БОЗИҲОИ II ИТТИҲОДИ ДАВЛАТҲОИ МУСТАҚИЛ. Варзишгарони тоҷик дар Беларус соҳиби боз се медал гардиданд
ДУШАНБЕ, 10.08.2023 /АМИТ «Ховар»/. Варзишгарони тоҷик 9 август дар Бозиҳои II Иттиҳоди Давлатҳои Мустақил дар Беларус боз се медали дигар ба даст оварданд, хабар медиҳанд мухбирони АМИТ «Ховар» аз Минск.
Мустафо Аҳмадов (70 кг) ва Сомонҷон Икромов (79 кг) дар гӯштини тарзи озод медалҳои биринҷиро соҳиб гардиданд. Дар ин қувваозмоӣ дар вазни то 79 кг мақоми аввалро варзишгари Русия, ҷои дуюмро варзишгар аз Қазоқистон гирифтанд. Ҷойи сеюмро варзишгарони Тоҷикистон ва Узбекистон ба даст оварданд.
Дар вазни то 70 кг мақоми аввалро варзишгари Русия, дуюмро Озарбойҷон, сеюмро Тоҷикистон ва Беларус соҳибӣ намуданд. Ин намуди мусобиқа дар шаҳри Солигорск баргузор гардид. Дар он 86 варзишгар аз 12 давлат, аз ҷумла Баҳрайн, Озарбойҷон, Узбекистон, Қирғизистон, Қазоқистон ва Ветнам иштирок доранд.
Муштзани тоҷик Ҳангома Исоева дар вазни 57 кг бо ҳисоби 3:2 аз варзишгари Беларус шикаст хӯрда, медали биринҷиро соҳиб шуд.
Имрӯз 6 муштзани тоҷик барои гирифтани роҳхат ба даври ниҳоӣ қувва меозмоянд. Муштзанони тоҷик Меҳроҷ Сӯфиҷонов (48 кг), Бузургмеҳр Эҳсанов (54 кг), Рустамҷон Ашӯров (67 кг), Акмалҷон Абдувалиев (86 кг), Анушервон Фозилов (51 кг) ва Руслан Федорин (92 кг) дар шаҳри Орсаи Беларус барои ҷойҳои намоён мубориза мебаранд.
Хотиррасон мешавем, ки аз 6 то 12 август дар Орша мусобиқа оид ба муштзанӣ идома меёбад. Дар он намояндагони 10 давлат: Беларус, Тоҷикистон, Озарбойҷон, Арманистон, Қирғизистон, Русия, Туркманистон, Узбекистон, Эрон ва Покистон иштирок менамоянд.
Варзишгарони тоҷик то имрӯз 6 медал- як нуқра ва 5 биринҷӣ ба даст овардаанд.
Лайло ТОИРӢ,
Елена БАТЕНКОВА,
АМИТ «Ховар»
АКС: АМИТ «Ховар»
Дастаи мунтахаби наврасони Тоҷикистон (U-17) бозии дуюми дӯстонаро бо Қатар мусовӣ анҷом дод
Дастаи мунтахаби наврасони Тоҷикистон (U-15) дар Чемпионати ҷаҳон-2026 оид ба футбол бар тимҳои Бермуд ва Филиппин пирӯз шуд
Варзишгарони паралимпии Тоҷикистон пас аз иштирок дар Бозиҳои V параосиёӣ ба Ватан баргаштанд
Ҳайати васеи дастаи мунтахаби Тоҷикистон оид ба футбол барои иштирок дар мусобиқаи «Кing’s Сup 2026» эълон гардид
«KING’S CUP 2026». Дастаи мунтахаби Тоҷикистон дар даври нимниҳоӣ бо тими миллии Умон бозӣ мекунад
Дар Душанбе таҳти унвони «Зебоӣ, доноӣ ва тавоноӣ аз варзиш аст» машқи пагоҳирӯзӣ баргузор гардид
«Истиқлол» барои роҳхат ёфтан ба плей-оффи Лигаи даъватии КФО-2026/27 бо дастаи «Ҳомс Ал-Фида»-и Сурия бозӣ мекунад
Дастаи мунтахаби наврасони Тоҷикистон (U-17) бо дастаи Қатар бозиҳои дӯстона анҷом медиҳад
ФУТБОЛ. Дастаи мунтахаби наврасони Тоҷикистон (U-15) дар Ҷоми ҷаҳон-2026 иштирок менамояд
Шоҳрух Назаров якумин медали нуқраи Тоҷикистонро дар таърихи Бозиҳои параосиёии тобистона соҳиб шуд
«Истиқлол» дар бозиҳои даври дуюми марҳилаи гурӯҳии Лигаи даъватии КФО-2026/27 бар ҳарифаш ғолиб омад
Дар шаҳри Хуҷанд Академияи бокс бунёд карда мешавад
