«БАҲРИ ОБОДИИ ВАТАН ХАНДОН БА РОҒУН МЕРАВЕМ…». 100 нафар ҷавонони фаъол ба Неругоҳи барқи обии «Роғун» сафар намуданд

Август 25, 2023 10:45

ДУШАНБЕ, 25.08.2023. /АМИТ «Ховар»/. Бахшида ба 35-солагии Истиқлолияти давлатӣ бо ташаббуси Кумитаи кор бо ҷавонон ва варзиши назди Ҳукумати Ҷумҳурии Тоҷикистон имрӯз сафари 100 нафар ҷавонони фаъоли вазорату идораҳо, ташкилоту муассисаҳои ҷумҳурӣ ва намояндагони ВАО ба Неругоҳи барқи обии «Роғун» оғоз гардид, иттилоъ медиҳад хабарнигори АМИТ «Ховар».

Мақсад аз сафар- шиносоии ҷавонон бо ҷараёни корҳои сохтмонӣ дар иншооти асосии неругоҳ буда, имкон медиҳад, ки онҳо бо сохтмончиёни ин кохи бузурги гидроэнергетикии мамлакат аз наздик суҳбат намоянд.

Бояд тазаккур дод, ки сафари мазкур дар доираи дастуру супоришҳои Президенти Ҷумҳурии Тоҷикистон муҳтарам Эмомалӣ Раҳмон бо мақсади ҳавасмандсозии кормандони ин иншооти аср ба нақша гирифта шудааст.

Ёдовар мешавем, ки Президенти Ҷумҳурии Тоҷикистон муҳтарам Эмомалӣ Раҳмон 10 августи соли равон зимни вохӯрӣ бо бунёдгарони НБО «Роғун» Вазорати фарҳанг, кумитаҳои телевизион ва радио, кор бо занон ва оила, ҷавонон ва варзиш, Ҳизби Халқии Демократии Тоҷикистон, Иттифоқи нависандагон ва дигар иттифоқҳои эҷодиро вазифадор намуданд, ки корҳои амалиро доир ба ташкили вохӯриҳо, барномаҳои фарҳангиву фароғатӣ, инъикоси фаъолияти коргарону мутахассисони неругоҳи «Роғун» ва эҷоди асарҳои адабӣ оид ба фаъолияти бунёдкорони ин иншооти бузурги аср густариш диҳанд.

Бояд тазаккур дод, ки баъди ба даст овардани Истиқлолияти давлатии Ҷумҳурии Тоҷикистон маҳз бо ташаббус ва дастгирии Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон сохтмони НБО –и «Роғун» – иншооти бузурги стратегӣ шуруъ гардид.

29 октябри соли 2016 бо иштироки Пешвои миллат муҳтарам Эмомалӣ Раҳмон бунёди сарбанди НБО-и  «Роғун» оғоз гардид. Ҳамон рӯз Роҳбари давлат паси чанбари булдозер нишаста, яку ним соат бо пеш кардани сангу шағал маҷрои дарёи Вахшро бастанд ва ба бунёди сарбанди ин неругоҳи азими аср оғоз бахшиданд.

Бояд тазаккур дод, ки НБО –и «Роғун» пуриқтидортарин иншооти силсилаи неругоҳҳои дарёи Вахш аст, ки аз 6 агрегат иборат буда, тавоноии ҳар кадоми он 600 мегаваттро ташкил медиҳад ва бо иқтидори 3600 мегаватт (беш аз 17 миллиард киловатт-соат) калонтарин неругоҳи барқи обӣ дар минтақа хоҳад буд.

Ташкил намудани чунин сафари дастҷамъона ба мавзеи сохтмони иншооти бузурги аср бо иштироки ҳайати ҷавонон сабаби руҳбаландии коргарону сохтмончиёни иншооти азими гидроэнергетикии мамлакат- НБО «Роғун» гардида, умеду боварии онҳоро дар партави дастуру ҳидоятҳо ва роҳнамоиҳои Пешвои муаззами миллат муҳтарам Эмомалӣ Раҳмон  ба ояндаи боз ҳам дурахшони Тоҷикистон афзун менамояд.  Тавре шоир дар бораи ин иншооти аср фармудааст:

Баҳри ободии Ватан хандон ба Роғун меравем,
Чун гул шукуфта дар чаман шодон ба Роғун меравем.

Зарангези ЛАТИФ,
АМИТ
«Ховар»

АКС: АМИТ «Ховар»

 

 

Август 25, 2023 10:45

Хабарҳои дигари ин бахш

Дурнамои ҳамкории Тоҷикистон ва Туркия дар самти меҳнат ва шуғли аҳолӣ баррасӣ гардид
Вобаста ба баланд бардоштани тавонмандсозӣ барои самаранокии идораи давлатӣ ҳамоиш доир шуд
«ЗАНОН ДАР ИҚТИСОДИ «САБЗ» ВА РАҚАМӢ». Дар шаҳри Гулистон Форуми минтақавии Муколамаи занони Осиёи Марказӣ доир шуд
Беш аз 80 ҳазор нафақагирони шаҳри Душанбе аз индексатсия баҳраманд шуданд
Озмуни ҷумҳуриявии нонпазии «Зеби дастархон» ҷамъбаст шуд
Намояндаи Тоҷикистон дар Форуми байналмилалӣ оид ба таҷрибаи Тоҷикистон дар омӯзиши бозори меҳнат сухан гуфт
Раиси Шурои уламои Тоҷикистон бо медали фахрии Анҷумани роҳбарони динҳои ҷаҳонӣ ва суннатӣ сарфароз гардонида шуд
Дар Суғд Форуми Муколамаи занони Осиёи Марказӣ баргузор мешавад
МАСЛИҲАТИ МУТАХАССИС. Хӯрдани анҷир хавфи бемории дилро кам менамояд
35-СОЛАГИИ ИСТИҚЛОЛИ ДАВЛАТӢ. Барои кормандони соҳаи ҳифзи муҳити зист 4 бинои маъмурӣ ба истифода дода мешавад
Истеъмоли хурмо узви босираро мустаҳкам намуда, пеш аз муҳлат пиршавии баданро пешгирӣ менамояд
21 СЕНТЯБР — РӮЗИ БАЙНАЛМИЛАЛИИ СУЛҲ. Тоҷикистон дар роҳи таҳкими сулҳ ва амният дар ҷаҳон пешсаф аст