Дар Италия дар робита ба сӯхтор ва тӯфон вазъияти фавқулода эълон менамоянд

Июль 27, 2023 15:23

ДУШАНБЕ, 27.07.2023 /АМИТ «Ховар»/. Ҳукумати Италия ният дорад, ки дар чаҳор минтақаи кишвар — Ломбардияҳои шимолӣ, Венето, Фриули-Венетсия-Ҷулиа, ки ба тӯфонҳои шадид дучор омадаанд ва дар ҷазираи ҷанубии Ситсилия, ки онро оташ иҳота намудааст, вазъияти фавқулода эълон намояд, хабар медиҳад ТАСС бо истинод ба рӯзномаи Corriere della sera.

Гуфта мешавад, ки мақомоти вилоят то ҳол ҳаҷми хисороти аз ҳодисаҳои шадиди иқлимӣ расидаро ҳисоб накардаанд. Танҳо дар Милан ва атрофи он, ки бар асари тӯфонҳо ду кас ҳалок шуда,  ба биноҳо зарари зиёд расидааст, хисорот беш аз 40 миллион евро арзёбӣ мешавад. Жолаи калон дар Фриули Венетсия-Джулия 70 фоизи ҳосилро нобуд намуд. Тибқи ҳисобҳои аввал, зарари ба хоҷагиҳои маҳаллӣ расида ба 150 миллион евро мерасад. Дар Ситсилия бар асари сӯхтори ҷангал се нафар ба ҳалокат расида, даҳҳо гектар майдон нобуд шудааст.

Марказ ва ҷануби Италия ҳафтаи дуюм аст, ки дар чанголи ду тӯфони африқоӣ қарор доранд ва ин сабаби то 40 дараҷа гарм шудани ҳарорат гардидааст. Дар ҷазираҳо, алалхусус дар Ситсилия сутунчаи ҳароратсанҷ рӯзона то 46 дараҷа боло меравад. Ин ҳолат сабаби сӯхторҳои зиёд гардид. Дар баробари ин дар вилоятҳои шимолӣ бархӯрди ҳавои гарм бо ҳавои хунук боиси ба амал омадани раъду барқи сахт гардид, ки ба он оташак,  жолаи калон ва шамол бо шиддати то 100 км/соат ҳамроҳ мебошанд. Коршиносон ишора менамоянд, ки ин падидаҳои табиӣ бо тағйирёбии иқлим алоқаманд мебошанд ва эҳтимол шиддат гиранд.

АКС аз манбаъҳои боз

 

Июль 27, 2023 15:23

Хабарҳои дигари ин бахш

Имрӯз дар баъзе ноҳияҳои Тоҷикистон борони кӯтоҳмуддат меборад
Имрӯз дар Тоҷикистон ҳавои тағйирёбандаи бебориш пешгӯӣ мешавад
ҚУРБИ АСЪОР: дар Тоҷикистон 1 доллари ИМА аз 10.8763 то 10.9200 сомонӣ муқаррар шудааст
Вобаста ба Даҳаи муаррифии илми академии тоҷик конференсияи илмию назариявӣ баргузор шуд
Ҷавонони далери ноҳияҳои Айнӣ, Шаҳристон, Бобоҷон Ғафуров ва шаҳри Истаравшан ба хизмати Ватан гусел карда шуданд
Имрӯз дар шаҳри Душанбе ҳаво то 24 дараҷа гарм мешавад
«МегаФон Тоҷикистон» ва Лигаи футболи кӯдакону наврасон шартнома оид ба ҳамкорӣ бастанд
Дар Мянма тахмин мезананд, ки шумораи ҳалокшудагони заминларза аз 3 ҳазор нафар бештар мешавад
ПУРСИДЕД, ҶАВОБ МЕДИҲЕМ. Бақайдгирӣ ва аз қайд баровардани шаҳрванд аз ҷойи истиқомат чӣ гуна амалӣ мегардад?
Имрӯз дар водиҳои Тоҷикистон ҳаво то 23 дараҷа гарм мешавад
Теъдоди ҳалокшудагони заминларзаи Бангкок ба 20 нафар расид
Хонандагони тоҷик дар Олимпиадаи байналмилалии Infomatrix — Asia сазовори ҷойҳои намоён гардиданд