Теъдоди бар асари бориш ҳалокшудагон дар Кореяи Ҷанубӣ ба 39 нафар расид
ДУШАНБЕ, 17.07.2023 /АМИТ «Ховар»/. Теъдоди ҳалокшудагони обхезӣ ва ярч бар асари бориши шадид дар Кореяи Ҷанубӣ ба 39 нафар расид. Тавре АМИТ «Ховар» бо истинод ба ТАСС иттилоъ медиҳад, дар ин хусус агентии Yonhap бо истинод ба ситоди марказии чораҳои амниятӣ ва вокуниш ба офатҳои табиӣ хабар додааст.
Мувофиқи иттилои ситод, аз 9 июл то соати 11:00-и вақти маҳаллии рӯзи якшанбе 33 нафар ҳалок ва беш аз 10 нафар бедарак шудаанд. Дертар ситод ду ҳодисаи фавтро дар музофоти Кёнсан — Пукто ва ду ҳодисаи дигарро бар асари обхезии нақби зеризаминии автомобилӣ дар музофоти Чхунчхон — Пукто тасдиқ намуд.
Қаблан агентии Yonhap иттилоъ дод, ки дар натиҷаи ин ҳодиса 9 нафар ба ҳалокат расида, ҳоло ҳамаи онҳо ба омор шомил шудаанд. Дар натиҷаи бориши шадид дарёи маҳаллӣ аз соҳилҳо баромад. Дар нақби дарозиаш 685 метр 15 мошин, аз ҷумла як автобус манъ шудаанд. Шумораи ҳалокшудагон метавонад афзоиш ёбад, амалиёти ҷустуҷӯӣ идома дорад.
Бинобар пайомадҳои боронҳои шадид шумораи рекордии сокинони Кореяи Ҷанубӣ дар 12 сол зарар дидааст, ҳол он ки танҳо даҳаи дуюми моҳи июл идома дорад, таъкид шудааст дар маводи Yonhap. Соли 2011 78 нафар бедарак шуда ё фавтидаанд.
Азиза ИКРОМ,
АМИТ «Ховар»
АКС аз манбаъҳои боз
Варзишгарони паралимпии Тоҷикистон бо 37 медал ба Ватан баргаштанд
Шарҳи расмии Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон оид ба раддабандии ҷумҳурӣ аз лиҳози ифлосшавии ҳавои атмосферӣ
Имрӯз дар баъзе ноҳияҳои Тоҷикистон борони кӯтоҳмуддат меборад
Имрӯз дар Тоҷикистон чангу ғубор ба амал меояд
МегаФон Тоҷикистон дар ҷумҳурӣ нахустин пайвасткунии тарофаҳо ва хизматрасониҳоро тавассути сомонаи расмӣ ба роҳ монд
Имрӯз дар Тоҷикистон ҳавои тағйирёбанда пешгӯӣ мешавад
Дар Бохтар оид ба даъвати баҳории ҷавонон ба хизмати ҳарбӣ ҳамоиш баргузор гардид
Имрӯз дар водиҳои Тоҷикистон ҳаво то 27 дараҷа гарм мешавад
Зудтару дақиқтар: дар Тоҷикистон сифати хизматрасониҳои мобилиро беҳтар мекунанд
Имрӯз дар шаҳри Душанбе ҳаво то 27 дараҷа гарм мешавад
Имрӯз дар Тоҷикистон ҳаво абрнок шуда, борон меборад
«ТОҶИКИСТОН — ВАТАНИ АЗИЗИ МАН». Моҳи апрел даври якуми озмуни ҷумҳуриявӣ оғоз меёбад
