Дар Юнон гармии шадид ба амал омадааст

Июль 14, 2023 18:20

ДУШАНБЕ, 14.07.2023 /АМИТ «Ховар»/. Вазорати меҳнати Юнон корфармоёнро вазифадор намуд, ки нисфирӯзӣ корро қатъ кунанд, кормандонро аз гармӣ муҳофизат намоянд ва шахсонеро, ки мушкилоти саломатӣ доранд, ба кори фосилавӣ гузаронанд. Дар ин хусус АМИТ «Ховар» бо истинод ба Euronews иттилоъ медиҳад.

Тибқи ҳисобҳои Маркази миллии назорати обу ҳаво дар Афина, тақрибан 8,2 миллион шаҳрванд рӯзи панҷшанбе бо ҳарорати аз 37°C боло ва тақрибан 620 ҳазор нафар бо ҳарорати аз 39°C боло рӯ ба рӯ хоҳанд шуд. Дар ин омор ҳоло ҳазорон нафар сайёҳоне, ки аз тамоми ҷаҳон ба Юнон омадаанд, ба назар гирифта нашудаанд. Аксари онҳо кӯшиш менамоянд, ки субҳи барвақт ба иншооти бостоншиносӣ раванд, то аз ҳарорати баланди нисфирӯзӣ паноҳ баранд.

Интизор меравад, ки рӯзи ҷумъа вазъи ҳаво боз ҳам бадтар шавад. Маркази миллии назорати обу ҳаво дар Афина, Салоники ва Лариса хатари дараҷаи 3-юми ҳарорати шадидро, ки метавонад барои саломатӣ оқибатҳои ҷиддӣ дошта бошад, пешгӯӣ мекунад.

Вазорати меҳнати Юнон тасмим гирифтааст, ки дар минтақаҳое, ки хатари фишори гармӣ ниҳоят баланд аст, нисфирӯзӣ кор ҳатман қатъ ва гурӯҳи кормандоне, ки мушкилоти саломатӣ доранд, ба кори фосилавӣ гузаронида шаванд. Ба корфармоён тавсия дода мешавад, ки барои ҳифзи кормандон аз ҳарорати хеле баланд тадбир андешанд.

Азиза ИКРОМ,
АМИТ «Ховар»

АКС: Еuronews

Июль 14, 2023 18:20

Хабарҳои дигари ин бахш

Имрӯз дар шаҳри Душанбе ҳаво то 36 дараҷа гарм мешавад
Даври дуюми Фестивал-озмуни «Андалеб-2025» дар ноҳияи Рӯдакӣ аз рӯйи 12 номинатсия доир шуд
Дар ноҳияи Ёвон хонандагону омӯзгорон суханронии Сарвари давлатро ба муносибати Рӯзи дониш ва Дарси сулҳ тамошо карданд
Дар муассисаҳои таълимии вилояти Суғд соли нави таҳсил бо тамошои суханронии Пешвои миллат ба муносибати Рӯзи дониш оғоз гардид
Дар Истаравшан татбиқи Лоиҳаи «Фаъолият дар самти таъмини амнияти озуқавории Тоҷикистон» баррасӣ гардид
Имрӯз дар водиҳои Тоҷикистон ҳаво то 40 дараҷа гарм мешавад
34 СОЛИ ПУР АЗ САМАР. Мулоҳизаҳои директори Маркази тадқиқоти стратегӣ доир ба таҳкими Истиқлолияти давлатии Тоҷикистон
Имрӯз дар ноҳияҳои алоҳидаи Тоҷикистон чангу ғубор ба амал меояд
Омодагӣ ба ҷаласаи Комиссияи байниҳукуматӣ оид ба ҳамкории тиҷоратию иқтисодӣ байни Тоҷикистон ва Озарбойҷон баррасӣ гардид
Имрӯз дар шаҳри Душанбе ҳаво то 38 дараҷа гарм мешавад
Дар Конибодом ба хонандагон либосҳои мактабӣ ва ашёи хониш тақдим гардид
Дар Душанбе дар мавзуи «Навсозии Чин» конференсия баргузор гардид