ҲИСОББАРОБАРКУНИҲОИ ҒАЙРИНАҚДӢ. Вобаста ба он 100 волонтёр байни аҳолии Душанбе аксияҳои тарғиботӣ мегузаронанд
ДУШАНБЕ, 08.08.2023. /АМИТ «Ховар»/. Аз ҳисоби 100 нафар волонтёрону фаъолони ботаҷрибаи Кумитаи кор бо ҷавонон ва варзиши назди Ҳукумати Ҷумҳурии Тоҷикистон ҷиҳати баргузор намудани корҳои фаҳмондадиҳӣ ва аксияҳои тарғиботиву ташвиқотӣ дар байни аҳолии шаҳри Душанбе вобаста ба тадбирҳои вусъат додани ҳисоббаробаркунии ғайринақдӣ гурӯҳи корӣ таъсис ёфт, хабар доданд ба АМИТ «Ховар» дар Кумитаи мазкур.
Гурӯҳи мазкур дар асоси Фармони Президенти Ҷумҳурии Тоҷикистон муҳтарам Эмомалӣ Раҳмон «Дар бораи тадбирҳои вусъат додани ҳисоббаробаркунии ғайринақдӣ» дар якҷоягӣ бо намояндагони Корхонаи воҳиди давлатии Бонки амонатгузории Ҷумҳурии Тоҷикистон «Амонатбонк» ва волонтёрони Ташкилоти ҷамъиятии «Пайравони Пешвои миллат» байни аҳолии шаҳри Душанбе корҳои фаҳмондадиҳӣ мегузаронанд.
Волонтёрон муваззаф шудаанд, ки бо одоби баланд ва рафтори намунавӣ дар кӯчаву хиёбонҳои шаҳри Душанбе бо тақсим намудани буклетҳо ва фаҳмондадиҳии шифоҳӣ дар байни аҳолӣ корҳои ташвиқотиву тарғиботиро пурзӯр намоянд.
Иттилоъ дода шуд, ки ин гуна корҳои фаҳмондадиҳӣ бо иштироки васеи волонтёрон дар дигар вилояту шаҳрҳо ва ноҳияҳои ҷумҳурӣ мунтазам баргузор мегарданд.
АКС: Кумитаи кор бо ҷавонон ва варзиши назди Ҳукумати Ҷумҳурии Тоҷикистон
ҚУРБИ АСЪОР: 1 доллари ИМА аз 9.2600 то 9.2700 сомонӣ муқаррар шудааст
Натиҷаҳои рушди иқтисодии Тоҷикистон дар Таиланд муаррифӣ гардиданд
Намояндаи Бонки миллии Тоҷикистон дар ҷаласаи роҳбарони бонкҳои марказии кишварҳои Шарқи Наздик ва Осиёи Марказӣ иштирок намуд
Вазири молияи Тоҷикистон дар Бангкок бо роҳбарияти Фонди кувайтии рушди иқтисодиёти араб мулоқот намуд
Масъалаи истифодаи механизмҳои нави маблағгузорӣ барои татбиқи лоиҳаҳои афзалиятноки Тоҷикистон дар Бангкок баррасӣ шуд
Ҷаласаи панелии соҳавии «Шарикии рушд: тасмимҳои бонкӣ ва суғуртавӣ барои ҷомеаи соҳибкорӣ» баргузор шуд
«Саноатсодиротбонк» дар номинатсияи «Беҳтарин соҳибкор дар соҳаи бонкдорӣ» ғолиб гардид
Дар шаҳри Бангкок густариши ҳамкории Тоҷикистон бо Хазинаи байналмилалии асъор баррасӣ гардид
Намояндагони Тоҷикистон дар мулоқоти вазирони молия ва раисони бонкҳои марказии кишварҳои Қафқоз ва Осиёи Марказӣ иштирок намуданд
