Ҳайати дастаи мунтахаби Тоҷикистон оид ба ҷиу-ҷитсу дар Бозиҳои Осиёӣ дар шаҳри Ханжоу муайян шуд
ДУШАНБЕ, 05.09.2023 /АМИТ «Ховар»/. Ҳайати дастаи мунтахаби Тоҷикистон оид ба ҷиу-ҷитсу дар Бозиҳои Осиёӣ, ки дар шаҳри Ханжоуи Ҷумҳурии Мардумии Чин баргузор мегардад, муайян шуд. Аз ин намуди зебои варзиш Ҷумҳурии Тоҷикистонро 6 нафар- Фотимахон Гадоева дар вазни 48 кг, Хушдил Ҷафаров дар вазни 62 кг, Рамшед Абдуллоев дар вазни 69 кг, Абдураҳмони Баҳромҷон ва Меҳроҷ Камолов дар вазни 77 кг ва Хушбахт Раҳмихудоев дар вазни 85 кг муаррифӣ менамоянд. Дар ин хусус президенти Федератсияи ҷиу-ҷитсуи Тоҷикистон Раҷабалӣ Турсунзода ба шореҳи варзиши АМИТ «Ховар» хабар дод.
Бозиҳои XIX Осиё аз 23 сентябр то 8 октябр дар шаҳри Ханжоуи Ҷумҳурии Мардумии Чин доир мегарданд. Тоҷикистонро дар он беш аз 100 варзишгар намояндагӣ менамоянд.
Ба иттилои Кумитаи миллии олимпии Тоҷикистон, барои иштирок дар Бозиҳои XIX Осиё аз ҷониби 45 кумитаи миллии олимпӣ — аъзои Шурои олимпии қора ба кумитаи тадорукоти бозиҳо дархост пешниҳод шудааст. Ба барномаи бозиҳо 40 навъи варзиш (28 намуди олимпӣ ва 12 намуди ғайриолимпӣ) дохил аст.
Дар ин бозиҳо бори аввал оид ба киберварзиш ва брейк-данс мусобиқот баргузор мешаванд. Иштироки варзишгарони тоҷик ба ҷуз аз ҷудо дар намудҳои бокс, варзиши сабук, гӯштини озод ва юнонию румӣ, вазнабардорӣ, шиноварӣ, камонварӣ, тирандозӣ, таэквондо, каратэ, кураш ва шоҳмот дар назар аст.
Бозиҳои XIX Осиё дар 54 майдони варзишӣ дар шаҳри Ҳангжоу ва 5 шаҳри музофоти Чжетсзян — Нинбо, Вэнчжоу, Сзинхуа, Шаосине ва Ҳучжоу баргузор мегарданд.
Ёдовар мешавем, ки Бозиҳои Осиё шуруъ аз соли 1951 ҳар чор сол таҳти сарпарастии Шурои олимпии Осиё баргузор мешаванд. Тоҷикистон аз соли 1994 дар ин бозиҳо иштирок намуда, то ин дам 27 медал ба даст овардааст, ки чор тилло, шаш нуқра ва ҳабдаҳ биринҷӣ мебошад.
АКС аз манбаъҳои боз
ФУТБОЛ. Дастаи олимпии Тоҷикистон (U-23) бо ҳамсолони худ аз Чин бозиҳои дӯстона баргузор мекунад
Ғолибони Чемпионати Осиё оид ба бокс қадрдонӣ карда шуданд
Ҳайати дастаи мунтахаби Тоҷикистон оид ба футбол барои бозиҳои дӯстона бо тими мунтахаби Ҳиндустон муайян гардид
ФУТБОЛ. Дастаи мунтахаби Тоҷикистон бо тими мунтахаби Ҳиндустон бозиҳои дӯстона анҷом медиҳад
Дар Ёвон гулгашти фарҳангию фароғатӣ бо муҷассамаи «Рамзи футбол» ба истифода дода шуд
Дар деҳаи ба номи Иброҳим Бозорови шаҳри Турсунзода бахшида ба Рӯзи ҷаҳонии футбол майдони варзишии «Ҳумо Арена» ифтитоҳ ёфт
Бахшида ба Рӯзи ҷаҳонии футбол Фестивали бошукуҳи футбол баргузор гардид
Дар Душанбе Варзишгоҳи миллӣ ба истифода дода мешавад
Хислатҳои неки роҳбарии Рустами Эмомалӣ -ҳадафмандӣ, таваҷҷуҳ ба таҷрибаҳои беназир, эҳтиром ба одамон ва муоширати сатҳи баланд
Эмомалӣ Раҳмон: «Футбол имрӯз на танҳо як намуди варзиш, балки омили муҳими таҳкими дӯстӣ, ҳамдигарфаҳмӣ ва ҳамбастагии халқҳо гардидааст»
Дар шаҳри Оснабрюки Олмон бахшида ба Рӯзи ҷаҳонии футбол мусобиқа баргузор гардид
25 МАЙ — РӮЗИ ҶАҲОНИИ ФУТБОЛ. Дар Варзишгоҳи марказии ҷумҳуриявӣ Фестивали футбол доир мегардад
