Дар арафаи соли нави хониш мактаби №141-и шаҳраки Шарораи Ҳисор аз таъмири асосӣ бароварда мешавад

Август 26, 2023 15:10

ДУШАНБЕ, 26.08.2023 /АМИТ «Ховар»/. Пеш аз оғози соли нави таҳсил Фонди хайрияи «Музаффар» корҳои таъмири асосӣ ва бозсозии бинои муассисаи таҳсилоти умумии №141-и шаҳраки Шарораи шаҳри Ҳисорро ба анҷом мерасонад.

Мактаби мазкур  ҳанӯз соли 1990 сохта шуда,  дар солҳои аввал ҳамчун кўдакистон  истифода мешуд. Аз соли 2007 ба баъд ин бино ба мактаби ҳамагонӣ табдил дода шуд, ки дар он 640 хонанда таълиму тарбия мегиранд. Дар тӯли ин солҳо мактаб  боре ҳам таъмири асосӣ нашудааст, аз ин рӯ ба беҳтар шудани шароит барои таълиму тарбия ниёз дошт.

Фонди хайрияи «Музаффар» дар тӯли шаш моҳи соли равон мактабро аз таъмири асосӣ баровард. Синфхонаҳо, бинои мактаб ва майдонҳои атрофи он таъмири асосӣ карда шуда, утоқҳои дарсӣ  бо мебелу таҷҳизоти нав таъмин гардиданд. Дар синфхонаҳо  ба ҷойи бухориҳои оташӣ хатти марказгармӣ сохта шуд. Ба ҳимати хайрхоҳони фонд ҷойи фарши сементиро дар синфхонаҳо тахтафарш гирифт, ки барои саломатӣ ва пешгирӣ аз бемориҳо хеле муҳим аст. Дар даромадгоҳи биноҳо зинаҳои панҷарадор сохта, дару тирезаҳо таъмиру бозсозӣ ва рангу бор шуданд.

Системаи таъмини барқ дар ҳама синфхонаҳо, хонаи муаллимон, китобхона ва ҳамаи биноҳои ёрирасон аз нав эҳё карда шуд. Дар таъмири ин даргоҳи илму маърифат беш аз 450 ҳазор сомонӣ ба масраф расид, ки ҳоло он ба макони дилкашу фараҳбахш табдил шудааст. Ҳамаи ин навсозиҳо дар оғози соли нави таҳсил шароити илмомӯзиро хеле беҳтар хоҳад кард.

Фонди хайрияи «Музаффар» аз соли 2017 10 адад мактабро  дар ноҳияҳои гуногуни ҷумҳурӣ бо мебел ва таҷҳизоти хушсифат, компютер таъмин карда шуда, корҳои таъмири нопурра, иваз кардани дару тиреза, рангу бори бино, барқарор кардани болопӯши бом ва корҳои дигарро ба анҷом расонидааст.

Дар маросими бозкушоии бинои нави МТМУ пас аз таъмири асосӣ, имсол низ 20 нафар хонандагон соҳиби ҷузвдон хоҳанд шуд.

АКС: Фонди хайрияи «Музаффар» 

Август 26, 2023 15:10

Хабарҳои дигари ин бахш

Дар ноҳияи Муъминобод 26 китобхона фаъолият менамояд
Имрӯз дар шаҳри Душанбе ҳаво то 36 дараҷа гарм мешавад
Даври дуюми Фестивал-озмуни «Андалеб-2025» дар ноҳияи Рӯдакӣ аз рӯйи 12 номинатсия доир шуд
Дар ноҳияи Ёвон хонандагону омӯзгорон суханронии Сарвари давлатро ба муносибати Рӯзи дониш ва Дарси сулҳ тамошо карданд
Дар муассисаҳои таълимии вилояти Суғд соли нави таҳсил бо тамошои суханронии Пешвои миллат ба муносибати Рӯзи дониш оғоз гардид
Дар Истаравшан татбиқи Лоиҳаи «Фаъолият дар самти таъмини амнияти озуқавории Тоҷикистон» баррасӣ гардид
Имрӯз дар водиҳои Тоҷикистон ҳаво то 40 дараҷа гарм мешавад
34 СОЛИ ПУР АЗ САМАР. Мулоҳизаҳои директори Маркази тадқиқоти стратегӣ доир ба таҳкими Истиқлолияти давлатии Тоҷикистон
Имрӯз дар ноҳияҳои алоҳидаи Тоҷикистон чангу ғубор ба амал меояд
Омодагӣ ба ҷаласаи Комиссияи байниҳукуматӣ оид ба ҳамкории тиҷоратию иқтисодӣ байни Тоҷикистон ва Озарбойҷон баррасӣ гардид
Имрӯз дар шаҳри Душанбе ҳаво то 38 дараҷа гарм мешавад
Дар Конибодом ба хонандагон либосҳои мактабӣ ва ашёи хониш тақдим гардид