Дар яке аз деҳаҳои Миср бемории номаълум хурӯҷ намудааст
![](https://khovar.tj/wp-content/uploads/2023/07/V-Egipte-soobshhili-o-neizvestnoj-bolezni-v-odnoj-iz-dereven.jpg)
ДУШАНБЕ, 17.07.2023 /АМИТ «Ховар»/. Расонаҳои мисрӣ аз бемории номаълум дар байни сокинони рустои Ал — Аликати музофоти Кена хабар медиҳанд. Вазорати тандурустии ин кишвар эълон кардааст, ки барои гирифтани намуна аз нуқтаҳои беморӣ ва муҳити зист ба ин макон гурӯҳҳои пизишкӣ фиристодааст. Дар ин хусус АМИТ «Ховар» бо истинод ба РИА «Новости» иттилоъ додааст.
Шабакаи Cairo24 ва якчанд расонаҳои дигари мисрӣ қаблан навишта буданд, ки дар деҳаи Ал — Аликат тақрибан 200 нафар ба бемории муаммодоре гирифтор шудаанд, ки дар байни нишонаҳои он ҳарорати баланди бадан, дарди устухон, дарди сар ва хастагии шадид ба назар мерасад. Дар байни ВАО тахминҳо пайдо шуданд, ки ин ҳодиса метавонад хуруҷи вараҷаи Денге бошад.
Тибқи изҳороти вазорат, нишонаҳои беморӣ дар гирифторон бо таби баланд, дарди устухон ва хастагӣ зоҳир мешаванд.
Азиза ИКРОМ,
АМИТ «Ховар»
АКС аз манбаъҳои боз