Дар Шаҳринав «Корвони саломатӣ» ба сокинон хизмат мерасонад
ДУШАНБЕ, 19.08.2023 /АМИТ «Ховар»/. Ба сокинони Ҷамоати деҳоти Шаҳринав дар Маркази саломатии ноҳиявӣ бо ташаббуси Мақомоти иҷроияи ҳокимияти давлатии ноҳияи Шаҳринав хизматрасонии ройгони тиббии «Корвони саломатӣ» ташкил карда шуд. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии ноҳияи Шаҳринав хабар додааст.
«Корвони саломатӣ», ки аз табибони беморхонаи марказӣ ва маркази саломатии ноҳияи Шаҳринав иборат мебошад, тавассути таҷҳизоти замонавӣ -дастгоҳҳои фаросавтӣ, сабти барқии дил ва дигар воситаҳои техникӣ зиёда аз 600 муроҷиаткунандаро аз муоинаи тиббӣ гузаронида, ба онҳо барои табобат ва муолиҷаи дуруст гирифтан тавсияҳо пешниҳод намуданд.
Роҳбарияти ноҳия дар ин маърака зимни вохӯрию суҳбатҳо бо аҳолӣ иброз намуданд, ки ин ғамхориҳо дар партави ҳидоятҳои инсонпарваронаи Пешвои миллат муҳтарам Эмомалӣ Раҳмон баҳри ҳифзи солимии ҳамаи мардуми ноҳия амалӣ мегардад.
Инчунин роҳбарияти ноҳия ба аёдати беморони барҷомондаву маъюбони бистарӣ, собиқадорони ҷангу меҳнат рафта, аз саломатии онҳо бархурдор шуданд. Ин аз самтҳои асосӣ ва ҳадафҳои барномавии чорабинии марказонидашудаи «Корвони саломатӣ» маҳсуб мешавад.
«Корвони саломатӣ» тавассути мошини таблиғотии тиббӣ, ки дар он баландгӯякҳои замонавӣ насб шудааст, дар маркази ноҳия кӯча ба кӯча ва маҳалла ба маҳалла гашта, сокинонро барои гузаштан аз ташхиси тиббии ройгон даъват менамояд.
Хизматрасонии тиббии ройгон тибқи нақша то 22 август амалӣ мегардад.
АКС: Мақомоти иҷроияи ҳокимияти давлатии ноҳияи Шаҳринав
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳру ноҳияҳои Тоҷикистон борони кӯтоҳмуддат меборад
Дар Академияи миллии илмҳо бахшида ба 90 – солагии профессор Муқаддима Ашрафӣ конференсия баргузор шуд
Имрӯз дар баъзе шаҳру ноҳияҳои Тоҷикистон борони кӯтоҳмуддат меборад
Намояндагони парлумонҳои Туркия, Узбекистон ва Озарбойҷон дар Осорхонаи миллӣ бо шоҳкориҳои нодири ниёгонамон шинос шуданд
Рӯзи ҷавонон на танҳо ҷашн, балки рӯзи умеду орзуҳо ва масъулияти насли ояндасози Тоҷикистон аст
Имрӯз дар баъзе минтақаҳои Тоҷикистон омадани сел пешгӯӣ мешавад
Дар шаҳри Турсунзода бо сарбозони дидбонгоҳҳои сарҳадӣ вохӯрӣ доир шуд
Имрӯз дар баъзе ноҳияҳои Тоҷикистон борони бошиддат меборад
Наврасону ҷавонони ноҳияи Мурғоб дар ҳашари экологии «Соҳили тоза-2026» иштирок намуданд
«МегаФон Тоҷикистон»: Касбу кор аз хазина оғоз меёбад
Хайриддин Усмонзода бо роҳбари Маркази минтақавии СММ оид ба дипломатияи пешгирикунанда барои Осиёи Марказӣ вохӯрӣ намуд
