 25.07.2023 /АМИТ «Ховар»/. 23 июл дар Боғи фарҳангӣ-фароғатии ба номи Садриддин Айнии шаҳри Душанбе намоиш-фурӯши маҳсулоти кишоварзӣ, ҳунарҳои мардумӣ ва таомҳои миллии сокинони ноҳияи Мастчоҳ баргузор гардид. Дар ин хусус АМИТ «Ховар» бо истинод ба дафтари матбуоти Раиси ноҳияи Мастчоҳ хабар медиҳад.
Дар намоиш-фурӯши маҳсулоти кишоварзӣ аз ҷониби деҳқонони ноҳияи Мастчоҳ ба сокинону меҳмонони пойтахт картошка, пиёз, сабзӣ, харбуза, тарбуз меваи хушк, лӯбиёгиҳо ва дигар маҳсулоти озуқаворӣ бо нархҳои нисбат ба бозор арзонтар пешниҳод гардид.
Ин тадбири муҳим дар партави дастуру ҳидоятҳои фарҳангпарваронаву ватандӯстонаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон ба роҳ монда шуда, ҳам барои сокинони сарбаланди шаҳри Душанбе ва ҳам барои намояндагони аҳолии ноҳияи Мастчоҳ ҷашни ҳосилот, иди фарҳангу ҳунар ва санъат арзёбӣ мешавад.
Аҳли ҳунари Мастчоҳ дар намоиш маҳсули дастони худ, аз қабили нону фатир, гулдӯзиҳо, сабадбофӣ, ҷомадӯзӣ, риштакашӣ, намадбофӣ ва дастовардҳои соҳаи варзишро ба маърази тамошо гузоштанд.
Зимни шиносоӣ ҳайати меҳмонон ба ҳунари волои мардуми Мастчоҳ, бахусус занон дар пухтани анвои гуногуни хӯрокҳои миллӣ, хусусан қурутобу чанголӣ, умоч, оши бадӯғ, инчунин нонҳои болаззат, ба мисли фатиру нони баҳалво баҳои баланд дода, барои ташкили чунин намоиши зебо изҳори миннатдорӣ намуданд.
АКС: Дафтари матбуоти Раиси ноҳияи Мастчоҳ
Имрӯз дар Тоҷикистон чангу ғубор ба амал меояд
МегаФон Тоҷикистон дар ҷумҳурӣ нахустин пайвасткунии тарофаҳо ва хизматрасониҳоро тавассути сомонаи расмӣ ба роҳ монд
Имрӯз дар Тоҷикистон ҳавои тағйирёбанда пешгӯӣ мешавад
Дар Бохтар оид ба даъвати баҳории ҷавонон ба хизмати ҳарбӣ ҳамоиш баргузор гардид
Имрӯз дар водиҳои Тоҷикистон ҳаво то 27 дараҷа гарм мешавад
Зудтару дақиқтар: дар Тоҷикистон сифати хизматрасониҳои мобилиро беҳтар мекунанд
Имрӯз дар шаҳри Душанбе ҳаво то 27 дараҷа гарм мешавад
Имрӯз дар Тоҷикистон ҳаво абрнок шуда, борон меборад
«ТОҶИКИСТОН — ВАТАНИ АЗИЗИ МАН». Моҳи апрел даври якуми озмуни ҷумҳуриявӣ оғоз меёбад
КИШТИ БАҲОРӢ. Маъсар зироати пурқимати равғандеҳ маҳсуб мешавад
ГУЛБАСТ — МАТОЕ БО САНЪАТИ НОДИР. Он воқеан ҳам либоси зебо ва миллӣ аст
«Ҳар як давлат, сарфи назар аз сатҳи рушди иқтисодӣ бояд дар ҳифзи криосфера саҳми фаъол гузорад», — бардошт аз конфронс дар Душанбе
