ҲИСОББАРОБАРКУНИИ ҒАЙРИНАҚДӢ. Барои ташкилоту муассисаҳои соҳаи буҷетии вилояти Хатлон корҳои фаҳмондадиҳӣ гузаронида шуд

Июль 22, 2023 13:00

ДУШАНБЕ, 22.07.2023 /АМИТ «Ховар»/. Имрӯзҳо дар ташкилоту муассисаҳои соҳаи буҷетии вилояти Хатлон силсила чорабиниҳои омӯзишӣ ва корҳои фаҳмондадиҳӣ ҷиҳати  вусъат додани ҳисоббаробаркунии ғайринақдӣ ба роҳ монда шудааст.  Дар ин хусус ба АМИТ «Ховар» дар шуъбаи иттилоотии Сарраёсати молия дар вилояти Хатлон хабар доданд.

Дар ҳамоише, ки бо ташаббуси Мақомоти иҷроияи ҳокимияти давлатии вилояти Хатлон дар Сарраёсати молияи вилоят баргузор гардид,  масъалаи ҷоннок намудани тадбирҳои судманд ҷиҳати вусъат бахшидани низоми нави ҳисоббаробаркуниҳо ва пардохтҳои давлатӣ тариқи ғайринақдӣ баррасӣ гардид.

Дар чорабинӣ намояндагони мақомоти иҷроияи ҳокимияти давлатӣ, роҳбарияти Сарраёсати молия дар вилояти Хатлон, масъулину мутахассисони соҳаи бонкдорӣ, андоз ва коршиносону роҳбарони як қатор ташкилоту муассисаҳо иштирок намуданд.

Дар ҳамоиш сардори Сарраёсати молия дар  вилояти Хатлон Ҳабибулло Иззатуллозода иброз намуд, ки «дар амал татбиқ намудани Фармони Президенти Ҷумҳурии Тоҷикистон «Дар бораи татбирҳои вусъат додани ҳисоббаробаркунии ғайринақдӣ» пеш аз ҳама, аз масъулиятшиносии кормандону мутахассисони соҳаи молия, андоз, бонку дигар бахшҳои иқтисодиёти вилоят вобастагии  калон дорад. Вобаста ба ин Сарраёсати молия дар вилояти Хатлон ҷиҳати амалӣ гардидани ҳадафҳо дар ин самт як зумра тадбирҳои муҳим, аз ҷумла чорабиниҳои омӯзиширо ба роҳ мондааст, ки дар он доираи васеи намояндагони идораву ташкилотҳо иштирок  хоҳанд намуд».

Таъкид гардид, ки ҳадаф аз ташкилу баргузории чунин ҳамоишҳои омӯзишӣ дар сатҳи баланд роҳандозӣ гардидани раванди хизматрасониҳои ғайринақдӣ дар ҳудуди вилоят арзёбӣ мегардад. Зеро гузаштан ба низоми пардохтҳои ғайринақдӣ ба устувории асъори миллӣ мусоидат намуда, фаъолияти моро дар самти амалишавии тамоми намуди андозҳо ва ҷаҳонишавии иқтисоди мамлакат ҷоннок мегардонад.

Дар ҳамоиш инчунин мудири шуъбаи Бонки миллии Тоҷикистон дар шаҳри Бохтар оид ба моҳияти гузаштан ба пардохтҳои ғайринақдӣ  изҳори назар  намуда, иброз дошт, ки рушди низоми муосири пардохтҳои давлатӣ ва дигар амалиётҳои ғайринақдӣ талаботи замон буда, дар баробари осон гардонидани хизматрасониҳои пулӣ, инчунин, ба устувории асъори миллӣ, бартараф намудани тамбашавӣ дар назди банкоматҳо ва ҳалли дигар мушкилиҳо дар ин самт мусоидат менамояд.

Бояд таъкид намуд, ки гузариш ба низоми ҳисоббаробаркуниҳои ғайринақдӣ омили таъмини шаффофоият дар раванди ҳамагуна пардохтҳо арзёбӣ гардида, андозсупорандагон метавонанд ҳама гуна амалиётҳои бонкиро ба таври осон ва бе сарфи вақти зиёдатӣ анҷом диҳанд.

Дар фарҷоми ҳамоиш  роҳбарони ташкилоту муассисаҳо оид ба масъалаҳои гуногуни амалигардии иқдоми мазкур ба мутахассисону коршиносони соҳаи бонкдорӣ суолҳои худро пешниҳод намуда, ҷавобҳои мушаххас гирифтанд.

Ёдовар мешавем, ки Фармони Президенти Ҷумҳурии Тоҷикистон  «Дар бораи тадбирҳои вусъат додани ҳисоббаробаркунии ғайринақдӣ» 22 июни соли  равон ба тасвиб расид.

АКС: Шуъбаи иттилоотии Сарраёсати молия дар вилояти Хатлон

                              

Июль 22, 2023 13:00

Хабарҳои дигари ин бахш

ҚУРБИ АСЪОР: дар Тоҷикистон 1 рубли русӣ аз 0.1291 то 0.1250 сомонӣ муқаррар шудааст
ҚУРБИ АСЪОР: дар Тоҷикистон 1 доллари ИМА аз 10.3006 то 10.3500 сомонӣ муқаррар шудааст
«Саноатсодиротбонк» бо Бонки содиротию воридотии Арабистони Саудӣ Ёддошти тафоҳум ба имзо расонид
Дар мулоқот бо ҳайати Бонки ҷаҳонӣ тақвияти низоми молиявӣ баррасӣ гардид
ҚУРБИ АСЪОР: дар Тоҷикистон 1 евро аз 11.5986 то 11.5000 сомонӣ муқаррар шудааст
Ҳамкории Бонки миллии Тоҷикистон ва Бонки Аврупоии таҷдид ва рушд баррасӣ гардид
ҚУРБИ АСЪОР: дар Тоҷикистон 1 доллари ИМА аз 10.3258 то 10.3700 сомонӣ муқаррар шудааст
ҚУРБИ АСЪОР: дар Тоҷикистон 1 рубли русӣ аз 0.1280 то 0.1250 сомонӣ муқаррар шудааст
Тавсеаи ҳамкории Бонки миллии Тоҷикистон бо «Numisma Bank»-и Амрико баррасӣ шуд
ҚУРБИ АСЪОР: дар Тоҷикистон 1 рубли русӣ аз 0.1290 то 0.1250 сомонӣ муқаррар шудааст
Озмуни «Ташкилоти қарзии молиявии беҳтарин оид ба хизматрасонии занони соҳибкор» ҷамъбаст шуд
ҚУРБИ АСЪОР: дар Тоҷикистон 1 доллари ИМА аз 10.3977 то 10.4000 сомонӣ муқаррар шудааст