ИНТИХОБОТИ ПРЕЗИДЕНТӢ ДАР УЗБЕКИСТОН. Суратгузориши АМИТ «Ховар» аз рафти баргузории ин маъракаи муҳими сиёсӣ
ДУШАНБЕ, 10.07.2023 /АМИТ «Ховар» /. Дар Ҷумҳурии Узбекистон интихоботи президентӣ баргузор гардида, дар он шаҳрвандони ин мамлакат фаъолона иштирок намуданд.
Дар ҷараёни баргузории интихоботи президентӣ дар ин ҷумҳурӣ дар радифи беш аз 700 нозири байналмилалӣ 12 нозир аз Тоҷикистон низ ҳамчун мушоҳид иштирок намуданд. Ҳайати нозирони Тоҷикистон, ки онро раиси Комиссияи марказии интихобот ва раъйпурсӣ Бахтиёр Худоёрзода роҳбарӣ менамояд, дар 4 қитъаи овоздиҳӣ дар шаҳри Тошканд ва вилояти Тошканд, аз ҷумла шаҳри Нурафзо рафти баргузории интихоботро мушоҳида намуд.
Инчунин ҷараёни баргузории интихоботи президентиро дар ин давлат беш аз 1200 намояндаи воситаҳои ахбори оммаи давлатӣ ва мустақили маҳаллӣ ва хориҷӣ, аз ҷумла намояндагони воситаҳои ахбори оммаи Ҷумҳурии Тоҷикистон низ инъикос намуданд.
Натиҷаҳои интихобот имрӯз 10 июл муайн шуд.
Мувофиқи маълумоти пешакӣ, 87,05% интихобкунандагон ба Шавкат Мирзиёев, номзад аз Ҳизби либералӣ — демократӣ ва Ҳизби демократии «Миллийтикланиш» («Эҳёи миллӣ) овоз доданд. Комиссияи марказии интихоботии Узбекистон ӯро президенти интихобшуда эълон намуд.
Робахон Маҳмудова аз Ҳизби сотсиал — демократии «Адолат» («Адолат») 4,43 % овозҳо, Улуғбек Иноятов аз Ҳизби халқии демократӣ 4,02 % овозҳо ва Абдушукур Ҳамзаев аз Ҳизби экологӣ 3,74% овозҳоро ба даст оварданд.
Дар зер суратгузориши АМИТ «Ховар»-ро аз рафти баргузории интихоботи президентӣ дар Узбекистон пешкаш менамоем.
Марзия САИДЗОДА,
АМИТ «Ховар»
АКС: АМИТ «Ховар»
РУШДИ ҲУНАРҲОИ МАРДУМӢ. Дар Бадахшон беш аз 300 нафар ҳунарманд фаъолият мекунад
Дар Искандаркӯл ба бунёди меҳмонхона ва иншооти муосири сайёҳӣ санги асос гузошта шуд
Азхуд намудани донишҳои замонавӣ беҳтарин роҳ бар зидди ҷаҳолату хурофот аст. Мулоҳизаҳо дар ҳошияи Паёми Президенти Тоҷикистон
Имрӯз дар ноҳияҳои алоҳидаи кӯҳии Тоҷикистон барф меборад
Донишгоҳи давлатии Кӯлоб ба хазинаи Китобхонаи оммавии вилояти Хатлон 400 нусха китоб тақдим намуд
ҶОЙГОҲИ ТОҶИКИСТОН ДАР САҲНАИ БАЙНАЛМИЛАЛӢ. Мулоҳизаҳо дар ҳошияи Паёми Президенти Тоҷикистон
Имрӯз дар Тоҷикистон бориши барф дар назар аст
Маҷмааи эҳёи хотираи таърихӣ ва таҳкими ҳувияти миллӣ дар Душанбе метавонад чун маркази омӯзишӣ барои ҷавонон хизмат намояд
Имрӯз дар ноҳияҳои кӯҳӣ ва доманакӯҳии Тоҷикистон бориши борон ва барф дар назар аст
Имрӯз дар шаҳри Душанбе ҳавои тағйирёбандаи бебориш пешгӯӣ мешавад
Бо мақсади омӯзиши нуктаҳои асосии Паёми Президенти Тоҷикистон дар шаҳри Роғун ҳамоиш доир шуд
Дар Душанбе ҷашни Сада ва намоиши тухмии зироати кишоварзӣ баргузор мегардад
