Дар Кумитаи ҳолатҳои фавқулода ва мудофиаи гражданӣ масъалаи ҳамкорӣ бо Барномаи рушди Созмони Милали Муттаҳид баррасӣ гардид
ДУШАНБЕ, 12.07.2023. /АМИТ «Ховар»/. 12 июл дар Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон вохўрии роҳбарияти Кумита бо намояндаи навтаъйини доимии Барномаи рушди Созмони Милали Муттаҳид ва ҳамоҳангсози доимии он дар Тоҷикистон доир гардид. Дар ин хусус АМИТ «Ховар» бо истинод ба Кумитаи мазкур хабар медиҳад.
Зимни мулоқот вазъи кунунӣ ва дурнамои рушди ҳамкории мутақобилан судманд байни Кумита ва сохторҳои Созмон, ҳамчунин масъалаҳои марбут ба лоиҳаҳои амалӣ дар Тоҷикистон ва чорабиниҳои дарпешистода мавриди баррасӣ қарор гирифтанд.
Роҳбарияти Кумита асосан дар бораи фаъолияти Кумита ва сохторҳои он маълумот дода, аз сатҳи муносибатҳои дуҷониба бо сохторҳои дахлдори Созмони мазкур изҳори қаноатмандӣ намуда, аҳамияти истифодаи васеи имкониятҳои ҳамкориро таъкид намуд.
Тазаккур дода шуд, ки Кумита дар чорабиниҳо ва машқҳои байналмилалӣ, ки аз ҷониби сохторҳои дигари Созмон ташкил карда мешаванд, фаъолона иштирок менамояд.
Намояндаи Созмон дар навбати худ иброз дошт, ки дар Тоҷикистон дар самти идоракунии хатари офатҳои табиӣ, пешгирии ҳолатҳои фавқулода ва рафъи оқибатҳои онҳо корҳои муҳим анҷом дода шудаанд.
Дар вохӯрӣ ҷонибҳо нақшаҳои чорабиниҳои муштарак оид ба огоҳсозии барвақти аҳолӣ, пешгирии ҳолатҳои фавқулода ва татбиқи Созишномаҳои имзошударо баррасӣ намуданд.
АКС: Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон
Дар Тоҷикистон 15 телевизион ва 10 радиои давлатӣ, 16 телевизион ва 25 радиои хусусӣ фаъолият доранд
Бо риояи қоидаҳои одӣ худро аз таъсири гармӣ муҳофизат намоед
Дар ноҳияи Зафаробод агрегати нави пойгоҳи обкашии «Мирзочӯл-2» ба истифода дода шуд
Дар басти якуми истироҳатгоҳи «Ширкент» зиёда аз 320 нафар кӯдакону наврасон ба истироҳати бофароғат ҷалб гардиданд
Доир ба хатари сиёсисозии дини ислом ба амнияту суботи давлат ва ҷомеа конференсияи илмӣ-амалӣ баргузор гардид
Вазирони тандурустии давлатҳои аъзои ТУТ масъалаи муқовимат ба ҳолатҳои фавқулодаро баррасӣ намуданд
Дар Фаронса дастовардҳои Тоҷикистон дар самти ислоҳоти судӣ — ҳуқуқӣ муаррифӣ гардид
ИМРӮЗ–РӮЗИ ТАЪСИСИ БОЗРАСИИ ДАВЛАТИИ АВТОМОБИЛӢ. Амнияти ҳаракат дар роҳ самти асосии фаъолияти ин мақомот мебошад
Дар моҳи июл Тоҷикистонро чӣ гуна ҳаво интизор аст?
Дар Душанбе нахустин маротиба Рӯзи кормандони соҳаи суғуртаи иҷтимоӣ ва нафақа таҷлил гардид
ҒИЗОИ СОЛИМ. Омили афзоиши бемории диабети қанд истеъмоли ғизои аз ҳад зиёд ва номутаносиб мебошад
1 ИЮЛ — РӮЗИ КОРМАНДОНИ СОҲАИ СУҒУРТАИ ИҶТИМОӢ ВА НАФАҚА. Дар солҳои соҳибистиқлолӣ андозаи нафақаҳо зиёда аз 20 маротиба зиёд карда шуд
