ҶОМИ ТОҶИКИСТОН-2023. Лигаи футболи Тоҷикистон санаи баргузории бозиҳои даври 1/8- ниҳоиро тасдиқ намуд

ДУШАНБЕ, 21.07.2023 /АМИТ «Ховар»/. Лигаи футболи Тоҷикистон санаи баргузории бозиҳои даври 1/8-ниҳоии Ҷоми Тоҷикистон-2023-ро тасдиқ намуд. Дар ин хусус ба АМИТ «Ховар» дар Федератсияи футболи Тоҷикистон хабар доданд.

 Чаҳор бозии даври 1/8-ниҳоии Ҷоми Тоҷикистон – «Истиқлол» – КМВА, «Файзканд» – «Саройкамар», «Парвоз» – «Хатлон» ва «Ҳосилот» – «Барқчӣ» 29 июл баргузор мешаванд.

Чаҳор бозии дигари даври 1/8-ниҳоии мусобиқот- «Хуҷанд» – «Регар-ТадАЗ», «Панҷшер» – «Эсхата», «Моҳир» – «Истаравшан» ва «Кӯктош» – «Равшан» 30 июл  баргузор мегарданд.

Бозиҳои даври 1/8-ниҳоии Ҷоми Тоҷикистон-2023 аз якбозигӣ иборат буда, дар майдони дастае, ки дар ҷуфт зинаи якумро касб намудааст,  баргузор мешаванд. Дар сурати мусовӣ анҷом ёфтани вақти асосии вохӯрӣ ду қисми иловагӣ иборат аз 15-дақиқагӣ таъйин карда мешавад. Агар ғолиб дар ин вақт ҳам муайян нашавад, бар асоси муқаррароти ФИФА барандаи ҷом аз рӯйи силсилазарбаҳои 11-метра маълум мегардад.

Ҷоми Тоҷикистон-2023

1/8- ниҳоӣ

29 июл (шанбе)

Оғоз – соати 17:00

«Истиқлол» – КМВА

«Файзканд» – «Саройкамар»

«Парвоз» – «Хатлон»

«Ҳосилот» – «Барқчӣ»

30 июл (якшанбе)

Оғоз – соати 17:00

«Хуҷанд» – «Регар-ТадАЗ»

«Панҷшер» – «Эсхата»

«Моҳир» – «Истаравшан»

«Кӯктош» – «Равшан»

АКС: Федератсияи футболи Тоҷикистон