Федератсияи футболи Тоҷикистон барои мураббиёни дастаҳои кӯдакон даврҳои омӯзишӣ баргузор намуд
ХОРУҒ, 25.07.2023 /АМИТ «Ховар»/. Бо ибтикори Федератсияи футболи Тоҷикистон дар шаҳри Хоруғ даври омӯзишии 15-рӯза барои мураббиёни дастаҳои кӯдаконаи футбол оғоз ёфт. Хатмкунандагони ин давр ба гирифтани дараҷаи тахассусии мураббигӣ ноил мегарданд. Барои баргузор кардани даврҳои омӯзишӣ беҳтарин мураббиёни Конфедератсияи футболи Осиё ҷалб гардидаанд.
Раиси федератсияи футболи вилоят Аноятшо Аноятшоев ба хабарнигори минтақавии АМИТ «Ховар» Файз Мирасан гуфт, ки «давоми чанд соли охир бо мақсади баланд бардоштани маҳорати касбии мураббиён пайваста даврҳои омӯзишӣ баргузор мегарданд. Чунин дарсҳои назариявӣ ва машқҳои амалӣ ба рушди футбол такони муассир мебахшанд. Ҳоло дар вилоят 27 нафар мураббии дорои дараҷаи С ва 3 нафар мураббии дорои дараҷаи В наврасону ҷавононро тамрин медиҳанд».
Аз 20 июл то 4 август даврҳои навбатии омӯзишӣ барои 20 нафар мураббии навамал ба хотири соҳиб шудан ба дараҷаи тахассусии С баргузор мегарданд. Ба ин мураббиён беҳтарин коршинсони ин намуди варзиш, дастурдиҳандаи калони Конфедератсияи футболи Осиё Боир Эгамбердиев ва директори шуъбаи таълимии Раёсати техникии ФФТ Алифбек Беромов таълим медиҳанд.
Ба гуфтаи Боир Эгамбердиев, мақсади асосии омӯзишҳои назариявию амалӣ- шинос намудани мураббиёни навкор бо беҳтарин тарзу усулҳои тамрини дастаҳои кӯдакона мебошад. Мураббиён бояд малакаву маҳорати хуби касбӣ дошта бошанд. Албатта, на ҳама кӯдакону наврасон дар оянда футболбози касбӣ мешаванд, аммо мо бояд кӯшиш намоем, ки кӯдаконро ба тарзи хаёти солим роҳнамоӣ намуда, футболро дар байни кӯдакону ҷавонон оммавӣ гардонем.
Дастурдиҳандаи калони Конфедератсияи футболи Осиё Боир Эгамбердиев изҳор дошт, ки аз давраҳои аввали ташкил ёфтани футбол дар ҷумҳурӣ даҳҳо футболбозони бадахшонӣ бо ҳунари волои худ шарафи варзишии ҷумҳуриро дар мусобиқаҳои байналмилалӣ бо сари баланд ҳифз намуданд. Имрӯз низ бояд ин анъанаро идома диҳем ва барои футболи Тоҷикистон футболбозони умедбахш ба воя расонем. Ин умедро танҳо мураббиёни фаъолу касбӣ амалӣ карда метавонанд.
Пас аз чанд рӯз ҳамаи иштирокдорони даври омӯзишӣ имтиҳон супорида, беҳтарин мураббиён соҳиби тахассуси дараҷаи С мегарданд.
АКС:АМИТ «Ховар»
Шоҳрух Назаров якумин медали нуқраи Тоҷикистонро дар таърихи Бозиҳои параосиёии тобистона соҳиб шуд
«Истиқлол» дар бозиҳои даври дуюми марҳилаи гурӯҳии Лигаи даъватии КФО-2026/27 бар ҳарифаш ғолиб омад
Дар шаҳри Хуҷанд Академияи бокс бунёд карда мешавад
Ғолибони Мусобиқаи ҷумҳуриявӣ оид ба гӯштини ҷудо барои дарёфти Ҷоми Президенти Ҷумҳурии Тоҷикистон дар шаҳри Кӯлоб муайян шуданд
Дастаи футболи «Хуҷанд» бори шашум барандаи Ҷоми Тоҷикистон гардид
КФО-2026/27. Имрӯз «Истиқлол» ва «Регар-ТадАЗ» бозиҳои аввали худро дар марҳилаи гурӯҳӣ анҷом медиҳанд
Дар Тоҷикистон Форуми байналмилалии ҷавонони давлатҳои аъзои Созмони ҳамкории Шанхай баргузор шуд
Шаҳри Кӯлоб мизбони Ҷоми Президенти Ҷумҳурии Тоҷикистон оид ба гӯштини ҷудо мегардад
Дастаи «Сипар»-и Хуҷанд бори дуюм унвони чемпиони Ҷоми Тоҷикистон оид ба футзалро сазовор гардид
Рустами Эмомалӣ дар ноҳияи Дарвоз варзишгоҳи болопӯшидаи «Нури Модар Арена», майдони хурди футбол ва ҳавзи шиновариро мавриди истифода қарор доданд
Президенти Федератсияи футболи Тоҷикистон Рустами Эмомалӣ дар Дарвоз Академияи футболи Вилояти Мухтори Кӯҳистони Бадахшонро ифтитоҳ намуданд
Дар ноҳияи Мир Сайид Алии Ҳамадонӣ Фестивали бозиҳои миллии варзишӣ баргузор гардид
