БАХШИДА БА 35-СОЛАГИИ ИСТИҚЛОЛИЯТИ ДАВЛАТӢ. Дар деҳаи Сафедораки Ҷамоати деҳоти Деҳмалики ноҳияи Варзоб бунгоҳи тиббӣ ба истифода дода шуд
ДУШАНБЕ, 20.08.2023 /АМИТ «Ховар»/. Ба истиқболи ҷашни 32 солагии Истиқлоли давлатии Ҷумҳурии Тоҷикистон дар деҳаи Сафедораки Ҷамоати деҳоти Деҳмалики ноҳияи Варзоб бунгоҳи тиббӣ ба истифода дода шуд. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии ноҳияи Варзоб хабар медиҳад.
Роҳбарияти ноҳияи Варзоб сокинони деҳаи мазкурро барои бунёди чунин муассисаи тандурустии хуштарҳу замонавӣ табрику таҳният гуфта, иброз намуданд, ки боиси қаноатмандист, ки имрӯзҳо дар тамоми манотиқи мамлакат корҳои ободониву созандагӣ дар дар баробари дигар соҳаҳо дар соҳаи тандурустӣ низ идома доранд.
Таъкид шуд, ки бунгоҳи тиббии мазкур аз ҷониби Мақомоти иҷроияи ҳокимияти давлатии ноҳияи Варзоб якҷо бо соҳибкори ватанӣ Раупов Орифҷон дар ҳамкорӣ бо Вазорати тандурустӣ ва ҳифзи иҷтимоии аҳолии Ҷумҳурии Тоҷикистон дар доираи иҷрои дастуру супоришҳои Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷиҳати беҳтар намудани хизматрасонии тиббӣ ба аҳолӣ бунёд карда шудааст, ки ба 352 хоҷагӣ бо фарогирии 1932 нафар сокинони деҳаи болозикр хизмат мерасонад.
Ба роҳбарияти Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ва соҳибкори ватандӯст изҳори сипосу миннатдории беандоза баён намуда, ба кори сохтмончиён барои хуштарҳу замонавӣ сохтани чунин бунгоҳи тиббӣ баҳои баланд дода шуд. Бунгоҳи тиббӣ дорои ҳуҷраҳои қабули беморон, табиби оилавӣ, ташхиси занона ва доругузаронӣ буда, бо таҷҳизоти муосир муҷаҳҳаз гардонида шудааст.
Бояд тазаккур дод, ки ба истифода додани бунгоҳи тиббии мазкур иҷроиши яке аз бандҳои Нақшаи чорабиниҳои Мақомоти иҷроияи ҳокимияти давлатии ноҳияи Варзоб бахшида ба ҷашни бузурги миллӣ — 35 солагии Истиқлоли давлатии Ҷумҳурии Тоҷикистон маҳсуб меёбад.
АКС: Мақомоти иҷроияи ҳокимияти давлатии ноҳияи Варзоб
Дар ноҳияи Бобоҷон Ғафуров сохтмони иншооти соҳаи маориф ва саноат идома дорад
Дар шаҳри Ҳисор Мактаби бачагонаи санъат ва майдончаи варзишӣ ба истифода дода шуданд
ИСТИҚЛОЛИ ДАВЛАТИИ ТОҶИКИСТОН-ЗАМИНАИ ҲИФЗУ ГУСТАРИШИ АРЗИШҲОИ МИЛЛӢ. Дар ҳошияи фармони Президенти Тоҷикистон «Дар бораи ҷашн гирифтани 40-солагии Истиқлоли давлатии Ҷумҳурии Тоҷикистон»
Дар назди чор муассисаи таълимии шаҳри Ҳисор биноҳои иловагӣ сохта мешаванд
«БАРНОМАИ ДАВЛАТИИ РУШДИ МУАССИСАҲОИ СОҲАИ МАОРИФИ ВИЛОЯТИ ХАТЛОН». Дар доираи он бунёди 165 иншоот ба нақша гирифта шудааст
Хобгоҳи Коллеҷи омӯзгории шаҳри Ҳисор баъд аз навсозӣ ба истифода дода шуд
Дар ноҳияи Деваштич иншооти гуногуни иҷтимоӣ ба истифода дода шуданд
Сарвари давлат Эмомалӣ Раҳмон ба таври фосилавӣ як қатор иншооти таъиноти гуногунро дар вилояти Суғд мавриди истифода қарор доданд
Президенти Ҷумҳурии Тоҷикистон Эмомалӣ Раҳмон дар шаҳри Хуҷанд тарабхонаи «Форел Платинум»-ро мавриди истифода қарор доданд
Пешвои миллат Эмомалӣ Раҳмон дар минтақаи озоди иқтисодии Суғд корхонаи нӯшокиҳои ташнагишикани ҶДММ «Райан»-ро ба истифода доданд
Президенти Ҷумҳурии Тоҷикистон Эмомалӣ Раҳмон дар ноҳияи Деваштич муассисаи таҳсилоти миёнаи умумии №70-ро мавриди баҳрабардорӣ қарор доданд
