Ҳамаи санадҳои меъёрии ҳуқуқӣ бо назардошти манфиатҳои милливу давлатӣ ва мутобиқат бо Конститутсияи Тоҷикистон таҳия ва мавриди амал қарор дода мешаванд
ДУШАНБЕ, 01.08.2023. /АМИТ «Ховар»/. Ҳама санадҳои меъёрӣ-ҳуқуқие, ки дар ҳудуди мамлакат мавриди амал қарор дода мешаванд, танҳо дар асоси талаботи Қонуни Ҷумҳурии Тоҷикистон «Дар бораи санадҳои меъёрӣ-ҳуқуқӣ» таҳия ва қабул шудаанд. Ҳамчунин бо мақсади тақвият додани қонунгузории Ҷумҳурии Тоҷикистон зимни таҳия ва омода намудани қонунҳо дастовардҳои илмӣ, манфиатҳои милливу давлатӣ, таҷрибаи дигар кишварҳои пешрафта низ ба назар гирифта мешаванд, — чунин изҳор кард муовини якуми Директори Маркази миллии қонунгузории назди Президенти Ҷумҳурии Тоҷикистон Муҳаммадҷон Соҳибзода дар нишасти матбуотӣ, ки нимаи дуюми имрӯз бо ҳузури хабарнигорони ВАО-и ватаниву хориҷӣ баргузор гардид.
Дар нишасти матбуотии мазкур Директори Маркази миллии қонунгузории назди Президенти Ҷумҳурии Тоҷикистон Иззатулло Саидзода иттилоъ дод, ки давоми шаш моҳи соли равон 4 лоиҳаи санадҳои меъёрии ҳуқуқӣ мавриди таҳия ва баррасии Марказ қарор гирифта, вобаста ба мутобиқнамоӣ ба дигар санадҳои меъёрии ҳуқуқии амалкунанда даҳ санади меъёрии ҳуқуқӣ таҳлил ва ҷиҳати такмили он санадҳо 145 таклифи илмӣ пешниҳод шудааст. Илова бар ин 10 санади меъёрӣ-ҳуқуқӣ аз экспертизаи ҳуқуқӣ гузаронида шуда, дар натиҷа 125 таклифи илмӣ рӯи кор омадаанд.
Хотиррасон бояд шуд, ки дар Ҷумҳурии Тоҷикистон фаъолияти ҳуқуқэҷодкунӣ дар асоси принсипҳои мутобиқат ба Конститутсияи Ҷумҳурии Тоҷикистон, қонуният, бартарияти меъёрҳои санадҳои ҳуқуқии байналмилалии эътирофнамудаи Тоҷикистон нисбат ба қонунҳо ва санадҳои зерқонунӣ, афзалияти таъмини ҳимояи ҳуқуқу озодиҳои инсон ва шаҳрванд, адолати иҷтимоӣ, ошкорбаёнӣ, илмият, касбият ва ба назар гирифтани афкори ҷамъиятӣ амалӣ мегардад.
А. САНГЗОДА,
АМИТ «Ховар»
АКС: АМИТ «Ховар»
Зудтару дақиқтар: дар Тоҷикистон сифати хизматрасониҳои мобилиро беҳтар мекунанд
Имрӯз дар шаҳри Душанбе ҳаво то 27 дараҷа гарм мешавад
Имрӯз дар Тоҷикистон ҳаво абрнок шуда, борон меборад
«ТОҶИКИСТОН — ВАТАНИ АЗИЗИ МАН». Моҳи апрел даври якуми озмуни ҷумҳуриявӣ оғоз меёбад
КИШТИ БАҲОРӢ. Маъсар зироати пурқимати равғандеҳ маҳсуб мешавад
ГУЛБАСТ — МАТОЕ БО САНЪАТИ НОДИР. Он воқеан ҳам либоси зебо ва миллӣ аст
«Ҳар як давлат, сарфи назар аз сатҳи рушди иқтисодӣ бояд дар ҳифзи криосфера саҳми фаъол гузорад», — бардошт аз конфронс дар Душанбе
21 МАРТ — РӮЗИ БАЙНАЛМИЛАЛИИ ҲИФЗИ ПИРЯҲО. Пиряхҳои Тоҷикистон манбаи бузурги оби дарёҳои Осиёи Марказӣ ба шумор мераванд
Имрӯз дар Тоҷикистон ҳавои тағйирёбанда пешгӯӣ мешавад
«ҲАМАҶО АНҶУМАНИ НАВРӮЗ АСТ». Аз 21 то 25 март дар шаҳру ноҳияҳои Хатлон барномаҳои идона доир мегарданд
Кордсозӣ чун рамзи маҳорати ҳунармандони тоҷик то имрӯз ҳифз гардидааст
Филмҳо ва шабакаҳои телевизионӣ – бе пардохти иловагӣ ва сарфи трафик
