Дар Душанбе оид ба рушд ва дастовардҳои илми физика дар солҳои соҳибистиқлолӣ конференсияи ҷумҳуриявӣ доир шуд

Август 28, 2023 19:00

ДУШАНБЕ, 28.08.2023 /АМИТ «Ховар»/. 25-26 август бахшида ба 32-солагии Истиқлолияти давлатии Ҷумҳурии Тоҷикистон дар Институти физикаю техникаи ба номи С.У.Умарови Академияи миллии илмҳои Тоҷикистон дар мавзуи «Рушд ва дастовардҳои илми физика дар солҳои истиқлолият» Конференсияи илмӣ-амалии ҷумҳуриявӣ  баргузор гардид. Дар ин хусус ба АМИТ «Ховар» директори Институти физикаю техника Фарҳод Шокир хабар дод. 

Дар ҷаласаи пленарӣ дар мавзуъҳои илмии «Модели математикии тавлиди мавҷҳои гармӣ дар диэлектрикҳо дар зери шуоъ бо нури ионҳои гармоникӣ», «Дастовардҳои соҳаи физикаи атмосфера дар солҳои Истиқлолияти давлатии Ҷумҳурии Тоҷикистон: дурнамои ҳамкорӣ бо марказҳои илмии байналмилалӣ», «Амсиласозии математикии системаҳои квантӣ бо қимати баланди спин: функсияҳои коррелятсионии ҳолатҳои самтнок», «Коркарди дастгоҳҳо ва усулҳои нави таҳқиқот ва назорати равандҳои коҳишёбии геоматериалҳо ва массаҳои кӯҳӣ», «Таҷҳизоти инноватсионӣ барои назорати оперативӣ ва муайян кардани параметрҳои энергетикии трансформаторҳои барқӣ ва шиддатнокии энергияи агрегати кории дамкаш» маърузаҳо шунида шуданд.

Дар конференсия инчунин намояндагон аз Донишгоҳи давлатии Самарқанд, Донишгоҳи меъморӣ ва сохтмони Самарқанди Узбекистон, Донишгоҳи Дубнаи Федератсияи Русия, Донишгоҳи Лусофони Португалия, Донишгоҳи миллии Авруосиё ба номи Л.Н.Гумилёви Қазоқистон, Донишгоҳи таҳқиқоти агротехникии Қазоқистон ба номи С.Сейфуллин, Институти стандартизатсия ва метрологияи Қазоқистон, Институти физикаю техникаи ба номи А.Ф.Иоффеи Академияи илмҳои Русия ва ғайра тариқи ҳузурӣ ва маҷозӣ иштирок намуданд.

Беш аз 60 маводи илмӣ дар самтҳои физикаи назариявӣ, системаҳои динамикӣ; физикаи атмосфера, тағйирёбии иқлим ва масъалаҳои об; муҳитҳои конденсӣ, маводшиносӣ, нанотехнология ва маводи нав; масъалаҳои энергетикаи таҷдидпазир ва ғайрианъанавӣ; нурҳои кайҳонӣ, физикаи ядроӣ ва технологияҳо; физикаи тиббӣ ва биологӣ ва ғайра баррасӣ гардиданд.

                      АКС: Институти физикаю техникаи ба номи С.У.Умаров

Август 28, 2023 19:00

Хабарҳои дигари ин бахш

«Таҳкими иқтидори мудофиавии Тоҷикистон-омили таъмини амнияти миллӣ». Таҳти ин унвон дар Душанбе ҳамоиш доир шуд
Ҳайати намояндагони Ҳизби Коммунистии Чин дар Осорхонаи миллии Тоҷикистон бо таъриху тамаддуни бостонии тоҷикон шинос гардиданд
Эмомалӣ Раҳмон: «Раванди таъмини сохторҳои низомӣ ва мақомоти ҳифзи ҳуқуқ бо беҳтарин шароиту имконият минбаъд низ идома меёбад»
Дар ноҳияи Мастчоҳ ба ифтихори Рӯзи Қувваҳои Мусаллаҳ афсарону сарбозони фаъолро ҳавасманд намуданд
РӮЗИ ҚУВВАҲОИ МУСАЛЛАҲ. Роҳбарият ва намояндагони шаҳри Ҳисор ба дидорбинии сарбозону афсарон рафтанд
Имрӯз дар Тоҷикистон ҳавои тағйирёбанда мешавад
РӮЗИ ДИЛОВАРОНИ ШУҶОИ ВАТАН. Дар Донишкадаи кӯҳию металлургии Тоҷикистон 31-солагии таъсиси Қувваҳои Мусаллаҳ таҷлил гардид
ШАҲРВАНДОНИ КОМИЛҲУҚУҚ. Ба 1152 хатмкунандаи муассисаҳои таълимии ноҳияи Восеъ шиноснома дода шуд
Финляндия дар бораи эпидемияи вирус байни кӯдакони хурд хабар додааст
Дар «Тоҷикфилм» Рӯзи Қувваҳои Мусаллаҳи Ҷумҳурии Тоҷикистонро таҷлил намуданд
МЕВАҲОИ ИСТИҚЛОЛ. Намоиш-фурӯши корҳои эҷодии донишҷӯёни Донишгоҳи давлатии Хуҷанд доир шуд
Дар Венесуэла 15 нафар ҳангоми фурӯрезии кон ба ҳалокат расид