ҶОМИ КУШОДИ ОСИЁ ОИД БА ҶУДО. Варзишгарони тоҷик аз он бо 7 медал ба Ватан бармегарданд
ДУШАНБЕ, 31.07.2023 /АМИТ «Ховар»/. Дар Ҷоми кушоди Осиё оид ба гӯштини ҷудо байни наврасону ҷавонон, ки аз 27 то 30 июл дар шаҳри Тошканди Ҷумҳурии Узбекистон баргузор гардид, паҳавонони тоҷик ба гирифтани 7 медал мушарраф гардиданд. Дар ин хусус ба шореҳи варзиши АМИТ «Ховар» дар Федератсияи ҷудои Тоҷикистон хабар доданд.
Дар мусобиқа байни наврасон 86 варзишгар аз 4 давлат ва байни ҷавонон 97 варзишгар аз 3 давлат иштирок карданд. Федератсияи ҷудои Тоҷикистон аз байни наврасон 33 варзишгар ва аз байни ҷавонон 49 варзишгарро ба шаҳри Тошканд равон намуд. Мусобиқа тибқи қоидаҳои Федератсияи байналмилалии ҷудо аз рӯи 16 вазн байни наврасон (8 вазн – писарон, 8 вазн — духтарон) ва 14 вазн байни ҷавонон (7 вазн – писарон, 7 вазн — духтарон) баргузор гардид.
Ягона медали тиллоро барои Тоҷикистон дар мусобиқа Абубакр Шеров дар вазни то 73 кг ба даст овард. Аҳлия Муъминов дар вазни то 52кг, Фазлиддин Садриддинзода дар вазни то 66кг, Илҳомиддин Ҷабборов дар вазни то 73кг, Сайфиддин Сайфиддинзода дар вазни то 81кг, Умедҷон Раҷабов дар вазни то 90кг ва Ҳабибулло Ашӯров дар вазни то 100кг соҳиби медалҳои биринҷӣ гардиданд.
Паҳлавонони дигари тоҷик Парвиз Абдураҳмонов дар вазни то 100кг ва Иброҳимҷон Элмуродов дар вазни +100кг мақоми панҷуми мусобиқаро соҳиб шуданд.
АКС аз манбаъҳои боз
«ФУТБОЛ — ОМИЛИ ВАҲДАТ ВА ҲАМДИЛИИ ҶАВОНОН». Байни устодону кормандони Донишгоҳи миллии Тоҷикистон мусобиқаи футболи хурд доир гардид
Ҷудокорони тоҷик ҳангоми ба даст овардани медалҳои Бозиҳои Осиёӣ бо ҷоизаҳои пулӣ қадрдонӣ мешаванд
Ба ғолибону ҷоизадорони Бозиҳои Осиёӣ-2026 Ҷоизаи Президенти Ҷумҳурии Тоҷикистон дода мешавад
Имрӯз дастаи мунтахаби Тоҷикистон оид ба футбол бо дастаи мунтахаби Озарбойҷон бозии дӯстона доир менамояд
Мирзобек Умаров ва Отабек Раҷабов дар Бозиҳои Осиёӣ-2026 аввалин медалҳои тиллоро соҳиб шуданд
Се варзишгари Тоҷикистон ба финали мусобиқаи ММА дар Бозиҳои Осиёии Ҷопон роҳ ёфтанд
Варзишгари тоҷик Беҳрӯз Умаров дар мусобиқаи байналмилалӣ дар Қазоқистон соҳиби медали тилло гардид
Рамазон Ҷумаев ва Анӯшервон Назарзода соҳиби унвони қаҳрамони Ҷоми ҷаҳон оид ба самбо дар шаҳри Душанбе гардиданд
Ҳайати дастаи мунтахаби Тоҷикистон барои бозиҳои дӯстона бо дастаҳои Озарбойҷон, Фаластин ва Чин муайян гардид
Душанбе маротибаи дуюм мизбони Ҷоми ҷаҳон оид ба самбо мегардад
Варзишгари тоҷик Ҷаҳонгир Камолов дар Мусобиқаи байналмилалии Ҷоми АвруОсиё соҳиби медали тилло шуд
Дар Кумитаи миллии олимпии Тоҷикистон бо варзишгарон-шиноварони Тоҷикистон вохӯрӣ доир гардид
