ВАРЗОБ: ИҚДОМ БАРОИ ТОЗАКОРӢ. Дар қисматҳои гуногуни шоҳроҳи байналмилалии ҳудуди ноҳия қуттиҳои махсуси партов гузошта шуданд
ДУШАНБЕ, 02.08.2023 /АМИТ «Ховар»/. Бо иқдоми созандаи Мақомоти иҷроияи ҳокимияти давлатии ноҳияи Варзоб дар қисматҳои гуногуни шоҳроҳи байналмилалии Душанбе-Хуҷанд-Чанок, ки аз ҳудуди ноҳия мегузаранд, қуттиҳои махсуси партов гузошта шуданд. Дар ин хусус ба АМИТ «Ховар» дар Мақомоти иҷроияи ҳокимияти давлатии ноҳияи Варзоб иттилоъ доданд.
Қуттиҳои махсуси партов асосан дар минтақаҳое гузошта шудаанд, ки ҳам барои ронандагону мусофирон ва ҳам сайёҳону истироҳаткунандагон дастрас мебошанд. Насби чунин қуттиҳо имкон фароҳам меорад, ки канори шоҳроҳ, минтақаҳои назди мавзеъҳои истироҳатию сайёҳӣ ва маҳалҳои аҳолинишин ҳамеша тозаю озода нигоҳ дошта шаванд. Дар маҷмуъ дар канори шоҳроҳу минтақаҳои назди мавзеъҳои истироҳатию сайёҳӣ ва маҳалҳои аҳолинишин дар ҳудуди ноҳияи Варзоб беш аз 20 қуттии махсус барои партов гузошта шудаанд.
Ноҳияи Варзоб аз минтақаҳои сайёҳию истироҳатии мамлакат ба ҳисоб рафта, ҳамасола дар мавсими саёҳат садҳо ҳазор нафар сайёҳону истироҳаткунандагон аз ҳисоби сокинони мамлакат ва шаҳрвандони кишварҳои хориҷӣ барои сайру фароғат ба ин ҷо меоянд.
Варзоб ноҳияи наздишаҳрӣ ба ҳисоб рафта, дар масофаи 25 км дурӣ аз шаҳри Душанбе, дар қисмати шимолӣ ҷойгир мебошад.
АКС: Мақомоти иҷроияи ҳокимияти давлатии ноҳияи Варзоб
Дар ноҳияи Зафаробод агрегати нави пойгоҳи обкашии «Мирзочӯл-2» ба истифода дода шуд
Дар басти якуми истироҳатгоҳи «Ширкент» зиёда аз 320 нафар кӯдакону наврасон ба истироҳати бофароғат ҷалб гардиданд
Доир ба хатари сиёсисозии дини ислом ба амнияту суботи давлат ва ҷомеа конференсияи илмӣ-амалӣ баргузор гардид
Вазирони тандурустии давлатҳои аъзои ТУТ масъалаи муқовимат ба ҳолатҳои фавқулодаро баррасӣ намуданд
Дар Фаронса дастовардҳои Тоҷикистон дар самти ислоҳоти судӣ — ҳуқуқӣ муаррифӣ гардид
ИМРӮЗ–РӮЗИ ТАЪСИСИ БОЗРАСИИ ДАВЛАТИИ АВТОМОБИЛӢ. Амнияти ҳаракат дар роҳ самти асосии фаъолияти ин мақомот мебошад
Дар моҳи июл Тоҷикистонро чӣ гуна ҳаво интизор аст?
Дар Душанбе нахустин маротиба Рӯзи кормандони соҳаи суғуртаи иҷтимоӣ ва нафақа таҷлил гардид
ҒИЗОИ СОЛИМ. Омили афзоиши бемории диабети қанд истеъмоли ғизои аз ҳад зиёд ва номутаносиб мебошад
1 ИЮЛ — РӮЗИ КОРМАНДОНИ СОҲАИ СУҒУРТАИ ИҶТИМОӢ ВА НАФАҚА. Дар солҳои соҳибистиқлолӣ андозаи нафақаҳо зиёда аз 20 маротиба зиёд карда шуд
Дар Душанбе дар мавзуи «Сиёсисозии ислом ва хатари он ба амнияти сиёсӣ ва суботи ҷомеа» ҳамоиши илмӣ доир мегардад
Маросими видоъ бо раиси марҳуми Вилояти Мухтори Кӯҳистони Бадахшон Алишер Мирзонабот баргузор гардид
