«ТАЪСИРИ ХУШУНАТИ ХОНАВОДАГӢ БА ИНКИШОФИ КӮДАК». Дар Душанбе бо иштироки мудирони муассисаҳои томактабӣ ҳамоиш доир шуд
ДУШАНБЕ, 22.07.2023. /АМИТ «Ховар»/. Дар шаҳри Душанбе дар мавзуи «Таъсири хушунати хонаводагӣ ба инкишофи кӯдак» байни мудирон ва равоншиносони муассисаҳои таълимии томактабии ноҳияҳои шаҳри Душанбе семинари омӯзишӣ-иттиоотӣ оид ба тарғиби ҳаёти бе зӯроварӣ доир шуд. Дар ин хусус ба АМИТ «Ховар» дар Раёсати кор бо занон ва оилаи Мақомоти иҷроияи ҳокимияти давлатии шаҳри Душанбе хабар доданд.
Ҳамоиши мазкур бо мақсади иҷрои Қарори Ҳукумати Ҷумҳурии Тоҷикистон аз 3 майи соли 2014 «Дар бораи Барномаи давлатӣ оид ба пешгирии зӯроварӣ дар оила дар Ҷумҳурии Тоҷикистон барои солҳои 2014-2023», ки бо қарори Раиси шаҳри Душанбе аз 17 июни соли 2014 тасдиқ гардидааст, доир шуд.
Тазаккур дода шуд, ки барнома дар асоси Конститутсияи Ҷумҳурии Тоҷикистон, дигар санадҳои меъёрии ҳуқуқии Ҷумҳурии Тоҷикистон, санадҳои меъёрии ҳуқуқии байналмилалии эътирофнамудаи Ҷумҳурии Тоҷикистон ва бо мақсади татбиқи қонунҳои Ҷумҳурии Тоҷикистон «Дар бораи пешгирии зӯроварӣ дар оила», «Дар бораи дурнамоҳои давлатӣ, консепсияҳо, стратегияҳо ва барномаҳои инкишофи иҷтимоию иқтисодии Ҷумҳурии Тоҷикистон», «Дар бораи масъулияти падару модар дар таълиму тарбияи фарзанд», «Дар бораи милитсия», Кодекси ҳуқуқвайронкунии маъмурии Ҷумҳурии Тоҷикистон, Кодекси оилаи Ҷумҳурии Тоҷикистон ва дигар санадҳои меъёрии ҳуқуқие, ки ба пешгирии зӯроварӣ дар оила равона гардидаанд, таҳия шудааст.
Зимни он гуфта шуд, ки кӯдакон ояндаи ҷомеа буда, таъмини ҳуқуқҳои онҳо ба ҳифзи саломатӣ ва рушди солими ҷисмонӣ ва равонии онҳо вазифаи аввалиндараҷаи ҳар давлату ҷомеа ба ҳисоб меравад.
Мақсади асосии баргузории ҳамоиш- пешигии зӯроварӣ ва кирдорҳои номатлуб нисбат ба кӯдакон дар оила, тарғиби ҳаёти бе зӯроварӣ, баланд бардоштани масъулияти касбӣ аз ҷониби масъулини муассисаҳои таълимии томактабӣ мебошад.
Ҳамзамон ҳадафи дигари ҳамоиш- таълиму тарбия, инкишофи ҷисмонӣ ва равонии кӯдакон ва дар руҳияи ватанпарастиву хештаншиносӣ тарбия намудани насли наврас мебошад.
АКС: Раёсати кор бо занон ва оилаи Мақомоти иҷроияи ҳокимияти давлатии шаҳри Душанбе
Имрӯз дар Тоҷикистон фаромадани туман ва сар задани тарма пешгӯӣ мешавад
Имрӯз дар Тоҷикистон бориши барфу борон пешгӯӣ мешавад
Дар Душанбе доир ба Паёми Президенти Ҷумҳурии Тоҷикистон Эмомалӣ Раҳмон ба Маҷлиси Олӣ ҳамоиш баргузор шуд
Имрӯз дар баъзе ноҳияҳои Тоҷикистон бориши борону барф дар назар аст
«ОЛИҲАИ МЕҲР». Маҷмуа ба мақоми занони фаъоли тоҷик дар рушди ҷомеа бахшида шудааст
«Анор» сокинони Душанберо хушҳол намуд
Дар вилояти Суғд бо собиқадорони меҳнат вохӯрӣ баргузор шуд
ДАРАХТ БИШНОН! Дар шоҳроҳи Душанбе — Варзоб беш аз 500 бех ниҳоли санавбар шинонида шуд
Имрӯз дар ноҳияҳои кӯҳии Тоҷикистон барф меборад
Дар академияи зимистонаи «Ҳаво» масъалаҳои мутобиқшавӣ ба тағйирёбии иқлим баррасӣ шуданд
Дар шаҳри Ҳисор ба маъюбон аробачаи маъюбӣ дастрас карда шуд
Дар Душанбе дастовардҳои рушди соҳибкорӣ ва сармоягузорӣ баррасӣ гардиданд
