Шумораи ҳалокшудагон дар натиҷаи фурӯ рафтани бинои бисёрошёна дар Бразилия ба 14 нафар расид
ДУШАНБЕ, 10.07.2023 /АМИТ «Ховар»/. Шумораи ҳалокшудагон дар натиҷаи фурӯ рафтани бинои бисёрошёна, ки 7 июл дар шаҳри Ресифии иёлоти Пернамбукуи Бразилия рух дод, ба 14 нафар расида, 7 нафари дигар наҷот дода шуд. Тавре АМИТ «Ховар» бо истинод ба «Синхуа» иттилоъ медиҳад, дар ин хусус рӯзи шанбе хадамоти оташиншонии иёлот хабар додааст.
Амалиёти ҷустуҷӯӣ-наҷотдиҳӣ дар ҷойи ҳодиса аллакай ба анҷом расидааст. Дар он 50 нафар оташнишонҳо бо дастгирии ихтиёриён иштирок намуданд. Се нафаре, ки аз зери харобаҳо наҷот ёфта буданд, аллакай ба бемористон интиқол ёфта, чор нафари дигар, ки ҳангоми фурӯ рехтани бино дар берун буданд, ҷароҳатҳои сабук бардоштаанд. Бо мақсади таъмини бехатарӣ, 7 июл сокинон аз 6 бинои наздикии манзили фурӯрафта ба ҷойи бехавф кӯчонида шуданд.
Тибқи иттилои дастрас, хонаи бисёрошёнаи фурӯрехта дар солҳои 1970 сохта шуда, сохти ноустувор дошт. Мақомоти маҳаллӣ хабар доданд, ки истифодаи ин бино аз соли 2010 инҷониб манъ гардидааст, вале онро шахсони бесарпаноҳ ишғол намудаанд.
Ин фурӯравии бино маротибаи дуюм аст, ки дар иёлоти Пернамбуко ба амал меояд. Рӯзи 27 апрел дар шаҳри Олинда як бинои сеошёна фурӯ рафта, оташ гирифт, ки дар натиҷа 6 нафар ҳалок ва 5 нафари дигар ҷароҳат бардоштанд.
Азиза ИКРОМ,
АМИТ «Ховар»
АКС: «Синхуа»
Дар Душанбе ҷаласаи муштараки Платформаи миллии коҳиши хатари офатҳои табиӣ баргузор шуд
Дар Суғд саҳми шуроҳои ҷамъиятиро дар амалишавии ислоҳоти милитсия баррасӣ намуданд
Имрӯз дар Тоҷикистон ҳаво то 38 дараҷа гарм мешавад
СОЛИ МАЪРИФАТИ ҲУҚУҚӢ. Роҳбарияти Раёсати Вазорати корҳои дохилӣ дар вилояти Хатлон бо фаъолзанони шаҳри Кӯлоб вохӯрӣ намуд
23 июл Анҷумани ғайринавбатии Ҳизби сотсиалистии Тоҷикистон доир мешавад
20 июл Анҷумани ғайринавбатии Ҳизби ислоҳоти иқтисодии Тоҷикистон баргузор мегардад
Имрӯз дар Тоҷикистон ҳавои тағйирёбандаи бебориш пешгӯӣ мешавад
ТАҚВИМИ АМИТ «ХОВАР»: имрӯз 16 июл, сешанбе, 198-умин рӯзи соли 2024 аст
Вазорати нақлиёт дар доираи иҷрои «Барномаи давлатии кабудизоркунии Ҷумҳурии Тоҷикистон барои давраи то соли 2040» 5 миллион бех ниҳол мешинонад
Ширкати «China Datang» дар вилояти Суғд неругоҳи офтобӣ бо қувваи 500 мегават месозад
Роҳи оҳани Спитамен-Истаравшан ва Спитамен-Истиқлол бунёд мегардад
Намояндаи Осорхонаи миллӣ дар ҳамоиши «Долонҳои мероси Роҳи Абрешим дар Осиёи Марказӣ» дар Остона иштирок намуд
