ФУТБОЛ. Доварони бозии плей-оффи Ҷоми Конфедератсияи футболи Осиё-2023/24 байни дастаҳои «Хуҷанд» – «Марв» маълум шуданд

Август 16, 2023 14:07

ДУШАНБЕ, 16.08.2023 /АМИТ «Ховар»/. Ҳайати довароне, ки дар бозии плей-оффи Ҷоми Конфедератсияи футболи Осиё-2023/24 дар минтақаи марказӣ байни бошгоҳҳои «Хуҷанд» (Тоҷикистон) ва «Марв» (Туркманистон) кор мебарад, маълум шуд. Дар ин хусус АМИТ «Ховар» бо истинод ба Федератсияи футболи Тоҷикистон хабар медиҳад.

Ин бозиро ҳайати доварон аз Аморати Муттаҳидаи Араб (АМА) ҳакамӣ менамояд. Довари марказӣ Яҳё Алӣ Муҳаммад Ҳасан Ал-Мулло хоҳад буд. Дар хатҳо ба ӯ ҳамватанонаш – ёварони довари ФИФА Аҳмад Саид Аҳмад Ал-Асал Ал-Рашдӣ ва Алӣ Рашид Муҳаммад Ал-Ҷорн Ал-Нуаймӣ кумак менамоянд. Вазифаи довари эҳтиётиро Султон Муҳаммад Солеҳ Юсуф Ал-Ҳаммадӣ аз Амороти Муттаҳидаи Араб иҷро менамояд. Маҳюб Содиқ аз Фаластин кори ҳайати доваронро назорат менамояд. Комиссари бозӣ Муҳаммад Абдулло Назмӣ Манго аз Урдун таъйин шуд. Барои бехатарӣ дар варзишгоҳ афсари амниятии КФО Раҳул Парашар аз Ҳиндустон ҷавобгар хоҳад буд.

Бояд гуфт, ки бозии плей-оффи Ҷоми КФО-2023/24 байни дастаҳои «Хуҷанд» – «Марв» 22 август дар варзишгоҳи «20-солагии Истиқлолияти Тоҷикистон», воқеъ дар шаҳри Хуҷанд баргузор мешавад. Бозӣ  соати 16:30 оғоз мегардад.

АКС: Федератсияи футболи Тоҷикистон

 

Август 16, 2023 14:07

Хабарҳои дигари ин бахш

Ғолибони шоҳҷоизаҳои Мусобиқаи гӯштини миллӣ дар ноҳияи Темурмалик муайян шуданд
Душанбе мизбони Форуми Шурои олимпии Осиё ва ҳамбастагии олимпӣ мегардад
Дар Душанбе Ҷоми ҷаҳон оид ба велосипедронии кӯҳӣ баргузор мегардад
Абдулло Давлатов бозиҳои қисми ниҳоии Ҷоми Осиё-2025-ро доварӣ менамояд
Дастаи мунтахаби наврасони Тоҷикистон (U-17) панҷ бозии санҷишӣ анҷом дод
ЧЕМПИОНАТИ ТОҶИКИСТОН. Бозиҳои даври сеюми дастаҳои Лигаи олӣ оид ба футбол оғоз мегарданд
Рақибони дастаи мунтахаби занонаи Тоҷикистон оид ба футбол дар марҳилаи интихобии Ҷоми Осиё-2026 муайян шуданд
Ғолибони Мусобиқаи байналмилалии гӯштингирӣ дар шаҳри Истаравшан муайян шуданд
Дар Қалъаи Муғтеппаи шаҳри Истаравшан Мусобиқаи байналмилалии гӯштингирӣ оғоз ёфт
Чор паҳлавони тоҷик соҳиби шоҳҷоизаҳо дар мусобиқаи гӯштини миллӣ дар ноҳияи Данғара шуданд
Моҳи май дар Душанбе Мусобиқаи байналмилалии Гран — Слам оид ба гӯштини ҷудо баргузор мегардад
Шакармамад Мирмамадов барандаи Шоҳҷоизаи Мусобиқаи байналмилалии гӯштини миллӣ дар шаҳри Хоруғ гардид