Имрӯз дар шаҳри Ҳисор чемпионати CAFA-2023 байни дастаҳои мунтахаби наврасони то 17-сола оғоз мегардад

ДУШАНБЕ, 20.08.2023 /АМИТ «Ховар»/. Имрӯз дар шаҳри Ҳисор чемпионати CAFA-2023 байни дастаҳои мунтахаби наврасони то 17-сола оғоз мегардад. Дастаи мунтахаби нави наврасони то 15-солаи  Тоҷикистон  оид ба футбол, ки моҳи октябри соли оянда дар мусобиқоти интихобии Ҷоми Осиё-2025 иштирок менамояд, дар чемпионат ҳунарнамоӣ менамояд. Дар ин хусус АМАМИТ «Ховар» бо истинод ба Федератсияи футболи Тоҷикистон хабар медиҳад.

Чемпионати CAFA-2023 байни дастаҳои мунтахаби наврасони  то  17-сола  аз  20 то 27 август  дар Варзишгоҳи марказии шаҳри  Ҳисор баргузор мешавад. Дар ин мусобиқа дастаҳои мунтахаби  наврасони панҷ давлати минтақа – Тоҷикистон, Эрон, Узбекистон, Афғонистон ва Қирғизистон иштирок менамоянд. Далер Каёсов дастаи мунтахаби  Тоҷикистонро  ба мусобиқаи дарпешистода омода менамояд.

Дар доираи чемпионати CAFA-2023  10 бозӣ баргузор мешавад. Мусобиқа аз рӯи системаи даврӣ дар як марҳила  доир  мегардад. Дастаи ғолиб аз рӯйи шумораи холҳо муайян мешавад.

Чемпионати CAFA-2023 байни наврасон (U-17)

Иштирокчиён: Тоҷикистон, Эрон, Узбекистон, Афғонистон ва Қирғизистон

 Даври 1

20 август (якшанбе)

18:00 – Қирғизистон – Афғонистон

21:00 – Узбекистон – Эрон

Даври 2

21 август (душанбе)

18:00 – Афғонистон – ТОҶИКИСТОН

21:00 – Қирғизистон – Узбекистон

Даври 3

23 август (чоршанбе)

18:00 – Эрон – Афғонистон

21:00 – ТОҶИКИСТОН – Қирғизистон

Даври 4

25 август (ҷумъа)

18:00 – Эрон – Қирғизистон

21:00 – Узбекистон – ТОҶИКИСТОН

Даври 5

27 август (якшанбе)

18:00 – Афғонистон – Узбекистон

21:00 – ТОҶИКИСТОН – Эрон

                                                   АКС: Федератсияи футболи Тоҷикистон