32-СОЛАГИИ ИСТИҚЛОЛИЯТИ ДАВЛАТӢ. Дар шаҳри Ҳисор якчанд иншооти ҷашнӣ ба истифода дода шуд
ДУШАНБЕ, 09.09.2023 /АМИТ «Ховар»/. Дар остонаи 32-солагии Истиқлолияти давлатии Ҷумҳурии Тоҷикистон дар ҷамоатҳои шаҳраку деҳоти шаҳри Ҳисор якчанд иншооти ҷашнӣ ба истифода дода шуд, ки дар маросими ифтитоҳи он намояндаи Ҳукумати Ҷумҳурии Тоҷикистон, ректори Донишгоҳи миллии Тоҷикистон Қобилҷон Хушвахтзода ва Раиси шаҳри Ҳисор Қосим Роҳбар иштирок намуданд.
Ба АМИТ «Ховар» дар Мақомоти иҷроияи ҳокимияти давлатии шаҳри Ҳисор иттилоъ доданд, ки нахуст дар деҳаи Нурободи Ҷамоати деҳоти Мирзо Ризо бо иштироки пиру барнои деҳа ва фаъолони ҷамоат бинои нави муассисаи таҳсилоти ибтидоии рақами 112 ба истифода дода шуд. Бинои нав аз 7 синфхона ва як утоқи корӣ барои омӯзгорон иборат буда, бо саҳми аҳолӣ ва соҳибкорони саховатпешаи деҳа ба маблағи беш аз 780 000 сомонӣ сохта шудааст. Ҳамчунин Мақомоти иҷроияи ҳокимияти давлатии шаҳри Ҳисор барои сохтмон 80 000 дона хишт кумак намуда, бо ташаббуси шуъбаи маорифи шаҳр, дастгирии соҳибкорон ва Вазорати маориф ва илми Ҷумҳурии Тоҷикистон 74 ҷуфт мизу курсӣ дастрас гардид.
Хонандагони муассиса маълумоти асосӣ ва миёнаро дар муассисаҳои таҳсилотии рақамҳои 43 ва 47, ки дар масофаи беш аз 1,5-2,5 километр дур аз деҳаи Нуробод қарор доранд, мегиранд. Ба истифода додани мактаби нав имконияти аз муассисаи ибтидоӣ ба умумии асосӣ ва ё миёнаи умумӣ табдил додани муассисаро фароҳам овардааст. Меҳмонон вориди синфхонаҳо шуда ба сифати кори сохтмончиён ва шароиту имконоти фароҳамгардида баҳои баланд доданд.
Инчунин ҳайат аз муассисаи таҳсилоти миёнаи умумии рақами 11, воқеъ дар маҳаллаи Белайдузи Ҷамоати шаҳраки Ҳисор боздид намуда, бо натиҷаи корҳои таъмиру тармими асосии муассиса, ки бо саҳми аҳолӣ, соҳибкорон ва хатмкардаҳои муассисаи мазкур амалӣ шудааст, шинос гардид. Дар муассиса 16 синфхона ва толори варзишӣ бо маблағи зиёда аз як миллион сомонӣ пурра таъмир гардида, мизу курсиҳо ва дигар таҷҳизоти зарурӣ иваз шудаанд. Ҳамчунин як синфхона барои технологияи иттилоотӣ ташкил ва бо компютерҳо муҷҷаҳаз гардонида шудааст.


Дар муассиса 40 нафар устодони соҳибтахассус ба 786 нафар шогирдон дар ду баст дарс медиҳанд.
Маъмурияти муассиса аз саҳмгузорони асосӣ-раиси маҳалла Ҷалол Саидов, Фахриддин Ниёзов, Рустам Саидов, Баракатулло Камолов, Баҳриддин Солиҳов, Раззоқ Саидов, хонадони бародарон Аловиддиновҳо ва дигар саҳмгузорони ҳаммаҳаллаашон сипосгузор мебошанд.
Дар Ҷамоати деҳоти Дурбат меҳмонон иншооти сохтаи соҳибкор Алишер Давлатовро, иборат аз чойхона, ду сардхона бо ғунҷоиши 450 тонна меваю сабзавот, мағозаи хӯрокворӣ ва қисмҳои эҳтиётии автомобил, нуқтаҳои фурӯши сӯзишворӣ, таъмири нақлиёт ва шустушӯи автомобилҳо мавриди баҳрабардорӣ қарор доданд. Тавре масъулони иншоот иттилоъ доданд, дар иншоот имконияти бо ҷойи кор таъмин гардидани то 40 нафар фароҳам омадааст.
Намояндаи Ҳукумати Ҷумҳурии Тоҷикистон Қобилҷон Хушвахтзода ва раиси шаҳр Қосим Роҳбар дар кӯчаи Бобоҷон Ғафурови шаҳраки Ҳисор бинои баландошёнаи истиқоматии бисёҳуҷрагӣ, иборат аз 30 хонаи якҳуҷрагӣ, 54 хонаи дуҳуҷрагӣ ва боқимонда сеҳуҷрагию чорҳуҷрагиро ба истифода доданд. Иншоот тибқи нақшаи чорабиниҳо бахшида ба 35-солагии Истиқлолияти давлатии Тоҷикистон дар масоҳати умумии 1400 метри мураббаъ ба маблағи беш аз 8,9 миллион сомонӣ аз ҷониби соҳибкор Субҳоншоҳ Маҳрамов бунёд гардида, барои бо манзил таъмин намудани 138 оилаи ниёзманд пешбинӣ шудааст. Ҳамчунин бо иқдоми соҳибкор дар ҳавлии бино тӯйи суннатии 11 кӯдак аз оилаҳои ниёзманд баргузор гардида, ба онҳо туҳфаҳо тақдим гардид.
Тибқи нақшаи чорабиниҳои Мақомоти иҷроияи ҳокимияти давлатии шаҳри Ҳисор ба ифтихори 35-солагии Истиқлолияти Тоҷикистон дар арафаи ҷашни 32-солагии Истиқлолият дар шаҳр 78 иншооти дорои таъйиноти гуногун ба истифода дода мешаванд. Инчунин дар раванди корҳои бунёдкорию ободонӣ дар якчанд деҳу маҳалла таъмиру таҷдид, мумфаршу сангфаршкунии роҳҳо, ивазкунии трансформатор ва симчӯбу ноқилҳо, чароғонкунии кӯчаҳо дар назар дошта шудааст.
АКС: Мақомоти иҷроияи ҳокимияти давлатии шаҳри Ҳисор








Дар Академияи идоракунии давлатӣ китоби «Нақши Эмомалӣ Раҳмон дар таҳким ва арҷгузорӣ ба мақоми занон дар ҷомеа» рӯнамоӣ гардид
Донишгоҳи давлатии омӯзгорӣ ба раддабандии байналмилалии таҳқиқоти илмии байнифаннӣ барои соли 2027 ворид шуд
РӮЗИ ПРЕЗИДЕНТ — РАМЗИ ДАВЛАТДОРИИ НАВИН ВА ДАСТОВАРДҲОИ ТОҶИКИСТОНИ СОҲИБИСТИҚЛОЛ. Андешаҳо дар ин маврид
Дар Ёвон бинои иловагии муассисаи таълимӣ ва маркази инкишофи кӯдак ба истифода дода шуд
Дар ноҳияи Варзоб ду муассисаи нави таълимӣ барои 1485 хонанда ба истифода дода мешавад
Донишҷӯёни Донишгоҳи техникии Тоҷикистон дар Озмуни байналмилалии Cezeri Fest 2026 соҳиби ҷойи якум шуданд
ТАҲСИЛ КАРДАН ДЕРӢ НАДОРАД. Зиёда аз 8 ҳазор хонанда дар мактаби ғоибона ба таҳсил фаро гирифта шуданд
Дар Донишгоҳи байналмилалии забонҳои хориҷии Тоҷикистон Маркази имтиҳонии «linguaskill» ба фаъолият оғоз намуд
ИҶЛОСИЯИ XVI ШУРОИ ОЛӢ ВА ТАШАККУЛИ НИЗОМИ НАВИ ИДОРАКУНИИ ДАВЛАТ. Андешаҳо дар ин маврид
Донишкадаи Конфутсийи назди Донишгоҳи миллии Тоҷикистон бо сертификати «Беҳтарин маркази забономӯзӣ» сарфароз гардонида шуд
Дар Донишгоҳи технологии Тоҷикистон бахшида ба Рӯзи Президент конференсияи илмӣ доир шуд
Бахшида ба Рӯзи Президент дар Литсей барои хонандагони болаёқат дар шаҳри Душанбе ҳамоиш доир шуд






