НИШАСТИ МАТБУОТӢ. Хоҷагиҳои ноҳияи Сангвор бо 62 тонна картошкаи навъи «Аладдин» ва «Тоҷикистон» таъмин шуданд
САНГВОР, 08.08.2022 /АМИТ «Ховар»/. Маҷмуи маҳсулоти дохилии ноҳияи Сангвор дар шаш моҳи соли равон ба 82,2 миллион сомонӣ баробар гардид. Аз ин 22,8 миллион сомонӣ ба соҳаи кишоварзӣ, 25,6 миллион сомонӣ ба соҳаи савдо, 5,4 миллион сомонӣ ба соҳаи хизматрасонии пулакӣ ва 28,8 миллион сомонӣ ба соҳаи саноат рост меояд. Дар ин хусус 5 август Раиси ноҳияи Сангвор Маҳмадшоҳ Давлатзода зимни нишасти матбуотӣ маълумот дод.
Қисми даромади буҷети ноҳия дар шашмоҳаи аввали соли 2023 ба ҷойи 7 миллиону 272 ҳазор сомонии пешбинишуда дар ҳаҷми 6 миллиону 416 ҳазору 678 сомонӣ иҷро гардид, ки ба 88 дарсади нақша баробар мебошад. Сабаби иҷро нагардидани қисми даромади буҷети ноҳияи Сангвор фаъолияти нокифояи корхонаҳои саноатии заршӯӣ ва сохтмонӣ дониста шуд.
Зимни нишасти матбуотӣ гуфта шуд, ки барои дар сатҳи баланд пешвоз гирифтани ҷашни 35-солагии Истиқлолияти давлатӣ дар ноҳияи Сангвор бунёди 65 иншооти соҳаҳои гуногуни хоҷагии халқ ба нақша гирифта шудааст. Ҳамчунин соли 2023 барои сохтмони Нишони давлатӣ ва маҷлисгоҳ барои 400 нафар аз ҳисоби буҷети маҳаллӣ 640 ҳазор пешбинӣ гардидааст.
Дар ноҳияи Сангвор 70 фоизи аҳолии қобилияти меҳнат дар соҳаи кишоварзӣ кор мекунанд. Аз ин рӯ кишоварзони ноҳия дар заминҳои наздиҳавлигӣ, ёрирасон ва хоҷагиҳои деҳқонӣ дар майдони 1108 гектар ғалладонагӣ, дар 1118 гектар картошка, дар 96 гектар сабзавот, дар 5 гектар полезӣ, дар 50 гектар зағир ва дар 52 гектар хӯроки чорво кишт намуданд.
Ҳамчунин бо дастгирии Вазорати кишоварзии Ҷумҳурии Тоҷикистон ба кишоварзони ноҳияи Сангвор 62 тонна картошкаи навъи «Аладин» ва «Тоҷикистон» дастрас гардид, ки деҳқонон аз он ҳосили дилхоҳро интизор мебошанд.
Субҳониддини МАҲМУД,
АМИТ «Ховар»
АКС: АМИТ «Ховар»
Имрӯз дар баъзе ноҳияҳои алоҳидаи Тоҷикистон туман мефарояд
Имрӯз дар Агентии омор, Бонки миллӣ, Палатаи ҳисоб ва Хадамоти гумрук нишасти матбуотӣ баргузор мегардад
НИШАСТИ МАТБУОТӢ. Кишоварзони Ҳисор беш аз 11,3 ҳазор тонна мева ва хушкмева содирот намуданд
Дар ҳавзаи интихоботии якмандатаи Шоҳмансур №3 ташвиқоти пешазинтихоботии номзадҳо доир гардид
Ширкати «Париматч Тоҷикистон» бо «Лигаи футболи Тоҷикистон» шартномаи ҳамкориро идома дод
Дар Маҷмааи сайёҳии «Сафеддара» Форуми блогерон баргузор мегардад
Имрӯз дар баъзе ноҳияҳои Тоҷикистон бориши борон ва барф дар назар аст
Имрӯз дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
«БЕҲТАРИН ЁРИ ВАФОДОР КИТОБ АСТ, КИТОБ». Имрӯз дар Душанбе беш аз 15 ҳазор нусха китоб ба намоиш-фурӯш пешниҳод гардид
НИШАСТИ МАТБУОТӢ. Соли 2024 бо шарофати дастоварди варзишгарони Тоҷикистон 134 маротиба Суруди миллӣ дар мусобиқаҳои сатҳи байналмилалӣ садо додааст
Дар Суғд барои дарёфти Ҷоизаи журналистони вилоят ба номи Ҳоҷӣ Содиқ озмун гузаронида мешавад
