Созмони умумиҷаҳонии тандурустӣ аз хатари баланди паҳншавии вабо дар ҷаҳон ҳушдор медиҳад
ДУШАНБЕ, 05.08.2023 /АМИТ «Ховар»/. Созмони умумиҷаҳонии тандурустӣ (СУТ) хатари хеле баланди паҳншавии ваборо дар ҷаҳон эълом менамояд. Тавре АМИТ «Ховар» иттилоъ медиҳад, дар ин хусус ТАСС хабар додааст.
Чунонки дар бюллетени иттилоотии ин созмон ишора гардидааст, аз аввали сол то ҳол дар 25 давлати ҷаҳон хуруҷи бемории вабо сабт шудааст. «Бо дарназардошти афзоиши якбора авҷгирии беморӣ ва тақсимоти ҷуғрофии он, инчунин набудани ваксинаҳо ва дигар захираҳо СУТ хатарро дар сатҳи ҷаҳонӣ хеле баланд арзёбӣ менамояд», ишора намуданд дар созмон.
Аз аввали сол инҷониб дар 14 кишвари Африқо бемории вабо сабт шуда буд, аз ҷумла хуруҷи бемории вабо дар Конго, Камерун, Африқои Ҷанубӣ, Малави, Мозамбик, Сомалӣ ва Эфиопия ба назар расид.
Вабо яке аз бемориҳои махсусан хатарноки сироятӣ мебошад, ки аз бактерияҳо (вибрионҳо) — и вабо ба вуҷуд меояд. Беморӣ ҳангоми ба организм ворид шудани барангезанда бо ғизои заҳролуд ё оби олуда ба вуҷуд меояд.
Азиза ИКРОМ,
АИМТ «Ховар»
АКС аз манбаъҳои боз
Дар Тоҷикистон сохтмони хонаҳои истиқоматӣ вусъат ёфтааст
Имрӯз дар шаҳри Душанбе ҳаво то 28 дараҷа гарм мешавад
Муассисаҳои буҷетии ноҳияи Тоҷикобод бо ангишти кони Камароб пурра таъмин карда шуданд
Сафири Тоҷикистон дар Амрико дар Форуми сатҳи баланд иштирок намуд
ОМОДАГӢ БА ЗИМИСТОН. Иншооти соҳаҳои маориф ва тандурустии шаҳри Роғун бо ангишт, ҳезум ва сӯзишворӣ таъмин мебошанд
Дар Данғара даври ноҳиявии Озмуни ҷумҳуриявии «Беҳтарин хизматчии давлатӣ аз ҳисоби занон» доир гардид
Дар шаҳри Гулистон иншооти нави иҷтимоӣ ба истифода дода шуд
