ОФАРИН! Илдар Аҳмадиев дар Мусобиқаи байналмилалӣ оид ба варзиши сабук дар Қазоқистон сазовори медали тилло шуд
ДУШАНБЕ, 03.07.2023 /АМИТ «Ховар»/. Варзишгари Муассисаи давлатии «Мактаби ҷумҳуриявии маҳорати олии варзишӣ оид ба варзиши сабук» Илдар Аҳмадиев дар 32-юмин Мусобиқаи байналмилалӣ оид ба варзиши сабук ба хотираи Гусман Косанов, ки дар шаҳри Алмаатои Ҷумҳурии Қазоқистон баргузор гардид, сазовори медали тилло шуд. Дар ин хусус директори Муассисаи давлатии «Мактаби ҷумҳуриявии маҳорати олии варзишӣ оид ба варзиши сабук» Раҷабалӣ Турсунзода ба шореҳи варзиши АМИТ «Ховар» Меҳрони Қурбон хабар дод.
Ба иттилои номбурда, дар мусобиқаи мазкур беш аз 200 варзишгар аз 12 давлат, аз ҷумла Тоҷикистон, Узбекистон, Қирғизистон, Қазоқистон, Озарбойҷон, Туркманистон, Эрон, Чин, Ҷопон, Тайланд, Гурҷистон ва Ҳиндустон иштирок намуданд.
Дар ҳайати дастаи мунтахаби варзиши сабуки Тоҷикистон Илдар Аҳмадиев дар ҷаҳиш ба дарозӣ бо натиҷаи 7.39 метр ҷои якумро сазовор гардид.
Ғолибони мусобиқа дар баробари медал бо ҷоизапулӣ қадрдонӣ шуданд. Фонди умумии ҷоизаҳо 25000 доллари ИМА-ро ташкил медод.
Ёдовар мешавем, ки дар ин мусобиқа ду нафар дастпарварони муассисаи номбаршуда Илдар Аҳмадиев ва Фавориз Музрапов таҳти роҳбарии мураббӣ Ғайрат Нигматов сафарбар карда шуданд. Ҷиҳати иштирок дар Чемпионати Осиё, ки дар Тайланд доир мегардад, аз 3 то 11 июл дар шаҳри Алмаатои Ҷумҳурии Қазоқистон машқҳои дастаҷаъмӣ барои ду варзишгари тоҷик ташкил карда мешавад.
АКС аз манбаъҳои боз
Дар Тоҷикистон нахустин толори варзишии шамшербозии «Шеру Шамшер» ифтитоҳ шуд
ҶОМИ ОСИЁ-2027. Дастаи мунтахаби Тоҷикистон (U-20) дар бозии даври дуюми марҳилаи интихобӣ тими Афғонистонро мағлуб кард
ҶОМИ ОСИЁ-2027. Имрӯз дастаи мунтахаби ҷавонони Тоҷикистон бо дастаи Афғонистон бозӣ мекунад
Дастаи мунтахаби Тоҷикистон оид ба футбол моҳҳои сентябр ва октябр дар сафар се бозии дӯстона баргузор мекунад
35-СОЛАГИИ ИСТИҚЛОЛИ ДАВЛАТӢ. Дар шаҳри Турсунзода зиёда аз 31 иншооти варзишӣ ба истифода дода шуд
ФУТБОЛ. 31 август марҳилаи интихобии Ҷоми Осиё-2027 байни мунтахабҳои ҷавонони то 20-сола оғоз мешавад
Сармураббии нави дастаи мунтахаби наврасони Тоҷикистон (U-17) оид ба футбол таъйин гардид
Дастаи мунтахаби ҷавонони Тоҷикистон (U-20) оид ба футбол бозии дуюми санҷиширо бо дастаи Лубнон мусовӣ анҷом дод
Дастаи мунтахаби ҷавонони Тоҷикистон (U-20) дар бозии якуми санҷишӣ бар дастаи Лубнон пирӯз шуд
Ҳайати васеи дастаи мунтахаби Тоҷикистон оид ба футбол барои бозиҳои дӯстонаи моҳҳои сентябр ва октябр эълон гардид
Ҳайати дастаи мунтахаби ҷавонони Тоҷикистон (U-20) оид ба футбол барои марҳилаи интихобии Ҷоми Осиё-2027 муайян шуд
Дастаи мунтахаби ҷавонони Тоҷикистон (U-20) оид ба футбол бо дастаи Лубнон бозии санҷишӣ баргузор мекунад
