Дар ноҳияи Ҷаббор Расулов дар ҳамаи бахшҳои хоҷагидорӣ кишти такрории зироат идома дорад
ДУШАНБЕ, 12.08.2023. /АМИТ «Ховар»/. Имсол дар ноҳияи Ҷаббор Расулови вилояти Суғд дар ҳамаи бахшҳои хоҷагидорӣ дар 4449 гектар кишти такрории зироат ба нақша гирифта шуда, ба ҳолати 9 август дар 2700 гектар кишти такрорӣ гузаронида шудааст. Дар ин хусус зимни шиносоии роҳбарияти вилояти Суғд аз Ҷамоати деҳоти Деҳмой иттилоъ дода шуд, хабар медиҳад АМИТ «Ховар» бо истинод ба Хадамоти матбуоти Раиси вилояти Суғд.
Тавре таъкид шуд, деҳқонони ҷамоати мазкур дар парвариши зироат таҷрибаи бой дошта, дар як сол се-чор маротиба ҳосил мегиранд.
То имрӯз кишоварзони ҷамоат дар 270 гектар кишти такрории зироат гузаронида, дар таъмини бозори дохилӣ бо маҳсулот саҳми назаррас гузошта истодаанд.
Дар ноҳияи Ҷаббор Расулов ҳаҷми умумии маҳсулоти кишоварзӣ дар ҳамаи шаклҳои хоҷагидорӣ дар 7 моҳи соли 2023 ба 368 млн 851,7 ҳазор сомонӣ расонида шудааст, ки нисбат ба ҳамин давраи соли гузашта 4 миллиону 109,2 ҳазор сомонӣ зиёд гардида, суръати афзоиш 101,1 фоизро ташкил медиҳад.
Раиси вилоят нашъунамои зироати гуногунро дар деҳоти Деҳмой ва деҳоти Гулхона мавриди таваҷҷуҳ қарор дода, барои истифодаи самараноки замин супоришҳо дод.
АКС: Хадамоти матбуоти Раиси вилояти Суғд
Имрӯз дар Тоҷикистон ҳаво то 40 дараҷа гарм мешавад
Имрӯз дар Донишгоҳи давлатии тиҷорати Тоҷикистон ва Донишгоҳи славянии Тоҷикистон-Русия нишасти матбуотӣ баргузор мегардад
ХОРУҒ — БОҒШАҲРЕ ДАР ЛАБИ ДАРЁ. Тавсифи ин шаҳр аз нигоҳи Константин Симонов
«МЕРОСИ МО». Муассисаи фарҳангии ЭКО нахустин ҷашнвораи байналмилалии аксбардории мобилӣ баргузор менамояд
Имрӯз дар водиҳои Тоҷикистон ҳаво то 38 дараҷа гарм мешавад
Имрӯз дар шаҳри Душанбе ҳаво то 39 дараҷа гарм мешавад
Донишгоҳи давлатии Бохтар ҳамкории байналмилалиро бо муассисаҳои хориҷӣ густариш медиҳад
Шаҳрвандон ва соҳибкорон тавассути ПОС – терминалҳо ва ҳамёнҳои электронӣ 3,7 миллион амалиёти ғайринақдӣ анҷом доданд
Имрӯз дар баъзе ноҳияҳои Тоҷикистон чангу ғубор боқӣ мемонад
