Дар «Сафеддара» аввалин Мактаби тобистонаи таълимии ҳуқуқи инсон барои ҷавонон ташкил шуд
ДУШАНБЕ, 09.07.2023. /АМИТ «Ховар»/. Аз 6 то 8 июл дар Маҷмааи «Сафеддара» аввалин Мактаби тобистонаи таълимии ҳуқуқи инсон барои ҷавонон фаъолият намуд. Он бо мусоидати Дафрати Барномаҳои Созмони амният ва ҳамкори Аврупо (САҲА) дар Тоҷикистон дар асоси «Барномаи таълим дар соҳаи ҳуқуқи инсон барои солҳои 2022-2026», ки бо қарори Ҳукумати Ҷумҳурии Тоҷикистон аз 30 декабри соли 2021 қабул гардидааст, роҳандозӣ гардид. Дар ин хусус ба АМИТ «Ховар» дар Ваколатдор оид ба ҳуқуқи инсон дар Ҷумҳурии Тоҷикистон хабар доданд.
Дар Мактаби тобистона намояндагони ҷавонони мақомоти Ваколатдор оид ба ҳуқуқи инсон, Кумитаи кор бо ҷавонон ва варзиши назди Ҳукумати Ҷумҳурии Тоҷикистон, Академияи миллии илмҳо, Академияи идоракунии давлатии назди Президенти Ҷумҳурии Тоҷикистон, Донишгоҳи миллии Тоҷикистон, Донишгоҳи давлатии омӯзгории Тоҷикистон ва Донишгоҳи славянии Русия ва Тоҷикистон иштирок намуданд.
Барои ҷавонон дар доираи Мактаб аз 6 то 8 июл оид ба асосҳои ҳуқуқи инсон, механизмҳои миллӣ ва байналмилалии ҳифзи ҳуқуқи инсон, санадҳои универсалии соҳаи ҳуқуқи инсон, ки Тоҷикистон тасдиқ намудааст, фаъолияти мақомоти Ваколатдор оид ба ҳуқуқи инсон, нақшаҳои миллии амал оид ба иҷрои уҳдадориҳои Тоҷикистон дар соҳаи ҳуқуқи инсон, муқаррароти қонунгузорӣ барои ҷавонон ва тарбияи ватандӯстӣ дар байни ҷавонон машғулиятҳо гузаронида шуданд.
Ваколатдор оид ба ҳуқуқи инсон барои шиносоии бештари ҷавонон ба масъалаҳои ҳуқуқи инсон як қатор маводҳои омӯзишӣ, аз ҷумла нашри сеюми Маҷмуаи санадҳои асосии байналмилалӣ ва миллӣ оид ба ҳуқуқи инсонро таҳия ва нашр карда, барои иштирокчиён дастрас намуд.
Иқдоми мазкур зимни татбиқи “Барномаи таълим дар соҳаи ҳуқуқи инсон барои солҳои 2022-2026” идома дода шуда, марҳила ба марҳила намояндагони ҷавони дигар муассисаҳои олии таълимӣ ба он фаро гирифта мешаванд.
АКС: Ваколатдор оид ба ҳуқуқи инсон дар Ҷумҳурии Тоҷикистон
Имрӯз дар ноҳияҳои водигии Тоҷикистон ҳаво то 38 дараҷа гарм мешавад
Дар ноҳияи Шамсиддини Шоҳин ба маблағи зиёда аз 20 миллион сомонӣ корҳои сохтмонӣ ба анҷом расиданд
Дар ноҳияи Рашт мумфаршкунии зиёда аз 3 километр роҳи дохилии деҳаи Поҷеи поён оғоз гардид
Мақолаи олими тоҷик дар озмуни «Беҳтарин лоиҳаи байналмилалии соҳаи маориф» дар Испания сазовори ҷойи дуюм гардид
Дар Панҷакент насби таҷҳизот ва қубурҳои обкашонӣ барои майдонҳои кишт идома дорад
Имрӯз дар шаҳри Душанбе ҳаво то 38 дараҷа гарм мешавад
ОБОДОНӢ ДАР МАҲАЛ. Дар ноҳияи Ашт 3 километр роҳ мумфарш карда мешавад
Президенти Тоҷикистон: «Обшавии босуръати пиряхҳо ва коҳиши захираҳои об — тамоюли дигари таҳдидовар аст, ки имрӯз боиси нигаронии ҷомеаи ҷаҳонӣ гардидааст»
СОЛИ МАЪРИФАТИ ҲУҚУҚӢ. Дар Агентии омор дар ин мавзуъ ҷамъомад баргузор шуд
Имрӯз дар Тоҷикистон ҳаво то 39 дараҷа гарм мешавад
Рӯзи кормандони тандурустии Тоҷикистон бо гулчанбаргузорӣ оғоз мешавад
Дар Душанбе даври ноҳиявии озмуни «Қаннодӣ, ҳалвопазӣ, шириниҳои миллӣ ва муосир» баргузор гардид
