ТАҒЙИРЁБИИ ИҚЛИМ. Коршиносон дар соли 2024 мавҷи гармои рекордиро пешгӯӣ намудаанд
ДУШАНБЕ, 17.08.2023 /АМИТ «Ховар»/. Коршиносон соли 2024 мавҷи гармии рекордӣ пешгӯӣ намудаанд. Ҳарорати рекордӣ ҳанӯз дар пеш аст: оқибатҳои асосии мавҷи гармии Ал — Нино ҳанӯз ошкор нашудаанд. Эҳтимол он соли 2024 рух диҳад. Муҳаққиқон ақида доранд, ки ҳарорат боз ҳам гармтар хоҳад шуд. Дар ин хусус АМИТ «Ховар» бо истинод ба Euronews иттилоъ медиҳад.
Тибқи пешгӯиҳои Агентии кайҳонии Амрико (NASA), таъсири мавҷи гармии Ал-Нино ба иқлими сайёра махсусан аз давраи моҳи феврал то апрели соли 2024 эҳсос хоҳад шуд.
Дар агентии кайҳонии NASA ба хулосае омаданд, ки соли равон дар таърихи сайёраи Замин метавонад гармтарин бошад. Мувофиқи ҳисобҳои олимон, эҳтимоли натиҷаи чунин ҳодисаҳо 50% — ро ташкил медиҳад.
Моҳи июл аллакай «бо фосилаи зиёди ҳарорат» аз рекорди қаблӣ гармтарин моҳ дар таърих эътироф шудааст, ки инро сармутахассиси Идораи миллии таҳқиқоти уқёнусӣ ва атмосферӣ (NOAA) Сара Капник дар нишасти матбуотии рӯзи душанбе тасдиқ намуд.
Сабаби асосии гармшавӣ газҳои гармхонаӣ ҳамчун натиҷаи фаъолияти инсон ба ҳисоб мераванд.
Инчунин мувофиқи пешгӯии солонаи NOAA, соли 2023 эҳтимол ба панҷ соли гармтарин дар таърихи мушоҳидаҳо дохил шавад. Дар айни замон он аллакай дар ҷои сеюм қарор дорад.
Илова бар ин, падидаи мавҷи гармии Ал — Нино (гармшавии қисми уқёнуси Ором) ба обу ҳавои Замин аз давраи моҳи феврал то апрели соли 2024 таъсири калон хоҳад расонд.
Олимон бар ин назаранд, ки ин метавонад ба ҳадди ниҳоии гармшавии 1,5 дараҷа оварда расонад ва боиси ҳодисаҳои шадиди обу ҳаво, аз қабили хушксолӣ, тӯфонҳо ва обхезиҳо гардад. Қаблан муҳаққиқон гумон доштанд, ки агар ҳарорати миёнаи ҷаҳонӣ бо суръати имрӯза афзоиш ёбад, пас то охири аср аз се ду ҳиссаи пиряхҳо аз байн мераванд.
Коршиносони NASA ишора менамоянд, ки баландшавии якбораи ҳарорат дар Амрикои Шимолӣ ва Ҷанубӣ, Африқои Шимолӣ ва нимҷазираи Антарктида сабт шудааст, ки он аз ҳисоби миёна тақрибан 4°C зиёд мебошад.
Ҳарорати сатҳи уқёнус низ ба сатҳи рекордӣ расидааст. Ин тамоюл моҳи чорум аст, ки пай дар пай мушоҳида мешавад.
Азиза ИКРОМ,
АМИТ «Ховар»
АКС: Euronews
«ФАРЗАНД — ИДОМАДИҲАНДАИ ОИЛА». Дар ноҳияи Данғара таҳти ин унвон иқдоми маърифатӣ гузаронида шуд
Ғолибони озмуни «Донандаи беҳтарин асарҳои Пешвои миллат» дар Донишгоҳи давлатии Хоруғ муайян гардиданд
Имрӯз дар ноҳияҳои алоҳидаи кӯҳии Тоҷикистон борони кӯтоҳмуддат меборад
САВГАНДИ САДОҚАТ БА ХАЛҚУ ВАТАН! Дар шаҳри Бӯстон маросими савгандёдкунии наваскарон баргузор гардид
КИРМАКПАРВАРӢ. Имсол ба ҷамоатҳои шаҳри Истаравшан 200 қуттӣ кирмак тақсим карда шуд
Барои муштариёни Суғду Хатлон – тарофаҳои дорои интернети бештар
Дар ноҳияи Рӯдакӣ таҳти унвони «Оила-рамзи муҳаббат, вафо ва ҳамдигарфаҳмӣ» ҳамоиш доир гардид
Ноҳияи Дӯстии вилояти Хатлон нақшаи истеҳсоли пилларо пурра иҷро намуд
ИМРӮЗ — РӮЗИ БАЙНАЛМИЛАЛИИ ОИЛА. Барномаи давлатии рушди оила дар Тоҷикистон ба таҳкими пояҳои оиладорӣ нигаронида шудааст
Имрӯз дар Тоҷикистон ҳаво то 36 дараҷа гарм мешавад
Дар ноҳияи Нуробод бахшида ба Рӯзи байналмилалии оила ҳамоиши маърифатӣ доир гардид
«ДУШАНБЕ — ШАҲРИ САРСАБЗ, ГУЛПӮШ ВА НАЗАРРАБО». Андешаҳои иштирокчии Конфронси Созмони озуқаворӣ ва кишоварзӣ дар ин маврид
