НИШАСТИ МАТБУОТӢ. Дар шаш моҳ дар Тоҷикистон 475 ҳодисаи фавқулодаи дорои хусусияти табиӣ сабт шудааст
ДУШАНБЕ, 04.08.2023 /АМИТ «Ховар»/. Дар шаш моҳи соли 2023 дар Ҷумҳурии Тоҷикистон 475 ҳодисаи фавқулодаи дорои хусусияти табиӣ сабт шуда, аз шумораи умумии ин ҳолатҳо 36 ҳодиса ба хоҷагии халқ зарари моддӣ расонидааст. Дар ин хусус Раиси Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон Рустам Назарзода имрӯз зимни нишасти матбуотӣ ба хабарнигорон иттилоъ дод.
Тазаккур дода шуд, ки бар асари офатҳои табиӣ 30 нафар шаҳрвандони мамлакат ҷони худро аз даст доданд. Аз ҳодисаҳои фавқулодаи табиӣ 470 хонаи истиқоматӣ (28 хона пурра, 73 қисман, 369 иншооти ёрирасон), 4 бинои мактаби таҳсилоти умумӣ ва муассисаҳои томактабӣ, 6 пул, 2916,1 гектар замини кишт ва 404 километр роҳи мошингард зарар дидаанд.
Иброз гардид, ки ба хонаводаҳои зарардида кумакҳо дар шакли маводи сохтмонӣ, маводи ғизоӣ, бастаҳои беҳдоштӣ ва хоҷагӣ ҷудо шуда, дар ноҳияҳо ба ниёзмандони тақсим шуданд.
Тибқи Нақшаи чорабиниҳои асосӣ дар соҳаи мудофиаи гражданӣ, пешгирӣ ва рафъи ҳолатҳои фавқулода, дар шашмоҳаи аввали соли 2023 дар байни аҳолӣ чорабиниҳои зерин гузаронида шуданд: 18 машқи маҷмуии мудофиаи шаҳрвандӣ, 62 машқи фармондеҳӣ-ситодӣ, 57 машқи махсуси тактикии мудофиаи гражданӣ, 53 омӯзиши ситодӣ ва 163 омӯзиши ғайринақшавӣ.
Ҳамчунин дар муассисаҳои таълимии таҳсилоти умумии мамлакат як силсила тамрину омӯзишҳо оид ба пешгирӣ ва бартарафсозии пайомадҳои ҳолатҳои фавқулода баргузор гардиданд.
София ШОИК,
АМИТ «Ховар»
АКС: АМИТ «Ховар»
Дар шаҳри Панҷакент нақшаи даъвати тирамоҳии ҷавонон ба хизмати ҳарбӣ иҷро шуд
Дар Ҳисор нақшаи даъвати тирамоҳии ҷавонон ба сафи Артиши миллӣ пурра иҷро гардид
Прокурори генералии Тоҷикистон бо Сафири Давлати Кувайт дар Ҷумҳурии Тоҷикистон мулоқот намуд
Дар Қирғизистон ҷаласаи Шурои вазирони мудофиаи кишварҳои аъзои Иттиҳоди Давлатҳои Мустақил доир шуд
«БА ВАТАН СОДИҚОНА ХИЗМАТ МЕКУНЕМ!». Дар Донишкадаи тарбияи ҷисмонии Тоҷикистон ҳамоиш доир шуд
Дар Душанбе нақшаи даъвати тирамоҳии ҷавонон ба сафи Қувваҳои Мусаллаҳи Ҷумҳурии Тоҷикистон пурра иҷро гардид
Байни Суди Олии Тоҷикистон ва Созмони умумиҷаҳонии моликияти зеҳнӣ Ёддошти тафоҳум оид ба ҳамкорӣ ба имзо расид
Дар Тоҷикистон нақшаи даъвати тирамоҳӣ ба сафи Қувваҳои Мусаллаҳ 84 фоиз иҷро шуд
Дар ноҳияи Исмоили Сомонии шаҳри Душанбе нақшаи даъвати ҳарбӣ 100 фоиз иҷро гардид
Намояндагони мақомоти судии Тоҷикистон ва Узбекистон дар Минск густариши муносибатҳои судӣ-ҳуқуқиро баррасӣ намуданд
Ноҳияи Шоҳмансури шаҳри Душанбе нақшаи даъвати ҳарбиро 100 фоиз иҷро намуд
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Хуҷанд 100 фоиз иҷро гардид
