Намояндагони раёсати доварони Конфедератсияи футболи Осиё ба Тоҷикистон омаданд
ДУШАНБЕ, 14.08.2023 /АМИТ «Ховар»/. Дар чаҳорчӯби лоиҳаи Конфедератсияи футболи Осиё (КФО) оид ба рушди идоракунии доварӣ намояндагони раёсати доварони КФО ба Тоҷикистон ташриф оварданд. Дар ин хусус АМИТ «Ховар» бо истинод ба Федератсияи футболи Тоҷикистон хабар медиҳад.
Ҳар сол Конфедератсияи футболи Осиё се мамлакатро барои лоиҳаи рушди идоракунии доварӣ интихоб менамояд. Имсол Тоҷикистон ба қатори давлатҳое шомил гардид, ки ин лоиҳа амалӣ мешавад.
Мақсади лоиҳаи идоракунии рушди доварон- муайян намудани ҷиҳатҳои қавӣ ва заъфи раёсат ва кумитаҳои доварони кишварҳое, ки шомили КФО мебошанд, ба шумор меравад.
Зимни сафар ба Тоҷикистон роҳбари маъмурияти раёсати доварони КФО Ҳирокузо Абэ ва менеҷери лоиҳаи идоракунии раёсати доварони КФО Рии Ченгсеок бо роҳбарияти Федератсияи футболи Тоҷикистон мулоқоти корӣ анҷом доданд.
Ҳамчунин дар ҷараёни сафари корӣ намояндагони раёсати доварони КФО аз бозиҳои даври шонздаҳуми мусобиқоти қаҳрамонии Тоҷикистон-2023 байни дастаҳои «Истиқлол» – «Регар-ТадАЗ» ва «Кӯктош» – «Файзканд» дидан намуданд.
Дар охир аз ҷониби комиссия барои беҳтар намудани сатҳи тайёрии доварон дар Тоҷикистон маслиҳатҳо дода шуданд.
АКС: Федератсияи футболи Тоҷикистон
«ФУТБОЛ — ОМИЛИ ВАҲДАТ ВА ҲАМДИЛИИ ҶАВОНОН». Байни устодону кормандони Донишгоҳи миллии Тоҷикистон мусобиқаи футболи хурд доир гардид
Ҷудокорони тоҷик ҳангоми ба даст овардани медалҳои Бозиҳои Осиёӣ бо ҷоизаҳои пулӣ қадрдонӣ мешаванд
Ба ғолибону ҷоизадорони Бозиҳои Осиёӣ-2026 Ҷоизаи Президенти Ҷумҳурии Тоҷикистон дода мешавад
Имрӯз дастаи мунтахаби Тоҷикистон оид ба футбол бо дастаи мунтахаби Озарбойҷон бозии дӯстона доир менамояд
Мирзобек Умаров ва Отабек Раҷабов дар Бозиҳои Осиёӣ-2026 аввалин медалҳои тиллоро соҳиб шуданд
Се варзишгари Тоҷикистон ба финали мусобиқаи ММА дар Бозиҳои Осиёии Ҷопон роҳ ёфтанд
Варзишгари тоҷик Беҳрӯз Умаров дар мусобиқаи байналмилалӣ дар Қазоқистон соҳиби медали тилло гардид
Рамазон Ҷумаев ва Анӯшервон Назарзода соҳиби унвони қаҳрамони Ҷоми ҷаҳон оид ба самбо дар шаҳри Душанбе гардиданд
Ҳайати дастаи мунтахаби Тоҷикистон барои бозиҳои дӯстона бо дастаҳои Озарбойҷон, Фаластин ва Чин муайян гардид
Душанбе маротибаи дуюм мизбони Ҷоми ҷаҳон оид ба самбо мегардад
Варзишгари тоҷик Ҷаҳонгир Камолов дар Мусобиқаи байналмилалии Ҷоми АвруОсиё соҳиби медали тилло шуд
Дар Кумитаи миллии олимпии Тоҷикистон бо варзишгарон-шиноварони Тоҷикистон вохӯрӣ доир гардид
