Бар асари тӯфони «Лан» дар Ҷопон 49 нафар осеб дида, 90 ҳазор нафар бе барқ мондаанд
ДУШАНБЕ, 17.08.2023 /АМИТ «Ховар»/. Бар асари тӯфони «Лан», ки боиси ба амал омадани бориш ва вазидани боди шадид дар ҷазираи калонтарин ва сераҳолитарини Ҷопон – Хонсю гардид, 49 нафар осеб дидаанд. Тавре «Ховар» иттилоъ медиҳад, дар ин хусус АБИ «Казинформ» бо истинод ба Kyodo хабар додааст.
Агентии обуҳавошиносӣ рӯзи чоршанбе дар бораи ба амал омадани борони шадид бо раъду барқ дар шарқи Ҷопон ҳушдор дод. Тӯфон қад-қади соҳили баҳри Ҷопон ҳаракат намуда, метавонад рӯзи панҷшанбе қисматҳои шарқӣ ва шимолии Ҷопонро фаро гирад.
Ҳаракати қатораҳои баландсуръат байни истгоҳҳои Токио ва Хаката бар асари боронҳои шадид дар қисми марказии Ҷопон манъ шуда, ҳаракати байни истгоҳҳои Нагоя ва Окаяма низ рӯзи сешанбе мавқуф гузошта шуд.
Мувофиқи иттилои Агентии мубориза бо сӯхтор ва офатҳои табиӣ, дар ҳашт музофоти давлат 49 нафар бар асари ҳавои номусоид осеб дидаанд.
Азиза ИКРОМ,
АМИТ «Ховар»
АКС: АБИ «Казинформ»
Дар Тоҷикистон сохтмони хонаҳои истиқоматӣ вусъат ёфтааст
Имрӯз дар шаҳри Душанбе ҳаво то 28 дараҷа гарм мешавад
Муассисаҳои буҷетии ноҳияи Тоҷикобод бо ангишти кони Камароб пурра таъмин карда шуданд
Сафири Тоҷикистон дар Амрико дар Форуми сатҳи баланд иштирок намуд
ОМОДАГӢ БА ЗИМИСТОН. Иншооти соҳаҳои маориф ва тандурустии шаҳри Роғун бо ангишт, ҳезум ва сӯзишворӣ таъмин мебошанд
Дар Данғара даври ноҳиявии Озмуни ҷумҳуриявии «Беҳтарин хизматчии давлатӣ аз ҳисоби занон» доир гардид
Дар шаҳри Гулистон иншооти нави иҷтимоӣ ба истифода дода шуд
