Вазорати фарҳанг ба ёдгории шаҳристони Тахти Сангин пресс-тур ташкил менамояд
ДУШАНБЕ, 29.08.2023 /АМИТ «Ховар»/. Вазорати фарҳанги Ҷумҳурии Тоҷикистон тасмим гирифтааст, ки рўзҳои наздик бахшида ба ҷашни 2500-солагии шаҳристони Тахти Сангин бо ҷалби коршиносону мутахассисон ва намояндагони воситаҳои ахбори оммаи ватанӣ ба ин ёдгории таърихиву фарҳангӣ пресс-тур ташкил намояд.
Бояд гуфт, ки моҳи сентябри соли равон дар мамлакат 2500-солагии шаҳраки қадимаи Тахти Сангин таҷлил карда мешавад.
Тибқи иттилои масъулин, оид ба таҳия ва пешниҳоди рамзи 2500-солагии шаҳристони Тахти Сангин озмун гузаронида шуда, албоми бозёфтҳо ва раванди корҳои ҳафриёти ин ёдгории таърихию фарҳангӣ чоп хоҳад шуд. Ҳамзамон дар назар аст, ки соли равон дар ин ёдгорӣ корҳои ҳафриётӣ-тадқиқотӣ зиёд ва китоби «Тахти Сангин дар таърихи Осиёи Марказӣ» таҳия ва чоп гардад.
Бояд тазаккур дод, ки соли равон баргузории намоиши «Тахти Сангин — ёдгории фарҳангии антиқии Тоҷикистон» дар назар дошта шуда, моҳи октябри соли 2023 бо ташаббуси Академияи миллии илмҳои Тоҷикистон таҳти унвони «Тахти Сангин — намоди омезиши тамаддуни Шарқу Ғарб» Симпозиуми байналмилалии илмӣ баргузор мегардад.
Ёдовар мешавем, ки 11 ноябри соли 2021 зимни ҷаласаи 41-уми Конфронси генералии ЮНЕСКО тибқи тавсияи Шӯрои иҷроияи ЮНЕСКО ва қарори 41 C/15 Конфронси генералӣ номинаи Тоҷикистон оид ба 2500-солагии шаҳраки қадимаи Тахти Сангин ба Феҳристи ҷашнвораҳои ЮНЕСКО барои таҷлил дар солҳои 2022-2023 ворид гардид.
АКС: манбаъҳои боз
Дар Хоруғ озмуни шаҳрии «Расми беҳтарин дар мавзуи бехатарӣ аз сӯхтор» баргузор гардид
Дар Хуҷанд даври якуми Озмуни ҷумҳуриявии «Малакаи касбӣ» баргузор шуд
«ТОҶИКИСТОН-ВАТАНИ АЗИЗИ МАН». Дар ноҳияи Ҷалолиддини Балхӣ даври ноҳиявии ин озмун баргузор шуд
Дар Коллеҷи омӯзгории шаҳри Панҷакент даври якуми Озмуни ҷумҳуриявии «Илм-фурӯғи маърифат» доир гардид
Имрӯз дар шаҳри Душанбе ҳаво то 30 дараҷа гарм мешавад
Дар Институти илмҳои гуманитарӣ конференсияи илмӣ баргузор шуд
Вобаста ба нақши воситаҳои ахбори омма дар шароити ҷаҳонишавӣ конференсияи илмӣ доир шуд
12 апрел — Рӯзи байналмилалии парвози инсон ба кайҳон. Саҳми олимони Институти астрофизика дар таҳқиқи ҷирмҳои хурди системаи офтобӣ назаррас аст
Имрӯз дар Тоҷикистон ҳаво то 31 дараҷа гарм мешавад
Дар Донишгоҳи давлатии Кӯлоб дар доираи Ҳафтаи илм конференсия баргузор шуд
Дар шаҳри Хуҷанд Фестивал-озмуни шаҳрии «Беҳтарин армуғон» баргузор гардид
Вобаста ба ҳамкории илмӣ дар фазои АвруОсиё форуми байналмилалӣ доир шуд
