Олимон дар баҳри Миёназамин 1,5 дараҷа баланд шудани ҳарорати ҳаворо нисбат ба дигар минтақаҳо мушоҳида намуданд
ДУШАНБЕ, 20.07.2023 /АМИТ «Ховар»/. Олимони турк пешгӯӣ мекунанд, ки ҳарорати ҳаво дар минтақаи баҳри Миёназамин нисбат ба минтақаҳои дигар ба ҳисоби миёна 1,5 дараҷа бештар боло меравад. Дар ин хусус АБИ «Казинформ» бо истинод ба агентии «Анадолу» иттилоъ медиҳад.
Дар суҳбат бо «Анадолу» мудири бахши физикаи донишгоҳи Ишик Тугба Озтурк изҳор дошт, ки мувофиқи натиҷаи тадқиқот, бо 1 дараҷа боло рафтани ҳарорат дар ҷаҳон дар минтақаи Баҳри Миёназамин афзоиши он 1,5 дараҷаро ташкил хоҳад дод.
Тадқиқот дар самти тағйирёбии иқлим дар Аврупо, ҳавзаи Баҳри Миёназамин ва Туркия аз нигоҳи мутобиқшавӣ ба тағйирёбии иқлим ва сари вақт муайян кардани хатарҳо муҳим мебошанд.
Озтурк таъкид намуд, ки дар чаҳорчӯби лоиҳа олимон басомад ва шиддати ҳодисаҳои шадиди обу ҳаворо дар ҳавзаи баҳри Миёназамин ва Аврупо омӯхтаанд.
Дар доираи таҳқиқот инчунин таъсири эҳтимолии тағйирёбии иқлим ба бахшҳои мухталифи иқтисодиёт омӯхта шудааст. Аз ҷумла, тағйирот ба соҳаҳои кишоварзӣ, амнияти озуқаворӣ ва ҳатто тандурустӣ таъсир мерасонанд.
Азиза ИКРОМ,
АМИТ «Ховар»
АКС: Anadolu Agensy
Имрӯз дар Тоҷикистон ҳавои тағйирёбанда дар назар аст
ҶАМЪБАСТИ НИШАСТҲОИ МАТБУОТӢ. Имрӯз дар Прокуратураи генералӣ, Вазорати молия, Кумитаи андоз, Агентии назорати давлатии молиявӣ ва мубориза бо коррупсия ва Агентии суғуртаи иҷтимоӣ ва нафақа нишасти матбуотӣ баргузор мегардад
«Анор»: Вақте шунидани овоз муҳимтар аст
Имрӯз дар Тоҷикистон ҳавои тағйирёбанда дар назар аст
НИШАСТИ МАТБУОТӢ. Аз корхонаҳои истеҳсолии ноҳияи Ёвон ба хориҷи мамлакат беш аз 134 ҳазор тонна семент содирот гардид
Ба Тоҷикистон ба маблағи беш аз 143 миллион доллар гандум ворид карда шудааст
Ташкилоти молиявию қарзии Хатлон ба иқтисодиёт беш аз 2 миллиард сомонӣ қарзҳои бонкӣ ҷудо намудаанд
Ба Тоҷикистон ба маблағи зиёда аз 443 миллион доллар маҳсулоти нафтӣ ворид карда шудааст
Имрӯз дар Тоҷикистон ҳаво камабри бебориш мешавад
